საცხენეს ციხე
საცხენეს ციხე — არქიტქტურული ძეგლი, მდებარეობს საცხენეს ჩრდილოეთ განაპირას. თარიღდება გვიანდელი შუა საუკუნეებით. ციხე გეგმით სწორკუთხაა (ამჟამად მისი ტერიტორია გამოყენებულია სამეურნეო დანიშნულებისამებრ). ნაგებია სხვადასხვა ზომის ნატეხი ქვითა და კირის ხსნარით. ციხის სამხრეთ-აღმოსავლეთით კუთხეში მასიური ბურჯია ჩართული. სამხრეთ-დასავლეთით კი - მომცრო მრგვალი კოშკი (შემორჩენილია დაახლოებით 5-6 მ სიმაღლეზე), რომლის კედლებში ნიშებია მოწყობილი. ციხე განკუთვნილი იყო მრავალრიცხოვანი გარნიზონის სადგომად, რასაც მოწმობს გალავნის კედელთან მიჯრით მიშენებული სათავსების ნაშთები. ციხის შეისრულთაღიანი შესასვლელი გალავნის სამხრეთ კედელშია, კედელი კი სათოფურებითაა აღჭურვილი.
ლიტერატურა[რედაქტირება | წყაროს რედაქტირება]
- აბაშიძე მ., საქართველოს ისტორიისა და კულტურის ძეგლთა აღწერილობა, ტ. 1-I, თბ., 2013. — გვ. 445.