რეუს დეპორტიუ (საფეხბურთო კლუბი)
 | |||
| სრული სახელი | Club de Futbol Reus Deportiu, S.A.D. | ||
|---|---|---|---|
| მეტსახელი | მექანიკური თხილი (ესპ. La avellana mecánica)[1] | ||
| დაარსდა | 1909 | ||
| სტადიონი |
კამპ ნოუ მუნისიპალი რეუსი, კატალონია (ტევადობა: 4,700 მაყურებელი) | ||
| პრეზიდენტი |
 ხავიერ ლასტარი | ||
| მწვრთნელი |
ნაჩლო გონსალესი | ||
| ლიგა | სეგუნდა დივიზიონი | ||
| 2015-16 | 1-ლი ადგილი სეგუნდა ბ-ში (ჯგუფი III) (აღზევდა) | ||
| საიტი | ოფიციალური საიტი | ||
| |||
„რეუს დეპორტიუ“ (ესპ. Club de Futbol Reus Deportiu) — ესპანური საფეხბურთო კლუბი. დაარსდა 1909 წელს, კატალონიის ავტონომიური გაერთიანების ქალაქ რეუსში. ასპარეზობს ესპანეთის სეგუნდა დივიზიონში. საშინაო მატჩებს ატარებს სტადიონ კამპ ნოუ მუნისიპალზე, რომელიც 4 700 მაყურებელს იტევს.
პრიმერა დივიზიონის გათამაშებაში კლუბს მონაწილეობა არასდროს მიუღია. სეგუნდა დივიზიონში პირველად აღზევდა 2016 წელს.
ისტორია
[რედაქტირება | წყაროს რედაქტირება]კლუბი დაარსდა 1909 წლის 23 ნოემბერს, „რეუს სპორტ კლუბის“ დაშლის შედეგად. 1917 წლის 29 სექტემბერს კლუბი შეერწყა „ველოსიპედისტას“ და „ოლიმპიას“, შედეგად გახდა მულტი-სპორტული კლუბი „რეუს დეპორტიუ“.
1951 წელს კლუბი დაიყო 2 დამოუკიდებელ ნაწილად, ერთი ნაწილი არის „საფეხბურთო კლუბი რეუს დეპორტიუ“, მეორე სექცია კი ჰოკეის დაეთმო.[2]
სეგუნდა დივიზიონ ბ-ში გატარებული მრავალი სეზონის შემდეგ, 2015 წელს, „რეუს დეპორტიუმ“ სცადა სეგუნდა დივიზიონში აღზევება. ჩემპიონატში მე-3 ადგილის დაკავების შემდეგ, აღსაზევებელი პლეი-ოფის მე-2 ეტაპზე დამარცხდა ფეროლის „რასინგთან“.
2015 წელს, კლუბმა შეძლო ესპანეთის თასის 1/32 ეტაპზე გასვლა, სადაც „ატლეტიკო მადრიდთან“ დამარცხდა. ამ სეზონში „რეუსმა“ ასევე ითამაშა სეგუნდაში აღსაზევებელ პლეი-ოფში, ამჯერად შეძლო მეტოქის, სანტადერის „რასინგის“ დამარცხება, გასვლაზე 3-0 გამარჯვების შემდეგ, საშინაო მატჩშიც მოიგო, ანგარიშით 1-0 და ისტორიაში პირველად აღზევდა მეორე დივიზიონში.
რესურსები ინტერნეტში
[რედაქტირება | წყაროს რედაქტირება]- ოფიციალური საიტი
- რეუს დეპორტიუ Twitter-ზე
- კლუბის პროფილი Soccerway-ზე
- კლუბის პროფილი Transfermarket-ზე
სქოლიო
[რედაქტირება | წყაროს რედაქტირება]- ↑ Reus, la avellana mecánica, reta al Atlético es. Sportyou (25 ნოემბერი, 2015). ციტირების თარიღი: 28 ივნისი, 2016.
- ↑ Història del CF Reus Deportiu ca. CF Reus Deportiu. დაარქივებულია ორიგინალიდან — 2016-01-12. ციტირების თარიღი: 24 მაისი, 2016.