სასირეთის განძი
სასირეთის განძი — ძვ. წ. XII საუკუნის I ნახევრის ბრინჯაოს ნივთების შემცველი განძი, რომელიც აღმოჩენილია 1930 წელს კასპის მუნიციპალიტეტის სოფელ სასირეთში. განძის შემადგენლობაში იყო : I სახეობის კოლხური ცული, ცენტრალური ამიერკავკასიის ტიპის ცული, სატეხი, სატევარი, ლაგამი, გედისა და ჯიხვის თავის სკულპტურული გამოსახულებები, 2 ნაწილისაგან შედგენილი ბალთა; სახურავიანი სამფეხა ჭურჭელი, რომლის ცენტრში ფრინველის სკულპტურული გამოსახულებაა. ნივთები დაცულია სიმონ ჯანაშიას სახელობის სახელმწიფო მუზეუმში.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. IX, თბ., 1985. — გვ. 120.