სანია

ქალაქი
სანია 三亚市
ქვეყანა	ჩინეთი
დაქვემდებარება	პრეფექტურის დონის ქალაქი
პროვინცია	ხაინანიხაინანი
შიდა დაყოფა	Haitang District, Jiyang District, Tianya District და Yazhou District
კოორდინატები	18°15′12″ ჩ. გ. 109°30′13″ ა. გ.
ჩკპ საქალაქო კომიტეტის მდივანი	ძიანგ სისიენი
ფართობი	1,919.58 კმ²
ოფიციალური ენა	ჩინური
მოსახლეობა	1,116,100 კაცი (2024)
სიმჭიდროვე	581.43 კაცი/კმ²
სასაათო სარტყელი	UTC+8
სატელეფონო კოდი	898
საფოსტო ინდექსი	572002
ოფიციალური საიტი	http://www.sanya.gov.cn/
სანია ვიკისაწყობში

სანია (ჩინ.: 三亚) — საკურორტო ქალაქი და უკიდურესი სამხრეთით მდებარე დასახლებული პუნქტი კუნძულ ხაინანზე. იგი სამხრეთ ჩინეთში მდებარე ხაინანის პროვინციის ოთხი საოლქო დონის ქალაქიდან ერთ-ერთია. სანია მსხვილი ტურისტული ცენტრია, სადაც რამდენიმე მასშტაბური კურორტი მდებარეობს. ქალაქის ტერიტორიაზეა სანიას მარჯნის რიფიც - 4000 ჰექტარზე გადაჭიმული ეროვნული დაცული ნაკრძალი. სანიას ყურეში მდებარეობს ხელოვნური კუნძული „ფენიქსი“ (Phoenix Island), რომელზეც გაშენებულია მსოფლიოში ერთ-ერთი იშვიათი შვიდვარსკვლავიანი საკურორტო კომპლექსი და ხუთვარსკვლავიანი სასტუმროები. აქვეა განთავსებული ნანშანის კუანინის ქანდაკება (ბუდისტური ღვთაება კუანინის მონუმენტი), რომელიც სიმაღლით მეცამეტეა მსოფლიოში.

2024 წლის ბოლოს მონაცემებით, სანიას მთლიანი მოსახლეობა 1 116 100 ადამიანს შეადგენდა. უშუალოდ ურბანულ (მეტროპოლიტენურ) ზონაში კი, 2024 წლისთვის, 818 000 მცხოვრები ფიქსირდებოდა.

ქალაქი განთქმულია თავისი ტროპიკული კლიმატით, რის გამოც იგი პოპულარულ ტურისტულ ცენტრად იქცა. გარდა ამისა, სანია ჩინეთის პლაჟის ფრენბურთის ეროვნული ნაკრების საწვრთნელ ბაზას წარმოადგენს. ქალაქში მცირე ჯგუფებად ცხოვრობს უცულის ხალხი (მათი თვითსახელწოდება ჩინურ სასაუბრო ენაში გამოითქმება როგორც „ხუეიხუეი“ (Huíhuī); ვინაიდან მათ ჯერ კიდევ არ აქვთ მიღებული ოფიციალური აღიარება ცალკეულ ეთნიკურ ჯგუფად, ადმინისტრაციულად ისინი ჩინეთის ხუეის ნაციონალობის ნაწილად ითვლებიან). სანიაში ასევე მდებარეობს იულინის სამხედრო-საზღვაო ბაზა — ჩინეთის სახალხო-განმათავისუფლებელი არმიის სამხედრო-საზღვაო ფლოტის უმნიშვნელოვანესი ობიექტი სამხრეთ ჩინეთის ზღვაში, სადაც განთავსებულია ბალისტიკური ბირთვული რაკეტების მქონე წყალქვეშა ნავების ფლოტი.

ისტორია

ძველ დროში ცნობილი როგორც იაჭოუ (ჩინ.: 崖州, სიტყვასიტყვით „კლდის ოლქი“), სანიას ისტორია ცინის დინასტიის პერიოდიდან (ძვ. წ. 221–206 წლები) იწყება. ცინის დინასტიის დროს, იმჟამინდელი პოლიტიკური ცენტრებიდან ტერიტორიული სიშორის გამო, სანიას ზოგჯერ "თიენ ია ხაი ძიაო"-ს (ჩინ.: 天涯海角) უწოდებდნენ, რაც ნიშნავს „ცისა და ოკეანის კიდეს“ ან „დედამიწის დასასრულს“. აქედან გამომდინარე, ქალაქი იმ სახელმწიფო მოხელეთა გადასახლების ადგილს წარმოადგენდა, რომლებმაც ქვეყნის მმართველთა ნდობა დაკარგეს.

თანგის დინასტიის პერიოდში აქ შემთხვევით მოხვდა ბუდისტი ბერი, რომელმაც ეს ადგილი იაპონიაში თავისი მისიონერული მოგზაურობის საყრდენ პუნქტად გამოიყენა.

XX საუკუნე

1912 წელს იაჭოუს სახელი შეეცვალა და ეწოდა ია სიენი (ჩინ.: 崖县). 1958 წელს იაისიენის ადმინისტრაციული ცენტრი იაჩენიდან სანიეში გადავიდა, თავად იაისიენი კი პაოთინგის, ლინგშუეის, ნიოულოუს და ვანინგის რაიონებს შეუერთდა და ერთ დიდ მაზრად (ოლქად) ჩამოყალიბდა. 1959 და 1961 წლებში ეს ტერიტორიები კვლავ გამოცალკევდა პაოთინგისა და ლინგშუეის სახით, ხოლო იაისიენის მაზრა მიმდინარე საზღვრებში დარჩა. 1987 წლის 26 სექტემბერს, ჩინეთის სახელმწიფო საბჭოს გადაწყვეტილებით, იაისიენის ნაცვლად შეიქმნა ქალაქი სანია, რომლის ოფიციალური დაფუძნებაც 1987 წლის 30 დეკემბერს მოხდა.

XXI საუკუნე

2007 წელს პეკინის ოლიმპიურმა საორგანიზაციო კომიტეტმა გამოაცხადა, რომ ქალაქი სანია ჩინეთის ტერიტორიაზე 2008 წლის ზაფხულის ოლიმპიური თამაშების ჩირაღდნის ესტაფეტის პირველი გაჩერება (ეტაპი) გახდებოდა.

• 
• 
• 
• 
• 
• 
• 
• 
• 
•