საქართველო-მიანმარის ურთიერთობები

საქართველო-მიანმარის ურთიერთობები — წარმოადგენს ორმხრივ ურთიერთობებს საქართველოსა და მიანმარს შორის. დიპლომატიური ურთიერთობები ქვეყნებს შორის 1999 წლის 16 აგვისტოს დამყარდა^[1]. ურთიერთობები 2003 წლის ვარდების რევოლუციის შემდეგ დაძაბული რჩებოდა, განსაკუთრებით მიანმარის რუსეთთან მჭიდრო კავშირების გამო.

ისტორია

საქართველოს პრეზიდენტი მიხეილ სააკაშვილი ხშირად ასახელებდა მიანმარს ავტორიტარული რეჟიმის მაგალითად, რომლისგანაც საქართველო ცდილობდა განსხვავებული ყოფილიყო. 2005 წელს, აშშ-ს პრეზიდენტის ჯორჯ ბუშის თბილისში ვიზიტისას, სააკაშვილმა გამოხატა მხარდაჭერა ამერიკის მცდელობებისადმი, რომლებიც მიზნად ისახავდა დემოკრატიული რეფორმების დანერგვასა და სამხრეთ-აღმოსავლეთ აზიის ქვეყანაში ტოტალიტარული ხელისუფლების დასრულებას^[2].

2007 წელს, გაეროს გენერალურ ასამბლეაზე ყოველწლიურ მიმართვაში, პრეზიდენტმა სააკაშვილმა მოუწოდა საერთაშორისო საზოგადოებას პროდემოკრატიული საპროტესტო აქციებისთვის მიანმარში მხარი დაეჭირა^[3]. 2012 წელს, საქართველოს პარლამენტის მიერ „პოლიტპატიმრებად" მიჩნეული პატიმრების გათავისუფლების შესახებ კანონპროექტზე ვეტოს დადებისას, პრეზიდენტმა სააკაშვილმა მკვეთრი კონტრასტი გაავლო საქართველოს დემოკრატიულ განვითარებასა და მიანმარის ავტორიტარულ რეჟიმს შორის^[4].

იმავდროულად, მიანმარმა, მიუხედავად იმისა, რომ ოფიციალურად აღიარა საქართველოს ტერიტორიული მთლიანობა, რუსეთ-საქართველოს კონფლიქტში თანმიმდევრულად იკავებდა რუსეთის მხარეს. 2006 წელს, ის იყო იმ 15 ქვეყანას შორის, რომელმაც მხარი დაუჭირა გაეროს რეზოლუციას, რომელიც მოითხოვდა განახლებული დებატების გამართვას საქართველოში, აზერბაიჯანში, უკრაინასა და მოლდოვაში არსებულ სეპარატისტულ კონფლიქტებზე^[5].

2008 წლიდან მიანმარი ყოველწლიურად (გარდა 2016 წლისა, როდესაც მიანმარის დელეგაცია არ ესწრებოდა გენერალურ ასამბლეას^[6]) მხარს უჭერს გაეროს რეზოლუციებს, რომლებიც მოითხოვენ აფხაზეთსა და ცხინვალის რეგიონში იძულებით გადაადგილებულ პირთა დაბრუნებას.

ქართველი დიპლომატები გაეროში ხშირად ადარებენ როჰინჯას ლტოლვილთა კრიზისს საქართველოში ლტოლვილთა მდგომარეობას. კულტურული თვალსაზრისით, საქართველოსა და მიანმარს შეზღუდული, მაგრამ თბილი ურთიერთობები აქვთ. 2015 წელს იანგონის საერთაშორისო კინოფესტივალზე აჩვენეს სამი ქართული ფილმი^[7].

სქოლიო

[1] ურთიერთობები საქართველოსა და მიანმარის კავშირს შორის

[2] ‘Beacon of Liberty’ Vows to Solve Conflicts Peacefully

[3] Saakashvili’s Speech at the UN General Assembly

[4] Саакашвили наложит вето на законопроект об амнистии

[5] Putting Secessionist Conflicts Under the International Spotlight

[6] ГА ООН приняла резолюцию по ВПЛ в Грузии

[7] Memory! 2015 – 3rd edition catalogue

[1]

[2]

[3]

[4]

[5]

[6]

[7]

**საქართველო-მიანმარის ურთიერთობები**


საქართველო	მიანმარი