რუსთავის დრამატული თეატრი

მასალა ვიკიპედიიდან — თავისუფალი ენციკლოპედია
Jump to navigation Jump to search

გიგა ლორთქიფანიძის სახელობის რუსთავის დრამატული თეატრი — თეატრი ქალაქ რუსთავში. შეიქმნა 1967 წელს გიგა ლორთქიფანიძის ინიციატივითა და უშუალო ხელმძღვანელობით, კოტე მარჯანიშვილის თეატრიდან წასულ 26 ახალგაზრდა მსახიობის (ოთარ მეღვინეთუხუცესი, თენგიზ არჩვაძე, რევაზ ხობუა, ია ხობუა, ქეთევან კიკნაძე, ლეო ანთაძე, თამარ სხირტლაძე, ირაკლი უჩანეიშვილი, თენგიზ მაისურაძე, ზაზა ლებანიძე, ჯემალ გაგნიძე, გივი ბერიკაშვილი, იოსებ გოგიჩაიშვილი, კოტე თოლორაია და სხვები) ძალებით.

რუსთავის თეატრის გახსნა 1967 წელი 30 ნოემბერი

საბჭოთა კავშირის რეალობაში მათი ქმედება და თეატრის გახსნა დიდ თეატრალურ რევოლუციად ჩაითვალა. თეატრის დირექტორად და სამხატვრო ხელმძღვანელად დაინიშნა გიგა ლორთქიფანიძე. 1967 წლის 30 ნოემბერს რუსთავის თეატრი გიგა ლორთქიფანიძის ხელმძღვანელობით ოფიციალურად გაიხსნა ე. როსტინის რომანტიკული დრამით „სირანო დე ბერჟერაკი“ (მხატვარი — მამია მალაზონია, კომპოზიტორი — ბიძინა კვერნაძე).

რუსთავის თეატრის ცხოვრებაში, როგორც მსახიობი და რეჟისორი, აქტიურ მონაწილეობას იღებდა აკაკი ვასაძე. მან გიგა ლორთქიფანიძესთან ერთად დადგა პოლონელი დრამატურგის ზ. სკოვრონსკის „მაესტრო“ (1969). რუსთავის თეატრის ისტორიის მნიშვნელოვანი ნაწილია გ.ლორთქიფანიძის მიერ განხორციელებული უილიამ შექსპირის „მეფე ლირი“ (1973).

მნიშვნელოვანი თარიღები:[რედაქტირება | წყაროს რედაქტირება]

  • 1971 წელს რუსთავის თეატრში ხორციელდება საქართველოში პირველი კოპროდუქცია.
  • 1994 წელს დაარსდა საქართველოში პორველი საერთაშორისო თეატრალური ფესტივალი „ოქროს ნიღაბი“.
  • 2013 წელს თეატრს გიგა ლორთქიფანიძის სახელი მიენიჭა.

რუსთავის თეატრში განხორციელებული სპექტაკლები[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • ცუცქირიძე შ., ქართული საბჭოთა ენციკლოპედია, ტ. 8, გვ. 511, თბ., 1984 წელი.
  • რუსთავის თეატრის არქივი, საარქივო მასალიდან — ტომი I.
  • რუსთავის თეატრის არქივი, საარქივო მასალიდან — ტომი II.

რესურსები ინტერნეტში[რედაქტირება | წყაროს რედაქტირება]