საქართველოს საკანონმდებლო ორგანოს არჩევნები (1990)

მასალა ვიკიპედიიდან — თავისუფალი ენციკლოპედია
Jump to navigation Jump to search
‹  საქართველოს დროშა 1992 ›
საქართველოს საკანონმდებლო ორგანოს არჩევნები
28 ოქტომბერი 1990
Zviad Gamsakhurdia, Tbilisi, 1988.jpg
პარტია მრგვალი მაგიდა - თავისუფალი საქართველო საქართველოს კომუნისტური პარტია
პროცენტი 54% 30%
მმართველი
პარტია
არჩეული პარტია
საქართველოს კომუნისტური პარტია მრგვალი მაგიდა - თავისუფალი საქართველო

საქართველოს საკანონმდებლო ორგანოს არჩევნები (1990)საქართველოს სსრ-ში ჩატარებული პირველი მრავალპარტიული, თავისუფალი და დემოკრატიული არჩევნები. არჩევნები ერთი მხრივ, გახდა საბაბი ეროვნულ-განმათავისუფლებელ მოძრაობაში მომხდარი განხეთქილებისა. მეორე მხრივ, არჩევნები გახდა საფუძველი 1991 წელს საქართველოს დამოუკიდებლობის აღდგენისა.

წინარეისტორია[რედაქტირება | წყაროს რედაქტირება]

1990 წლის 11-13 მარტს თბილისში, ფილარმონიის დიდ საკონცერტო დარბაზში ჩატარდა კონფერენცია, რომელზეც მიწვეული იყო იმ დროს ეროვნულ-გამნმათავისუფლებელ მოძრაობაში ჩართული ყველა არაფორმალური გაერთიანება. კონფერენციაზე გამოიკვეთა ორი მკვეთრად განსხვავებული პოლიტიკური პოზიცია და ჩამოყალიბდა ორი ძირითადი პოლიტიკური ალიანსი.

ისინი არჩევნების გზით პოლიტიკურ განვითარებას შეუძლებლად თვლიდნენ და მოითხოვდნენ საბჭოთა არმიის გაყვანას საქართველოდან. მათი ლოზუნგი იყო: „ჯერ - თავისუფლება: შემდეგ - დამოუკიდებლობა“.

ზვიად გამსახურდიამ "ეროვნულ კონგრესს" უწოდა „ანტიეროვნული მოძრაობა". ხოლო კონგრესმა 1990 წლის მაისის ბოლოს, სპორტის სასახლეში ჩაატარა „ეროვნული ყრილობა“, სადაც მიიღო გადაწყვეტილება, არ მიეღო არჩევნებში მონაწილეობა. ყრილობამ "მრგვალი მაგიდა" დაადანაშაულა ეროვნული ინტერესების ღალატში და ქართველი ერის შეცდომაში შეყვანაში

არჩევნები[რედაქტირება | წყაროს რედაქტირება]

არჩევნების ჩატარების შესახებ 1990 წლის 20 ივნისს საქართველოს სსრ უზენაესმა საბჭომ მიიღო დადგენილება, რომლითაც ასევე დაგმო საქართველოს ოკუპაცია და ანექსია. დადგენილება გახდა სამართლებრივი საფუძველი ახალი არჩევნების ჩასატარებლად. ეროვნული ძალების ზეწოლის შედეგად არჩევნებს ეწოდა „საქართველოს რესპუბლიკის უზენაესი საბჭოს“ არჩევნები, ნაცვლად „საქართველოს სსრ უმაღლესი საბჭოს არჩევნებისა“.

პარტიები რეგისტრაციას გადიოდნენ ცენტრალურ საარჩევნო კომისიაში. საარჩევნო კომისიებში შედიოდნენ დისიდენტური ორგანიზაციების წარმომადგენლებიც. არჩევნების მონიტორინგს აწარმოებდა მრავალი საერთაშორისო დამკვირვებელი. არჩევნებში 14 პოლიტიკური პარტია მონაწილეობდა. არჩევნები ჩატარდა შერეული სისტემით. არჩეულ იქნა უზენაესი საბჭოს 250 (125 პროპორციული და 125 მაჟორიტარული სისტემით) დეპუტატი 5 წლის ვადით. დაწესებული იყო 4%-იანი ბარიერი.

შედეგები[რედაქტირება | წყაროს რედაქტირება]

ამომრჩეველთა საერთო რაოდენობა იყო 3 444 002 ადამიანი, აქედან მონაწილეობა მიიღო 2 406 742 ადამიანმა, ანუ ამომრჩეველთა 69,88 პროცენტმა.

კანდიდატი ხმების რაოდენობა % მიღებული მანდატების რაოდენობა
მრგვალი მაგიდა - თავისუფალი საქართველო 54% 124
საქართველოს კომუნისტური პარტია 30% 61
საქართველოს სახალხო ფრონტი 11
დემოკრატიული საქართველო 2
რუსთაველის საზოგადოება 1
განთავისუფლება და ეკონომიკური აღორძინება 3,4%
დამოუკიდებელი კანდიდატები 12,6% 41
სულ 100% 250

1990 წლის 14 ნოემბერს ჩატარდა საქართველოს ახლადარჩეული უზენაესი საბჭოს პირველი სესია, რომელმაც უზენაესი საბჭოს თავმჯდომარედ ერთხმად აირჩია ზვიად გამსახურდია.

რესურსები ინტერნეტში[რედაქტირება | წყაროს რედაქტირება]