სამხრეთ აფრიკის ეროვნული საფეხბურთო ნაკრები

სამხრეთ აფრიკა

მეტსახელ(ებ)ი	ბაფანა ბაფანა (Bafana Bafana)
ასოციაცია	სამხრეთ აფრიკის ფეხბურთის ასოციაცია (SAFA)
კონფედერაცია	აფრიკის ფეხბურთის კონფედერაცია (CAF)
მთავარი მწვრთვნელი	უგო ბროსი
კაპიტანი	რონვენ უილიამსი
ყველაზე მეტი კეპი	აარონ მოკოენა (107)
ბომბარდირი	ბენი მაკარტი (31)
სტადიონი	სხვადასხვა სტადიონი
ფიფა-ს კოდი	RSA
ფიფა-ს უმაღლესი რეიტინგი	16 (აგვისტო, 1996)
ფიფა-ს უდაბლესი რეიტინგი	124 (დეკემბერი, 1992)
ელო-ს უმაღლესი რეიტინგი	21 (სექტემბერი, 1996)
ელო-ს უდაბლესი რეიტინგი	94 (მაისი, 2006)
საშინაო ფერი საგარეო ფერი
პირველი საერთაშორისო
არგენტინა არგენტინა 0–1 სამხრეთ აფრიკა  სამხრეთ აფრიკა (ბუენოს-აირესი, არგენტინა; 9 ივლისი, 1906)
უდიდესი გამარჯვება
ავსტრალია ავსტრალია 0–8 სამხრეთ აფრიკა  სამხრეთ აფრიკა (ადელაიდა, ავსტრალია; 17 სექტემბერი, 1955)
უდიდესი დამარცხება
ინგლისი ინგლისი 9–1 სამხრეთ აფრიკა  სამხრეთ აფრიკა (კეიპტაუნი, სამხრეთ აფრიკა; 17 ივლისი, 1920)
გამოსვლა	(პირველად 1998)
საუკეთესო შედეგი	1/16-ფინალი (2026)
გამოსვლა	(პირველად 1996)

სამხრეთ აფრიკის ეროვნული საფეხბურთო ნაკრები — წარმოადგენს სამხრეთ აფრიკას საერთაშორისო ტურნირებსა და ამხანაგურ შეხვედრებზე ფეხბურთში. ნაკრების მართვას ახორციელებს სამხრეთ აფრიკის ფეხბურთის ასოციაცია (SAFA), რომელიც ფიფასა და აფრიკის ფეხბურთის კონფედერაციას წევრია. გუნდი ცნობილია მეტსახელით ბაფანა ბაფანა (ზულუს ენაზე — „ბიჭები“). ეროვნული ნაკრები საშინაო შეხვედრებს ქვეყნის სხვადასხვა სტადიონზე ატარებს და ტრადიციულად მწვანე-ოქროსფერი ფორმით ასპარეზობს.

სამხრეთ აფრიკამ პირველი საერთაშორისო მატჩი 1906 წელს გამართა. აპარტეიდის პოლიტიკის გამო ქვეყანა ათწლეულების განმავლობაში საერთაშორისო ფეხბურთიდან იყო გარიყული. ეროვნული ნაკრები ფიფაში 16-წლიანი აკრძალვის შემდეგ, 1992 წელს დაბრუნდა საერთაშორისო ასპარეზზე.

სამხრეთ აფრიკა მსოფლიო ჩემპიონატის ფინალურ ეტაპზე ოთხჯერ გავიდა — 1998, 2002, 2010 (როგორც მასპინძელი) და 2026 წლებში. 2010 წელს სამხრეთ აფრიკა გახდა პირველი აფრიკული ქვეყანა, რომელმაც მსოფლიო ჩემპიონატს უმასპინძლა. მიუხედავად იმისა, რომ ჯგუფური ეტაპის ბოლო შეხვედრაში საფრანგეთი 2–1 დაამარცხა, პლეი-ოფში ვერ გავიდა და მსოფლიო ჩემპიონატების ისტორიაში პირველი მასპინძელი გახდა, რომელიც ჯგუფურ ეტაპზე გამოეთიშა ტურნირს.

ნაკრების უდიდესი წარმატება 1996 წლის აფრიკის ერთა თასზე დაფიქსირდა, როდესაც მასპინძლის სტატუსით კონტინენტის ჩემპიონი გახდა. 1998 წელს კვლავ ფინალში ითამაშა, თუმცა ეგვიპტესთან დამარცხდა. ასევე მესამე ადგილი დაიკავა 2000 და 2023 წლების აფრიკის ერთა თასებზე.

სამხრეთ აფრიკას ასევე მოგებული აქვს აფრო-აზიის ერთა თასი (1997) და ხუთჯერ გახდა COSAFA-ის თასის გამარჯვებული (2002, 2007, 2008, 2016 და 2021).