რემსი ლუისი

მასალა ვიკიპედიიდან — თავისუფალი ენციკლოპედია
Jump to navigation Jump to search
რემსი ლუისი
Ramsey Lewis October 2009.jpg
რემსი ლუისი 2009 წელს
ბიოგრაფია
ნამდვილი სახელი რემსი ემანუელ ლუის უმცროსი
დაიბადა 27 აპრილი, 1935
ჩიკაგო, ილინოისი, ამერიკის შეერთებული შტატები
ჟანრ(ებ)ი ჯაზი, ჯაზ-პანკი, პოპ-მუსიკა
საქმიანობა პიანისტი, კომპოზიტორი
ინსტრუმენტ(ებ)ი ფორტეპიანო
აქტიური 1956-დღემდე
ლეიბლ(ებ)ი Cadet Records, Columbia Records, GRP Records, Narada Productions, Concord Records, Hidden Beach Recordings
ასოციაციები Earth, Wind & Fire
საიტი ramseylewis.com

რემსი ემანუელ ლუის უმცროსი (დ. 27 მაისი, 1935) — ამერიკელი ჯაზ-პიანისტი და კომპოზიტორი. რემსი ლუისმა მთელი კარიერის მანძილზე ჩაწერა 80-მდე ალბომი და მიიღო სამი გრემი და შვიდი RIAA certification.

ბიოგრაფია[რედაქტირება | წყაროს რედაქტირება]

რემსი ლუისი დაიბადა ჩიკაგოში, ილინოისში რემსი ლუის უფროსისა და პაულინ ლუისის ოჯახში.[1] ლუისი ფორტეპიანოს დაუფლებას 4 წლიდან შეუდგა, თხუთმეტი წლისამ კი პირველი ჯაზ-ბენდიც ჩამოაყალიბა, სახელად Cleffs, რომელიც 7 წევრისაგან შედგებოდა. ბენდის დრამერთან ისააკ ჰოლტთან და ბასისტ ელდი იანგთან ერთად კი ლუისმა თავისი ცნობილი ჯაზ-ბენდი Ramsey Lewis Trio ჩამოაყალიბა.

სამეულმა თავისი პირველი ალბომი, სახელწოდებით Ramsey Lewis And The Gentlemen of Swing 1956 წელს ჩაწერა. 1965 წელს ჩაწერილი ჰიტით "The In Crowd" ჯგუფმა დიდ კომერციულ წარმატებას მიაღწია (კომპოიციამ ჰიტ-ჩარტებში მეხუთე პოზიცია დაიკავა, ხოლო ალბომმა მეორე). ამან კი განსაზღვრა ბენდის სამომავლო მუსიკალური კურსივი, რაც კომერციული მუსიკის შექმნით გამოიხატა. იანგმა და ჰოლტმა 1966 წელს ჯგუფი დატოვეს და შექმნეს Young-Holt Unlimited, მათი ადგილი კი კლივლენდ იტონმა და მაურის უაიტმა დაიკავეს. თავად უაიტი კი ჯგუფიდან 1970 წელს გავიდა ჯგუფ Earth, Wind & Fire-ს შესაქმნელად. იგი მორის ჯენინგსმა ჩაანაცვლა. მოგვიანებით ჯენინგსი და იტონი ფრენკი დონალდსონმა და ბილ დიკენსმა ჩაანაცვლეს.

1966 წლისთვის ლუისი მთელ ქვეყანაში ერთ-ერთი ყველაზე წარმატებული პიანისტი იყო და ლიდერობდა ჩარტებს ისეთი კომპოზიციებით, როგორებიცაა "The In Crowd", "Hang On Sloopy"[2] და "Wade In The Water", რომელთაგანაც თითოეული მილიონზე მეტჯერ გაიყიდა, რისთვისაც ოქროს დისკით დაჯილდოვდნენ.[3] როგორც მოცემული სტატისტიკა მოწმობს რემსი ლუისის შემოქმედება მხოლოდ ჯაზის მსმენელებს არ იზიდავდა. 1970-იანებში ლუისმა რამდენიმეჯერ ძალები ელექტრო და აცუსტიკურ ფორტეპიანოებზე მოსინჯა, რის გამოც მის ჯგუფში დამატებითი პიანისტიც გაჩნდა.[4]

1994 წელს ლუისი Red Hot Organization=ის ალბომში გამოჩნდა ისეთ ჯაზმენებთან ერთად, როგორებიცაა ჰერბი ჰენკოკი და როი აიერსი. ალბომი, სახელწოდებით "Stolen Moments: Red Hot + Cool", რომელიც ჟურნალმა თაიმმა "წლის ალბომად" შერაცხა, შიდსის ეპიდემიის დასამარცხებლად საჭირო თანხების მოძიების მიზნით ჩაიწერა.

რემსი ლუისი მასპინძლობს 1990 წელს შექმნილ ყოველკვირეულ რადიო პროგრამას, სახელწოდებით "Legend of Jazz". 2006 წელს "Legends of Jazz"-ის სატელევიზიო პროგრამამ უამრავ ჯაზმენს უმასპინძლა, მათ შორისაა: ლარი გრეი, Dr. Lonnie Smith, ჯოი დეფრანჩესკო, დეივ ბრუბეკი, ჩიკ კორია, კურტ ელინგი, ბენი გოლსონი, პეთ მეთნი და ტონი ბენეტი.

რემსი ლუისი დღესაც ცოცხალია და ჩიკაგოში, ილინოისში ცხოვრობს, იქ, სადაც მისი მუსიკალური ფესვებია. მას შვიდი შვილი, თოთხმეტი შვილიშვილი და ერთი შვილთაშვილი ჰყავს.

დისკოგრაფია[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Ramsey Lewis with one voice (PDF). წაკითხვის თარიღი: 2011-10-31.
  2. გილილენდი, ჯონ. (1969)Show 50 - The Soul Reformation: Phase three, soul music at the summit. [Part 6] : UNT Digital Library (აუდიო). Pop Chronicles. Digital.library.unt.edu.
  3. Murrells, Joseph (1978). The Book of Golden Discs, 2nd, London: Barrie and Jenkins Ltd, გვ. 192, 193 & 207. ISBN 0-214-20512-6. 
  4. ''Billboard'': Ramsey Lewis. Billboard.com. წაკითხვის თარიღი: 2011-10-31.