როსტომ მუსხელიშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ მუსხელიშვილი.
როსტომ მუსხელიშვილის მემორიალური დაფა

როსტომ მუსხელიშვილი (დ. 1888/1889 — გ. 20 მაისი, 1923, ვაკის პარკი, ტფილისი) — ქართველი გენერალი, საქართველოს სამხედრო სამინისტროს გენერალური შტაბის სამხედრო დაზვერვის უფროსი. მსახურობდა საქართველოს დემოკრატიული რესპუბლიკის რეგულარულ ჯარში.

მას ეკუთვნოდა 1922 წლის დუშეთის მაზრის აჯანყების გეგმა, რომელიც მიზნად ისახავდა წითელი არმიის მთიულეთში შეტყუებას და იქ სრულ განადგურებას. ეს გეგმა უნდა აესრულებინათ ქაქუცა ჩოლოყაშვილის, შალვა ფავლენიშვილის და ლაშქარაშვილის რაზმებს. იყო საქართველოს დამოუკიდებლობის კომიტეტის მიერ შექმნილი „სამხედრო ცენტრის“ წევრი.

1923 წლის 20 მაისს ჩეკამ დააპატიმრა და დღევანდელი ვაკის პარკის ტერიტორიაზე სამხედრო ცენტრის სხვა 14 წევრთან ერთად დახვრიტა ყველანაირი გამოძიება-გასამართლების გარეშე. მასთან ერთად დახვრიტეს: ალექსანდრე ანდრონიკაშვილი, ვარდენ წულუკიძე, კონსტანტინე აფხაზი, გოგი ხიმშიაშვილი, ალექსანდრე მაჭავარიანი, ელიზბარ გულისაშვილი, დიმიტრი ჩრდილელი, სიმონ მუხრან-ბატონი, ფარნაოზ ყარალაშვილი, ლევან კლიმიაშვილი, მიხეილ ზანდუკელი, იასონ კერესელიძე, სიმონ ჭიაბრიშვილი და სიმონ ქუთათელიძე.

რესურსები ინტერნეტში[რედაქტირება | წყაროს რედაქტირება]