საგურამო (პრემია)

საგურამო — საგურამოს ილია ჭავჭავაძის სახელმწიფო მუზეუმის პრემია, დაარსდა 2003 წლის 8 ნოემბერს. დამაარსებლები არიან: „ილიას ფონდი“ და შპს „კალასი“. პრემია ყოველწლიურად გაიცემა.

ნომინაციები

პრემია გაიცემა შემდეგ ნომინაციებში: პოეზია; პროზა; თარგმანი; კრიტიკა; ხელოვნება; საბავშვო ლიტერატურა და ჰუმანიტარული მეცნიერებები;

პრემიებთან ერთად გაიცემა ილიას მედალი „მარად და ყველან საქარველოვ მე ვარ შენთანა“ ქართული კულტურისა და სულიერების წინაშე განსაკუთრებული ღვაწლისათვის.

მნიშვნელობა

პრემია „საგურამო“ ენიჭება ლაურიატს მხოლოდ სიცოცხლეში და მხოლოდ ერთხელ. პრემია არ გაიცემა ერთი ნაწარმოების ან ერთი წიგნისთვის. იგი ავტორს მთელი შემოქმედებისა და მოღვაწეობისთვის ენიჭება. საკონკურსოდ წარდგენილი უნდა იყოს კონკურსანტის მთელი შემოქმედება სრულად.

წარმდგენი შეიძლება იყოს ერთი, მაგრამ ცნობილი რეკომენდატორი, ჯგუფი ან ორგანიზაცია. გამარჯვებულ ნომინანტს გამარჯვება ეცნობება დაჯილდოების ცერემონიამდე 10 დღით ადრე. პრემიის მინიჭების საკითხს განიხილავს ჟიური, რომელსაც ნიშნავს პრემიის დამფუძნებელი ორგანიზაციები „ილიას ფონდი“ და შპს „კალასი“.

ლაურეატები

წელი	პოეზია	პროზა	კრიტიკა	თარგმანი	საბავშვო ლიტერატურა	ხელოვნება	ჰუმანიტარული მეცნიერება	ილიას მედალი
2022	ჯემალ ინჯია	ზურაბ ლავრელაშვილი	ნოდარ გურაბანიძე	ელზა ახვლედიანი	სალომე კაპანაძე	ლევან ჭოღოშვილი	ლადო მინაშვილი	დავით მაღრაძე
2023	ვაჟა ხორნაული	თამაზ ხმალაძე, ეკატერინე ტოგონიძე	გია ხოფერია	მედეა ზაალიშვილი	აკაკი დაუშვილი	გია ჯაფარიძე	მერაბ ჩუხუა	რობერტ გოგოლაშვილი
2024	თამაზ ბარჯაძე	მიხო მოსულიშვილი	გიორგი ხორბალაძე	ლანა ღოღობერიძე	არ გაცემულა	ნინო ჩაკვეტაძე	ელგუჯა ხინთიბიძე, ვახტანგ გურული	მზექალა შანიძე
2025	ია სულაბერიძე, საშა გველესიანი	ბესო ხვედელიძე	თამარ გელიტაშვილი	დოდო ყვავილაშვილი	თამარ ჯავახიშვილი	ბადრი ქუთათელაძე	მერაბ ბერიძე	დავით მუსხელიშვილი

რესურსები ინტერნეტში

• პრემია „საგურამო“ – ილია ჭავჭავაძის საგურამოს სახელმწიფო მუზეუმი