სერგო ჭიღლაძე

სერგო ჭიღლაძე (დ. 14 მარტი, 1920, ზოდი ― გ. 3 თებერვალი, 1944) — ქართველი სამხედრო პირი, უმცროსი სერჟანტი, საბჭოთა კავშირის გმირი.

მემორიალური დაფა მინსკში

ბიოგრაფია

სკოლის დამთავრების შემდეგ მუშაობდა ჭიათურის მაღაროში ელექტრომონტიორად, მებიგედ, მეელმავლედ. დიდი სამამულო ომის დროს იბრძოდა ჩრდილო-დასავლეთ ბრიანსკისა და ბელორუსიის I ფრონტებზე. 1944 წლის 3 თებერვალს სოფელ დუბროვასთან გამართულ ბრძოლაში დაიღუპა. ამავე ბრძოლაში გამოჩენილი მამაცობისთვის მიენიჭა საბჭოთა კავშირის გმირის წოდება. ქალაქ მინსკში არის მისი სახელობის ქუჩა, ერთ-ერთ სახლზე კი მისი სახელობის მემორიალური დაფაა დაყენებული.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 402.

რესურსები ინტერნეტში

• სერგო ჭიღლაძე — საქართველოს ბიოგრაფიული ლექსიკონი