სამუელ შმიდი

სამუელ შმიდი
შვეიცარიის ფედერალური საბჭოს წევრი
თანამდებობაზე ყოფნის დრო
1 იანვარი, 2001 – 31 დეკემბერი, 2008
წინამორბედი	ადოლფ ოგი
მემკვიდრე	ული მაურერი
შვეიცარიის პრეზიდენტი
თანამდებობაზე ყოფნის დრო
1 იანვარი, 2005 – 31 დეკემბერი, 2005
ვიცე-პრეზიდენტი	მორიც ლეენბერგერი
წინამორბედი	იოსებ დაისი
მემკვიდრე	ული მაურერი
შვეიცარიის თავდაცვის, სამოქალაქო დაცვისა და სპორტის ფედერალური დეპარტამენტის მინისტრი
თანამდებობაზე ყოფნის დრო
1 იანვარი, 2001 – 31 დეკემბერი, 2008
წინამორბედი	ადოლფ ოგი
მემკვიდრე	ული მაურერი
შვეიცარიის ვიცე-პრეზიდენტი
თანამდებობაზე ყოფნის დრო
1 იანვარი, 2004 – 31 დეკემბერი, 2004
პრეზიდენტი	იოსებ დაისი
წინამორბედი	რუთ მერცლერი
მემკვიდრე	მორიც ლეენბერგერი
დაბადებული	8 იანვარი, 1947 რიუტი ბაი ბიურენი, შვეიცარია
შვილები	3

სამუელ შმიდი (დ. 8 იანვარი, 1947) — შვეიცარიელი პოლიტიკოსი, შვეიცარიის ფედერალური საბჭოს წევრი 2000 წლიდან 2008 წლამდე. შმიდი ხელმძღვანელობდა თავდაცვის, სამოქალაქო დაცვისა და სპორტის ფედერალურ დეპარტამენტს (განსაკუთრებით მოქმედებდა როგორც თავდაცვის მინისტრი შვეიცარიისთვის).

შმიდი დაიბადა რიუტი ბაი ბიურენში, ბერნის კანტონში. აირჩიეს ფედერალურ საბჭოში 6 დეკემბერს, 2006 წელს. შმიდი წარმოადგენდა შვეიცარიის სახალხო პარტიის (SVP/UDC) წევრს, და ახლა წარმოადგენს ცენტრის წევრს. თანამდებობის პერიოდში სამუელი ხელმძღვანელობდა თავდაცვის, სამოქალაქო დაცვისა და სპორტის ფედერალურ დეპარტამენტს. 2004 წელს, გახდა კონფედერაციის ვიცე-პრეზიდენტი და პრეზიდენტი 2005 წელს.

შმიდი წარმოადგენდა SVP-ის ცენტრისტული/აგრარული ფრთის წევრს. სამუელი მოექცა ზეწოლის ქვეშ პარტიის ნაციონალისტური ფრთის მხრიდან, რომელსაც ხელმძღვანელობდა ეროვნული საბჭოს წევრი ქრისტოფ ბლოხერი, გარკვეულ საკითხებზე ზომიერი პოზიციის დაკავების გამო. მას შემდეგ რაც SVP გახდა უდიდესი პარტია ფედერალურ ასამბლეაში 2003 წლის ფედერალურ არჩევნებში, SVP დაემუქრა შმიდს საბჭოდან გაგდებას, თუკი არ მიიღებდა დამატებით ადგილს (რომელიც საბოლოოდ გადაეცა ბლოხერს იმავე წელს).

მას შემდეგ რაც ბლოხერი დამარცხდა ფედერალურ საბჭოში ხელახალი არჩევისას, ეველინე ვიდმერ-შლუმპფის სასარგებლოდ, SVP-ის ფრაქციამ მიიღო გადაწყვეტილება შმიდისა და ვიდმერ-შლუმპფის პარტიული ჯგუფიდან გამორიცხვის შესახებ. ზოგიერთებმა მოითხოვეს შმიდისა და ვიდმერ-შლუმპფის პარტიიდან სრულად გაძევება. თუმცა, შვეიცარიული პარტიები იურიდიულად წარმოადგენენ კანტონური პარტიების ფედერაციებს. შმიდის გაძევებისთვის, SVP-ის ბერნის განყოფილებას უნდა შეეწყვიტა შმიდის წევრობის უფლება, და ბერნის განყოფილებამ უარი თქვა ამაზე. 2008 წელს, შმიდი შეუერთდა ახლად ჩამოყალიბებულ კონსერვატიულ-დემოკრატიულ პარტიას, SVP-ის ბერნის განყოფილების თითქმის ყველა წევრთან ერთად.

12 ნოემბერს, 2008 წელს შმიდი გადადგა ფედერალური საბჭოდან, რაც ძალაში შევიდა 1 იანვარს, 2009 წელს. გადადგომას რამდენიმე თვის განმავლობაში მოჰყვა ინტენსიურ პოლიტიკური ზეწოლა შვეიცარიის სახალხო პარტიის მხრიდან შვეიცარიულ სამხედრო ძალებში სკანდალებისა და ავარიების, ასევე ჯანმრთელობის პრობლემების გამო. სამუელ შმიდი ჩაანაცვლა ული მაურერიმ შვეიცარიის სახალხო პარტიიდან.

ვიკისაწყობში არის გვერდი თემაზე:

სამუელ შმიდი