სამედ ბეი მეჰმანდაროვი

სამედ ბეი მეჰმანდაროვი
Səməd bəy Mehmandarov
აზერბაიჯანის დრ-ის სამხედრო მინისტრი
მმართ. დასაწყისი:	26 დეკემბერი, 1918
მმართ. დასასრული:	30 მარტი, 1920
წინამორბედი:	თანამდებობა შეიქმნა
მემკვიდრე:	თანამდებობა გაუქმდა
პირადი ცხოვრება
დაბ. თარიღი:	16 ოქტომბერი, 1855
დაბ. ადგილი:	ლენქორანი, რუსეთის იმპერია (დღეს აზერბაიჯანი)
გარდ. თარიღი:	12 თებერვალი, 1931 (75 წლის)
გარდ. ადგილი:	ბაქო, აზერბაიჯანის სსრ (დღეს აზერბაიჯანი)
მეუღლე:	ელიზავეტა ნიკოლაევნა თესლავლა
შვილები:	იგორი
მამა:	სადიკ ბეი
დედა:	ბოიუქნენე ჰანიმი
სამხედრო კარიერა
ეროვნება:	აზერბაიჯანელი
კუთვნილება:	რუსეთის იმპერიის არმია აზერბაიჯანის შეიარაღებული ძალები
წოდება:	გენერალ-ლეიტენანტი
ბრძოლები/ომები:	რუსეთ-იაპონიის ომი პირველი მსოფლიო ომი
ჯილდოები:
სამედ ბეი მეჰმანდაროვი ვიკისაწყობში

სამედ ბეი მეჰმანდაროვი (აზერ. Səməd bəy Sadıx bəy oğlu Mehmandarov; სამედ ბეი სადიკ ბეის ძე მეჰმანდაროვი; დ. 16 ოქტომბერი, 1855, ლენქორანი, რუსეთის იმპერია — გ. 12 თებერვალი, 1931, ბაქო, აზერბაიჯანის სსრ) — რუსეთის იმპერიის არმიის არტილერიის სრული გენერალი, აზერბაიჯანის დემოკრატიული რესპუბლიკის პარლამენტის დამოუკიდებელი ფრაქციის წევრი. აზერბაიჯანის დრ-ის სამხედრო მინისტრი, აზერბაიჯანის სსრ-ის სამხედრო მოღვაწე.

ადრეული წლები

სამედ ბეი მეჰმანდაროვი დაიბადა 1855 წლის 16 ოქტომბერს, ქალაქ ლენქორანში. სწავლობდა ბაქოს გიმნაზიაში, ხოლო 16 წლის ასაკში, იგი სანქტ-პეტერბურგის II კონსტანტინოვკის საარტილერიო სკოლაში შევიდა. 1875 წლის დეკემბერში, მას მიენიჭა პოდპორუჩიკის წოდება და მესამე ხარისხის „წმინდა სტანისლავის“ ორდენი. 1890 წელს მიიღო კაპიტნის, 1898 წელს პოდპოლკოვნიკის, 1901 წელს პოლკოვნიკის და 1904 წელს გენერალ-მაიორის წოდება. მეჰმანდაროვს, რომელიც რუსეთ-იაპონიის ომში უდიდესი სიმამაცით გამოირჩეოდა, 1908 წელს მიენიჭა არტილერიის სრული გენერალის წოდება.