საქვრივო

მასალა ვიკიპედიიდან — თავისუფალი ენციკლოპედია
Jump to navigation Jump to search

საქვრივო — ქვრივი გლეხი ქალის გათხოვებისას მისი ბატონის სასარგებლოდ სასიძოსათვის დაკისრებული გადასახადი გვიანდელ ფეოდალურ საქართველოში. საქვრივო ვახტანგ VI-ის სამართლითა და დასტურლამალით წესრიგდებოდა. სამეფო სოფლებში საქვრივოს ძირითადი ნაწილი მეფისა იყო, ხოლო ნაწილი — მოურავის, ნაცვლისა და მამასახლისის. საქვრივოს ჩვეულებრივ შეადგენდა 1 ხარი ან ძროხა, რასაც 5 აბაზიც ემატებოდა. XVIII საუკუნის II ნახევარში და XIX საუკუნეში საქვრივომ ფულადი გადასახადის ხასიათი მიიღო და მისი რაოდენობა 5-იდან 50 მანეთამდე მერყეობდა.

ლიტერატურა[რედაქტირება | წყაროს რედაქტირება]