სარელსო ტრანსპორტი
სარელსო ტრანსპორტი — ტრანსპორტის სახეობა, რომლის დანიშნულებაა სპეციალური გზებით გადაადგილება მიმმართველი — რელსებით.
კლასიფიკაცია
[რედაქტირება | წყაროს რედაქტირება]განასხვავებენ სარელსო ტრანსპორტის საშუალებებს:
- ჩვეულებრივი ტიპის, რომლებიც გადაადგილდებიან ჩვეულებრივი ნორმალური ლიანდაგის სიგანის ორრელსიანი რკინიგზით. მათ მიეკუთვნება თვითმოძრავი სარელსო ტრანსპორტის საშუალებები, ლოკომოტივები, ორთქლმავლები, თბომავლები, ელმავლები, აირტურბომავლები და თბოორთქლმავლები, ელექტრომატარებლები, ავტომოტრისები, დრეზინები, დიზელმატარებლები, ტრამვაიები და მეტროპოლიტენები; გამოსაბმელი სარელსო ტრანსპორტის საშუალებები: ვაგონები და ა.შ.;
- ვიწროლიანდაგიანი — შემცირებული ლიანდაგის სიგანის დამხმარე ორრელსიან რკინიგზებზე სამუშაოდ;
- უნივერსალური ან კომბინირებული (ლოკომობილები) — სამანევრო და(ან) სარემონტო სამუშაოებზე, როგორც რკინიგზის ლიანდაგებში, ასევე ურელსო გზებზეც;
- მონორელსური რკინიგზა — სარელსო ტრანსპორტის საშუალება, მორგებული განსაკუთრებული კონსტრუქციის გზაზე გადასაადგილებლად ერთადერთი მიმმართველი რელსით.
ამას გარდა, სარელსო ტრანსპორტის საშუალებებს მიეკუთვნება მაღალსიჩქარიანი მიწისზედა ტრანსპორტი მაგნიტურ ბალიშზე და ზოგჯერ მაღალსიჩქარიანი მატარებლები საჰაერო ბალიშზე, რომლებიც განსხვავდებიან პრინციპულად სხვანაირი „ძრავი–გზა“ კონსტრუქციით.
ტრამვაი
[რედაქტირება | წყაროს რედაქტირება]
მთავარი სტატია: ტრამვაი.ტრამვაი — ქუჩის და ნაწილობრივ ქუჩის სარელსო საზოგადოებრივი ტრანსპორტის სახეობა მგზავრთა გადაყვანისათვის მოცემულ მარშრუტზე (ჩვეულებრივ ელექტროწევაზე), რომელიც უპირატესად ქალაქებში გამოიყენება. ტრამვაი XXI საუკუნის დასაწყისში არსებულთაგან საქალაქო სამგზავრო საზოგადოებრივი ტრანსპორტის ერთ-ერთი უძველესი სახეობაა[1] და გაჩნდა XIX საუკუნის პირველ ნახევარში — თავდაპირველად ცხენის წევაზე. ელექტრული ტრამვაი გამოჩნდა XIX საუკუნის ბოლოს — 1881 წელს გერმანიაში.[2] აყვავების ხანის შემდეგ, დაიწყო ტრამვაის ძლიერების ვარდნა, მაგრამ უკვე 1970-იანი წლებიდან ხელახლა შეიმჩნევა ტრამვაის პოპულარობის მნიშვნელოვანი ზრდა, მათ შორის ასეთი სახის ტრანსპორტის მაღალი გადამყვანუნარიანობისა და ეკოლოგიურობის გამო.
მეტროპოლიტენი
[რედაქტირება | წყაროს რედაქტირება] მთავარი სტატია: მეტროპოლიტენი.მეტროპოლიტენი (მეტრო) — სიტყვა-სიტყვით „დედაქალაქის რკინიგზა“[3] — ტრადიციულ გაგებაში ქალაქის ქუჩისგარეთა რკინიგზა მასზე კურსირებული სამარშრუტო მატარებლებით მგზავრთა გადასაყვანად, ინჟინრულად გამოყოფილი ნებისმიერი სხვა ტრანსპორტისგან და საფეხმავლო მოძრაობისგან.
სქოლიო
[რედაქტირება | წყაროს რედაქტირება]- ↑ Пономарев А. А., Иеропольский Б. К., Подвижной состав и сооружения городского электротранспорта, М.: Транспорт, 19815000 ეგზ., ISBN УДК 629.431/433+629.113.62+629.488.2(-21) Invalid ISBN.
- ↑ Габарда Д. (Dusan Habarda), Новые транспортные системы в городском общественном транспорте = Nove dopravne systemy v mestskej hromadnej doprave / Перевод со словацкого канд. техн. наук В. В. Косминой, М.: Транспорт, 1990, ISBN 5-277-00873-X.
- ↑ Что значит «метро»? / Ликбез / Блоги / Newslab.Ru. დაარქივებულია ორიგინალიდან — 2013-03-09. ციტირების თარიღი: 2014-03-28