რუსუდან ხარაძე

რუსუდან ხარაძე
დაბ. თარიღი	14 სექტემბერი, 1909
დაბ. ადგილი	ფარცხნალი
გარდ. თარიღი	15 თებერვალი, 1965
მოქალაქეობა	რუსეთის იმპერია,; საქართველოს დემოკრატიული რესპუბლიკა,; საქართველოს სსრ
საქმიანობა	მეცნიერი, ისტორიკოსი და ეთნოლოგი
მუშაობის ადგილი	ენის, ისტორიისა და მატერიალური კულტურის ინსტიტუტი
ალმა-მატერი	თბილისის სახელმწიფო უნივერსიტეტი
სამეცნიერო ხარისხი	ისტორიის მეცნიერებათა დოქტორი
სამეცნიერო სფერო	ისტორია, ეთნოლოგია

რუსუდან ხარაძე (დ. 14 სექტემბერი, 1909 ― გ. 15 თებერვალი, 1965) ― ქართველი ისტორიკოსი, ეთნოლოგი, ისტორიის მეცნიერებათა დოქტორი.

ბიოგრაფია

რუსუდან ხარაძე 1909 წლის 14 სექტემბერს სოფელ ფარცხნალში (დღევანდელი ხარაგაულის მუნიციპალიტეტი) დაიბადა. მამა — ლუკა ხარაძე იყო ცნობილი პედაგოგი, ბიძაშვილი ევგენი ხარაძე — ასტრონომი და საზოგადო მოღვაწე. 1930 წელს თბილისის სახელმწიფო უნივერსიტეტის პედაგოგიური ფაკულტეტი დაამთავრა. 1932-1933 წლებში საქართველოს სახელმწიფო მუზეუმში, ხოლო 1937-1965 წლებში ენის, ისტორიისა და მატერიალური კულტურის ინსტიტუტში, თბილისის სახელმწიფო უნივერსიტეტის ეთნოგრაფიის კათედრაზე მუშაობდა. იკვლევდა ქართველთა და ჩრდილოკავკასიელ ხალხთა სოციალურ ურთიერთობებს.