საიკაკუ იჰარა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

საიკაკუ იჰარა იბარა (ნამდვილი სახელი ჰირაიამა ტოგო) (დ. 1642 ― გ. 9 სექტემბერი, 1693), იაპონელი მწერალი.

წერდა ჰაიკუს ჟანრის სახუმარო ლექსებს. სათავე დაუდო ქალაქური ნოველის ჟანრს - "მოთხრობები წუთისოფელზე". მისი შემოქმედების საუკეთესო ნიმუშებია რომანები "მარტოხელა კაცის სასიყვარულო თავგადასავლები" (1682), "მარტოხელა ქალის სასიყვარულო თავგადასავლები", მოთხრობათა კრებული "სიყვარულში გადავარდნილი ხუთი ქალი" (ორივე 1686). იჰარა ამხელდა იაპონურ ადათ-წესების სისასტიკეს, კანონის სიმკაცრეს. ბოლო წლების თხზულებებში, ნაწილობრივ, სახელგანთქმულ კრებულში "იაპონიის საუკუნო საუნჯე" (1688) იჰარა დაინტერესებულია მოქალაქეთა ეკონომიურ და სოციალურ ცხოვრებითაც. წერდა ცოცხალ სალაპარაკო ენაზე. საფუძველი ჩაუყარა ახალ სტილს იაპონურ ლიტერატურაში.

ლიტერატურა[რედაქტირება]

  • ქსე, ტ. 5, გვ. 290, თბ., 1980