როდრიგო დუტერტე

მასალა ვიკიპედიიდან — თავისუფალი ენციკლოპედია
Jump to navigation Jump to search
როდრიგო დუტერტე
როდრიგო დუტერტე
ფილიპინების პრეზიდენტი
ამჟამინდელი თანამდებობა
დაიკავა30 ივნისი, 2016
ვიცე-პრეზიდენტი  ლენი რობრედო
წინამორბედიბენინიო აკინო

დაბადებული28 მარტი, 1945
მაასინი, ფილიპინები
მამავისენტე დუტერტე
დედასოლედად როა-დუტერტე
მეუღლეელიზაბეტ ციმერმანი, სელიტო ავანსენია
შვილებიპაოლო, სარა, სებასტიანი, ვერონიკა
ხელმოწერაRodrigo Duterte signature.png

როდრიგო დუტერტე (დ. 28 მარტი 1945, მაასინი, ფილიპინები) — ფილიპინელი იურისტი და პოლიტიკოსი. ფილიპინების პრეზიდენტი 2016 წლიდან. 7-გზის ეკავა კუნძულ მინდანაოზე მდებარე ქალაქ დავაოს მერის თანამდებობა, საერთო ჯამში სულ 22 წელი. ასევე იყო ფილიპინების პარლამენტის წევრი.

ბიოგრაფია[რედაქტირება | წყაროს რედაქტირება]

როდრიგო დუტერტე დაიბადა 1945 წლის 28 მარტს კუნძულ ლეიტეზე ქალაქ მაასინში, დავაოს პროვინციის გუბერნატორ ვისენტე დუტერტესა და სკოლის მასწავლებელ სოლედად როას ოჯახში. დუტერტეს ოჯახი 1951 წელს გადასახლდა დავაოს რეგიონში. ვისენტე ეწეოდა იურიდიულ პრაქტიკას, ხოლო სოლედადი ასწავლიდა მუნიციპალურ სკოლებში. 1952 წლიდან ვისენტე ჩაება პოლიტიკურ საქმიანობაში, ხოლო მისმა მეუღლემ თავი დაანება სამსახურს რათა დახმარებოდა მეუღლეს საქმიანობაში.

როდრიგომ 1956 წელს დაასრულა დავაოს წმინდა ანას სახელობის დაწყებითი სკოლა. ამის შემდეგ იგი ორჯერ გააძევეს სკოლიდან ცუდი საქციელის გამო, მეორე საფეხურის განათლება მიიღო დიგოსეს წმინდა ჯვრის აკადემიაში. 1968 წელს მიიღო ხელოვნების ბაკალავრის სტატუსი მანილის უნივერსიტეტში. 1972 წელს დაასრულა წმინდა ბედას სახელობის იურიდიული კოლეჯი, სადაც მიიღო იურდიული განათლება.

დავაო[რედაქტირება | წყაროს რედაქტირება]

1986 წლის ყვითელი რევოლუციის შემდეგ დანიშნეს დავაოს ვიცე-მერად. 1988 წელს ქალაქის მერის არჩევნებში წამოაყენა თავისი კანდიდატურა და მოიგო კიდეც არჩევნები. მის დროს მოხდა მანამდე უპრეცენდენტო ამბავი, მერის მოადგილედ დანიშნა მანობოსა და მოროს ტომის წარმომადენლები. 1998 წლიდან 2001 წლამდე იგი დავაოს პირველი საარჩევნო ოლქიდან ფილიპინების წარმომადგენელთა პალატის წევრია. 2001 წლიდან დუტერტე კვლავ დავაოს მერად აირჩიეს მეოთხე ვადით, მისი არჩევა მოხდა ასევე 2004 და 2007 წლებში. 2010 წელს მერის თანამდებობაზე აირჩიეს მისი ქალიშვილი სარა დუტერტე-კაპრიო. 2010-2013 წლებში დავაოს ვიცე-მერია. 2013-2016 წლებში კვლავ ქალაქის მერია.

ფილიპინების პრეზიდენტები ფიდელ რამოსი, ჯოზეფ ესტრადა, გლორია მაკაპაგალ-აროიო და კორასონ აკინო დუტერტეს სთავაზობდნენ შიდა და ადგილობრივი თვითმმართველობის მდივნის თანამდებობას, მაგრამ ყოველ ჯერზე იგი უარს აცხადებდა. მან ასევე უარი თქვა ამერიკის ონკკლოგთა საზოგადოების ჯილდოზე.

დუტერტეს, რომელსაც ჟურნალმა ტაიმმა „ჯალათი“ უწოდა[1]., ხშირად აკრიტიკებდნენ ადამიანის უფლებათა დამცველი ორგანიზაციები, მათ შორის Amnesty International, სასამართლოს გარეშე დამნაშავეების დახვრეტის მხარდაჭერის გამო. 2009 წელს მასვე აკრიტიკებდა გაეროს გენერალური ასამბლეის დასკვნითი დოკუმენტი. Human Rights Watch მოუწოდებდა დუტერტეს შეეწყვიტა სიკვდილის ესკადრონების მოქმედება დავაოს ტერიტორიაზე[2].

პრეზიდენტობა[რედაქტირება | წყაროს რედაქტირება]

2015 წლის დასაწყისში დუტერტემ განაცხადა, რომ მონაწილეობას აპირებდა 2016 წლის საპრეზიდენტო არჩევნებში და გამარჯვების შემთხვევაში აპირებდა ფედერაციული რესპუბლიკის დამყრებას საპარლამენტო მმართველობით[3][4][5]. 2016 წლის 9 მაისს გამართულ საპრეზიდენტო არჩევნებში მიიღო ხმების 39.01% და 30 ივნისს დაიკავა პრეზიდენტის თანამდებობა.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Zabriskie, Phil: The Punisher, Time magazine (Asia edition), June 24, 2002. URL last accessed 2006-10-12.
  2. Rodrigo Duterte: The Rise of Philippines’ Death Squad Mayor — Human Rights Watch.
  3. Duterte talks about what he'll do if he's elected president in 2016“, 26 January 2015. 
  4. Serrano, Ben. “Duterte eyes abolition of Congress“, 26 January 2015. 
  5. Serrano, Ben. “Duterte eyes abolition of Congress if elected president in 2016“, 26 January 2015.