საქართველოს საეგზარქოსოს სასულიერო მოამბე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
„საქართველოს საეგზარქოსოს სასულიერო მოამბე“, 1984 წელი

საქართველოს საეგზარქოსოს სასულიერო მოამბე (რუს. Духовный вестник Грузинского Экзархата); საქართველოს საეგზარქოსოს მოამბე (რუს. Вестник Грузинского Экзархата); კავკასიის საეგზარქოსოს მოამბე (რუს. Вестник Кавказского Экзархата) — საქართველოს საეგზარქოსოს ოფიციალური რუსულენოვანი ჟურნალი, დაარსდა თბილისის სასულიერო სემინარიასთან. გამოდიოდა თვეში ორჯერ (წელიწადში 24 ნომერი). რედაქტორი — თბილისის მართლმადიდებელთა სასულირო სემინარიის რექტორი ან ინსპექტორი, გამომცემელი — სასულიერო სემინარია. იბეჭდებოდა ქართულ და რუსულ ენებზე (ქართული ტექსტი რუსულის თარგმანს წარმოადგენდა). აქვეყნებდა სასულიერო უწყების ბრძანებებს, ცირკულარებს და სხვა ოფიციალურ საეკლესიო მასალას, ქადაგებებს, მოძღვრებებს, სიტყვებს, სტატიებს საეკლესიო საქმეთა შესახებ და სხვა. გამოცემას თან ერთვოდა დამატებები (რუს. приложения).

გამოცემები[რედაქტირება | წყაროს რედაქტირება]

  • „საქართველოს საეგზარქოსოს სასულიერო მოამბე“ (რუს. Духовный вестник Грузинского Экзархата) — 1 მარტი, 1891 — 1 მაისი, 1906;
  • „საქართველოს საეგზარქოსოს მოამბე“ (რუს. Вестник Грузинского Экзархата) — 1907–1917.

1917 წელს საქართველოს მართლმადიდებელი ეკლესიის მიერ დამოუკიდებლობის მოპოვებისთანავე, საქართველოს საეგზარქოსოს დარჩენილ ტერიტორიას დაერქვა კავკასიის საეგზარქოსო, რომელმაც 1920 წლამდე იარსება. შესაბამისად პერიოდიკამაც მიიღო თავისი ახალი სახელწოდება.

  • „კავკასიის საეგზარქოსოს მოამბე“ (რუს. Вестник Кавказского Экзархата) — კავკასიის საეგზარქოსოს პერიოდული გამოცემა 1917 წლის № 15/16-20;

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]