რქანისკარტასებრნი (ლათ.Eurylaimidae) — ფრინველთა ოჯახი ბეღურასნაირთა რიგისა. აერთიანებს 8 გვარის 14 სახეობას, რომელთაგან 2 გვარის 4 სახეობა გავრცელებულია აფრიკაში, ხოლო 6 გვარის 10 სახეობა — სამხრეთ-აღმოსავლეთ აზიაში ტიპური ტყის ფრინველებია, ცხოვრობენ ხის კენწეროზე; ქსოვენ ჩანთისებურ ბუდეს თავისი „შესასვლელით“. ბუდე წვრილ ტოტზე კიდია. დედალი 2-6 კვერცხს დებს, რომელთა ზომა 13-27 სმ, მასა 20-150 გ აღწევს. რქანისკარტასებრნი იკვებებიან მწერებით, ხილით, მსხვილი ფორმები — ბაყაყებით, ხვლიკებით. რქანისკარტასებრნი გარდამავალი რგოლია ბეღურასნაირთა და ყაპყაპისნაირთა შორის.
