საქართველო სრულუფლებოვანი დამოუკიდებელი სახელმწიფოა (წიგნი)
| „საქართველო სრულუფლებოვანი დამოუკიდებელი სახელმწიფოა (1918)“ | |
|---|---|
| ავტორი | ვახტანგ გურული |
| ქვეყანა |
 საქართველო |
| ენა | ქართული ენა |
| გამომცემელი | ქართული უნივერსიტეტი |
| გამოცემის თარიღი | 2018 წელი |
საქართველო სრულუფლებოვანი დამოუკიდებელი სახელმწიფოა (1918) — წიგნი წინასიტყვაობის, ოთხი თავისა და დასკვნისაგან შედგება. დართული აქვს ავტორის მიერ საქართველოს სახელმწიფოებრივი დამოუკიდებლობის აღდგენისადმი მიძღვნილი მონოგრაფიებისა და სტატიების სია. პირველ თავში განხილულია შემდეგი საკითხები:
- 1917 წლის თებერვალ-მარტის რევოლუცია;
- სამხედრო-პოლიტიკური ვითარება საქართველოში 1917 წლის თებერვალ-მარტის რევოლუციის დროსა და რევოლუციის შემდეგ;
- ქართული ეროვნული მოძრაობის კონსოლიდაცია (1917 წლის აპრილი-ნოემბერი);
- 1917 წლის 25 ოქტომბრის კონტრრევოლუციური სახელმწიფო გადატრიალება რუსეთში;
- ვითარება ამიერკავკასიასა და საქართველოში 1917 წლის 25 ოქტომბრის კონტრრევოლუცური სახელმწიფო გადატრიალების შემდეგ (1917 წლის ოქტომბერი-1918 წლის იანვარი).
მეორე თავი ეთმობა საქართველოს პირველი ეროვნული ყრილობის მოწვევისა და მუშაობის ისტორიას, გაანალიზებულია ყრილობის მიერ მიღებული დადგენილებები. მესამე თავში წარმოდგენილია შემდეგი საკითხები:
- მოლაპარაკების განახლება ოსმალეთთან;
- 1917 წლის 5 (18) დეკემბრის ერზინჯანის დროებითი ზავის დარღვევა;
- ვითარება ბრესტ-ლიტოვსკის ზავის დადებამდე;
- 1918 წლის 3 მარტის ბრესტ-ლიტოვსკის საზავო ხელშეკრულება. ვითარება ამიერკავკასიაში ბრესტ-ლიტოვსკის ხელშეკრულების დადების შემდეგ;
- ტრაპიზონის საზავო კონფერენცია;
- ოსმალეთის მიერ აჭარაისა და სამცხე-ჯავახეთის ოკუპაცია.
მეოთხე თავი ძირითადია და იგი შემდეგი საკითხებისაგან შედგება:
- ამიერკავკასიის დამოუკიდებლობის გამოცხადება. ამიერკავკასიის დემოკრატიული ფედერაციული რესპუბლიკის შექმნა;
- საქართველოს კონსტიტუციის პროექტის განხილვა. პოლემიკა ამიერკავკასიის სამოკავშირეო სახელმწიფოს პერსპექტივის შესახებ;
- ბათუმის საზავო კონფერენცია;
- საქართველოს ეროვნული საბჭოს მოღვაწეობა დამოუკიდებლობის აღდგენის წინა ხანებში (1918 წლის 14-25 მაისი);
- საქართველოს სახელმწიფოებრივი დამოუკიდებლობის აღდგენა.
წიგნის რედაქტორია პროფესორი სერგო ვარდოსანიძე, რეცენზენტები: ისტორიის დოქტორი ლევან ჯიქია და ისტორიის დოქტორი გვანცა ბურდული. წიგნი დაიბეჭდა გამომცემლობა „მერიდიანის“ სტამბაში.