სალამანკა
ქალაქი | |||||
---|---|---|---|---|---|
სალამანკა ესპ. Salamanca | |||||
![]() | |||||
| |||||
ქვეყანა |
![]() | ||||
ავტონომიური რეგიონი | კასტილია და ლეონი | ||||
შიდა დაყოფა | Q5720447?, Q25413937?, Barrio del Oeste, Q24939503?, Q25413925? და Tejares | ||||
კოორდინატები | 40°58′00″ ჩ. გ. 5°40′00″ დ. გ. / 40.96667° ჩ. გ. 5.66667° დ. გ. | ||||
ქალაქის მერი | ხულიან ლანსაროტი | ||||
ფართობი | 38,6 კმ² | ||||
ცენტრის სიმაღლე | 802 მ | ||||
მოსახლეობა | 160,331 კაცი (2005) | ||||
სასაათო სარტყელი | UTC+1, ზაფხულში UTC+2 | ||||
სატელეფონო კოდი | 923 | ||||
საფოსტო ინდექსი | 37001-370nn | ||||
საავტომობილო კოდი | SA | ||||
ოფიციალური საიტი | https://www.aytosalamanca.es | ||||
![]() |
მსოფლიო მემკვიდრეობა UNESCO, ობიექტი № 381 ინგლ. • რუს. • ფრ. |
სალამანკა (ესპ. Salamanca) — ქალაქი დასავლეთ ესპანეთში, სალამანკის პროვინციის დედაქალაქი, რომელიც ავტონომიურ რეგიონს კასტილია და ლეონი ეკუთვნის. მდებარეობს კამპო-ჩაროს კომარკაში, იბერიის ნახევარკუნძულის ჩრდილო-დასავლეთ ნაწილში. 2017 წლის მონაცემებით ქალაქში ცხოვრობს 144,436 რეგისტრირებული ადამიანი. სალამანკა ცნობილია თავისი მრავალრიცხოვანი შესანიშნავი პლატერესკული სტილის შენობებით.
ქალაქის ისტორია დაახლოებით 2700 წლის წინ იწყება, პირველი რკინის ხანის პერიოდში, როდესაც ქალაქის პირველი მოსახლეები სან-ვისენტეს გორაზე, მდინარე ტორმესის ნაპირებზე დასახლდნენ. მას შემდეგ მეტროპოლისმა სხვადასხვა ხალხის გავლა იხილა: ვაკეიები, ვეტონები, რომაელები, ვესტგოთები და მუსლიმები. რაიმუნდ ბურგუნდიელი, მეფე ალფონსო VI-ის სიძე, შუა საუკუნეებში ქალაქის ხელახალი დასახლებითა და თანამედროვე სალამანკის საფუძვლების ჩაყრით იყო დაკავებული.
სალამანკაში მდებარეობს ესპანეთის უძველესი მოქმედი უნივერსიტეტი, რომელიც 1218 წელს დააარსა ალფონსო IX-მ studium generale-ს საფუძველზე. ეს იყო პირველი უნივერსიტეტი ევროპაში, რომელმაც უნივერსიტეტის წოდება მიიღო ალფონსო X-ის 1252 წლის 9 ნოემბრის სამეფო დეკრეტით და პაპ ალექსანდრე IV-ის 1255 წლის licentia ubique docendi-ით. სალამანკა მსოფლიო ისტორიასთან დაკავშირებულია ისეთი სახელებით, როგორებიც არიან ანტონიო დე ნებრიხა, ქრისტეფორე კოლუმბი, ფერნანდო დე როხასი, ფრანსისკო დე ვიტორია და სალამანკის სკოლა, ბერი ლუის დე ლეონი, ბეატრის გალინდო და მიგელ დე უნამუნო.
სალამანკის ძველი ქალაქი 1988 წელს იუნესკოს მიერ მსოფლიო მემკვიდრეობის ძეგლად გამოცხადდა. მას გააჩნია მნიშვნელოვანი ისტორიულ-არქიტექტურული მემკვიდრეობა, რომელთა შორის გამოირჩევა მისი ორი — ძველი და ახალი კათედრალი, კასა-დე-ლას-კონჩასი, პლასა-მაიორი, სან-ესტებანის მონასტერი და ესკუელას მაიორესი. 2003 წლიდან სალამანკის წმინდა კვირა საერთაშორისო ტურისტული ინტერესის მქონედ ღონისძიებად არის გამოცხადებული.
რესურსები ინტერნეტში
[რედაქტირება | წყაროს რედაქტირება]- Robinson, Charles Walker; Jayne, Kingsley Garland (1911). . Encyclopædia Britannica (ინგლისური). 24 (11th ed.). pp. 56–58.
- City Council of Salamanca
- Official Tourist Information Office
- Wiki of the city of Salamanca
- General information on Salamanca
- General information about events in Salamanca
- Salamanca travel guide
- Salamanca city guide at HitchHikers Handbook
- Flag of Salamanca
|