რელიგია და ჰომოსექსუალობა

მასალა ვიკიპედიიდან — თავისუფალი ენციკლოპედია
Jump to navigation Jump to search

რელიგია და ჰომოსექსუალობა — რელიგიასა და ჰომოსექსუალობას შორის დამოკიდებულება დროთა განმავლობაში იცვლებოდა ისტორიული პერიოდისა და ადგილის მიხედვით. სხვადასხვა რელიგიები და დენომინაციები განსხვავებულად აფასებენ ჰომოსექსუალობას და მის ფორმებს. დღეს, მსოფლიოს ძირითადი რელიგიების დოქტრინები სხვადასხვა პოზიციას აფიქსირებენ სექსუალური ორიენტაციის მიმართ. განსხვავებული ორიენტაციის მიმართ ნეგატიურად განწყობილი დენომინაციები ამ საკითხის მიმართ სხვადასხვა მიდგომას გამოხატავენ. მათ შორის, მიდგომები იწყება ორიენტაციის მშვიდი, შეგონების გზით შეცვლიდან „გამოსწორებიდან“ უფრო მკვეთრი პოზიციისკენ, რომელიც საერთოდ კრძალავს ასეთ ურთიერთობებს და ამის განხორცილების გზად იყენებენ აშკარა დაპირისპირებას, მათ შორის განსხვავებულ ორიენტაციაში „შემჩნეული“ პირების მიმართ უკიდურეს სასჯელებს, მათ შორის სიკვდილით დასჯას. რელიგიური ფუნდამეტალიზმის მიზანი ჰომოსექსუალური კავშირების აღმოფხვრაა. ბვერი მათგანი ასევე თვლის, რომ ჰომექსუალური კავშირი აღიქმება ცოდვად. დროთა განმავლობაში შეიქმნა ორგანიზაციები, რომელთა მიზანი არის „გააკეთილშობილონ ცოდვილი ადამიანები“ და საკუთარი სქესის მიმართ ლტოლვა ჩაუხშონ. საგულისხმოა, რომ ზოგი რელიგიის მიმდევრები პოზიტიურად აფასებენ სექსუალური ორიენტაციის ნებისმიერი სახით გამოვლინებას და მეტიც, ზოგი დენომინაცია საშუალებას აძლევს ერთი და იმავე სქესის ადამიანებს იქორწინონ. ლგბტ უფლებების მხარდამჭერი რელიგიური მიმდინარეობები დროდადრო იზრდება მსოფლიოში, განსაკუთრებით განვითარებულ ნაწილში, სადაც სახელმწიფოები ცვლიან თავიანთ კანონმდებლობას და უფრო ლიბერალურს ხდიან სექსუალური ორიენტაციის ადამიანების მიმართ. ისტორიულად, სხვადასხვა რელიგიური ჯგუფები თუ კონფესიები აბსოლუტურად მიმღებლები იყვნენ ერთი და იმავე სქესის წყვილების მიმართ და მათი ინსტიტუტიონალიზაცია ხდებოდა. ასეთი მიდგომები, მითოლოგია და ტრადიციები მსოფლიოში ყველგან შეიძლება შეგვხვდეს. ინდუიზმი, მსოფლიოს ერთ-ერთი დიდი რელიგიური ჯგუფი, ჰომოსექსუალობას არ ცნობს ცოდვად. 2009 წელს გაერთიანებული სამეფოს ინდუისტური საბჭო ერთ-ერთი პირველი დიდი რელიგიური ორგანიზაცია იყო, რომელმაც ღიად დაიწყო ლგბტ თემის მხარდაჭერა. მიუხედავად ზოგიერთი დენომინაციის მხარდაჭერისა ლგბტ საზოგადოების მიმართ, არსებობს მორწმუნე ხალხი, რომელთა რწმენა საკრალურ ტექსტებზე და ტრადიციებზეა დამყარებული, ასეთი ტესტების შესაბამისობა პირვანდელ სახესთან საკამათოა.

კონკრეტული რელიგიური ჯგუფების დამოკიდებულება[რედაქტირება | წყაროს რედაქტირება]

აბრაჰამისეული (მონოთეისტური) რელიგიები[რედაქტირება | წყაროს რედაქტირება]

აბრაამისეულ რელიგიებს, იუდაიზმს, ქრისტიანობასა და მუსულმანობას აკრძალული აქვთ სოდომი , მათ სწამთ და ასწავლიან, რომ ამგვარი ურთიერთობები ცოდვაა. ამ რელიგიების გარკვეული დენომინაციები დღეს მიმღებლები არიან განსხვავებული სექსუალური ორიენტაციის მიმართ, ასეთია მაგალითად, რეფორმისტული იუდაიზმი (Reform Judaism), ქრისტეს გაერთიანებული ეკლესია (United Church of Christ) და მეტროპოლიტენ საზოგადოების ეკლესია (Metropolitan Community Church). ზოგი პრესვიტერიანული და ანგლიკანური ეკლესია იღებს ადამიანებს მათი სექსუალური ორიენტაციის განურჩევლად და მხარსაც უჭერს მათ გაერთიანებებს. რეფორმისტული იუდაიზმი რაბინობის (ეკლესიის ხელმძღვანელი) უფლებასაც რთავს გეი და ლესბოსელ ადამიანებს და ასრულებს ერთი და იმავე სქესის წყვილთა ქორწინების ლიტურგიებს. რეკონსტრუქციონალისტური იუდაიზმი და კონსერვატიული იუდაიზმი ასევე რთავს მსახურების ნებას განსხვავებული ორინეტაციის ადამიანებს ამერიკის შეერთებულ შტატებში.

იუდაიზმი[რედაქტირება | წყაროს რედაქტირება]

თორა (ებრაული ბიბლიის პირველი ხუთი წიგნი) არის პირდაპირი წყარო ებრაული წარმოსახვებისა ჰომოსექსუალობის შესახებ. ის ამბობს: „(კაცი) და წულისა თანა (კაცთან) არა დასწვე საწოლითა დედებრითა (როგორც ქალთან), რამეთუ საძაგელ არს“ (წიგნი ლევიტელთა, ლევიანნი 18:22). ბევრი სხვა მოწოდების (მცნების) დარღვევის მსგავსად, ამ წესის დარღვევის სასჯელი სიკვდილი იყო, თუმცა დღეს რაბინული იუდაიზმი აღარ მიიჩნევს, რომ მას აქვს სიკვდილით დასჯის განხორციელების უფლება. ორთოდოქსული იუდაიზმი ჰომოსექსუალურ აქტს ცოდვად მიიჩნევს. ბოლო წლების განმავლობაში საგულისხმოა, რომ ამ დენომინაციაში მიდგომა იცვლება. ის ცოდვად განიხილავს მხოლოდ ჰომოსექსუალურ ანალურ სექსს, თუმცა ზოგადად ჰომოსექსუალობა და სხვა არატრადიციული აქტები განკითხვის გარეშე რჩება. კონსერვატიულმა იუდაიზმა 1990 წლიდან ჰომოსექსუალობაზე უფრო ღრმა კვლევები დაიწყო და შედეგად მათი სინაგოგების კარი გაიღო ნებისმიერი სექსუალური ორიენტაციის ადამიანისათვის. ისინი აქტიურად არიან ჩართული სამოქალაქო სამართალში ლგბტ პირთა უფლებების დასაცავად და მკაცრად ეწინააღმდეგებიან დისკრიმინაციას, თუმცა მათ ერთი შეზღუდვა აქვთ ამ პირების მიმართ. ჰომოსექსუალ ადამიანებს ეკრძალებათ ანალური სექსი, როგორც რელიგიური ცხოვრების წესის მოთხოვნა. რეფორმისტული იუდაიზმი და რეკონსტრუქციონალისტური იუდაიზმი ჩრდილოეთ ამერიკაში და ლიბერალური იუდაიზმი ბრიტანეთში ჰომოსექსუალობას ისევე მისაღებად მიიჩნევენ, როგორც ჰეტეროსექსუალობას. პროგრესული იუდაისტური ორგანიზაციების აზრით, არატრადიცული კავშირების მიმართ დამოკიდებულება და აკრძალვები დროა აღარ არსებობდეს, რადგან ეს მიდგომა არ ასახავს ადამიანის სექსუალობის დღევანდელ გაგებას. ზოგი ორგანიზაცია ეყრდნობა თანამედროვე ბიბლიურ სწავლებას, რომლის მიხედვითაც „თორაში“ (ბიბლიის პირველი ნაწილი) მოხსენიებული აკრძალვები უპირისპირდებოდა იძულებით ან რიტუალურ ჰომოსექსუალურ აქტებს, ისეთებს როგორსაც ისტორია იცნობს ეგვიპტურ ქანაანურ განაყოფიერების რიტუალებში და სატაძრო ორგიებში.

ქრისტიანობა[რედაქტირება | წყაროს რედაქტირება]

ქრისტიანულ დენომინაციებს სხვადასხვაგვარი შეხედულება აქვთ ჰომოსექსუალობის მიმართ. მათი დამოკიდებულება იცვლება სრულყოფილი აკრძალვიდან ასევე სრულყოფილ მიმღებლობამდე. ქრიატიანული რელიგიური ჯგუფების უმრავლესობა ტოლერანტულია ჰომოსექსუალი ადამიანების მიმართ, თუმცა თავიანთ სწავლებაში არატრადიციულ სექსუალურ კავშირებს მიანც ცოდვად განიხილავს. ლიბერალური ქრისტიანული ჯგუფებისაგან განსხვავებით აღმოსავლეთის ორთოდოქსული ანუ მართლმადიდებლური ეკლესია მკაცრად კრძალავს ჰომოსექსუალობას და ხშირად მათი დისკრიმინაციის ინიციატორიც კი გამოდის. ასეთი შეზღუდვებით ცნობილია რუსეთისა და საქართველოს მართლმადიდებლური ეკლესიები. ლიბერალურ (ჰომოსექსუალობისადმი მიმღებლურ) ქრისტიანულ დენომინაციებს განეკუთვნება რომაული კათოლიკური ეკლესია, გაერთიანებული მეთოდისტური ეკლესია ბრიტანეთში, ამერიკის რეფორმისტული ეკლესია, ამერიკის ბაპტისტური ეკლესია, ასევე ევანგელისტური ეკლესია და სამხრეთ ბაპტისტური რელიგიური ჯგუფები. ორმოცდაათიანელები, რესტავრაციონალისტური ეკლესიები, როგორიცაა იეჰოვას მოწმეები და მორმონები ცოდვად თვლიან ჰომოსექსუალურ აქტს. ლიბერალური ქრისტიანული ჯგუფები მხარს უჭერენ ლგბტ პირებს. რიგი ქრისტიანული დენომინაციები მონოგამიურ (ერთ პარტნიორთან) ერთ-სქესიან ურთიერთობებს ცოდვად არ გინიხილავენ. ასეთი დენომინაციებია: კანადის გაერთიანებული ეკლესია, ქრისტეს გაერთიანებული ეკლესია, პრესბიტერიანული ეკლესია (აშშ), ამერიკის ევანგელისტურ-ლუთერანული ეკლესია, კანადის ევანგელისტურ-ლუთერანული ეკლესია, შვედეთის ეკლესია, ლუთერანული ეკლესიები, გერმანიის ევანგელისტური ეკლესია, დანიის ეკლესია, ისლანდიის ეკლესია, ნორვეგიის ეკლესია და ჰოლანდიის პროტესტანტული ეკლესია. მეტროპოლიტენ საზოგადოების ეკლესია 40 ათასი წევრით დაარსდა სპეციალურად იმისთვის, რომ მომსახურებოდნენ ლგბტ საზოგადოებას. ისინი აქტიურად უჭერენ მხარს ლგბტ თემის უფლებების დაცვას. ქრისტეს გაერთიანებული ეკლესია და ბაპტისტური ალიანსი არ ეწინააღმდეგება გეი ქორწინებებს. ზოგი ანგლიკანური და ლუთერანული ეკლესიაც ატარებს ჰომოსექსუალი წყვილების ქორწინების რიტუალს. ხშირად ამ ეკლესიების პასტორები და ეპისკოპოსები თავად არიან ჰომოსექსუალები.

ისლამი[რედაქტირება | წყაროს რედაქტირება]

ისლამური სახელმწიფოს თითქმის ყველა სკოლა ჰომოსექსუალობას განიხილავს, როგორც არაბუნებრივ მოვლენას (ცდუნებას). საერთოდ სექსუალური ურთიერთობები მიიჩნევა ცოდვად.

ინდური რელიგიები[რედაქტირება | წყაროს რედაქტირება]

სხვადასხვა რელიგიის მიდგომები ჰომოსექსუალობაზე, რომლებიც აღმოცენდა ინდოეთში, მათ შორის ბუდიზმი, სიხიზმი, ჯაინიზმი და ინდუიზმი ნაკლებად ნათელია, ხედვებიც განსხვავებული. 2005 წელს სიხიზმის ლიდერმა, რომელიც ხელისუფლების წარმომადგენელი იყო, დაგმო ჰომოსექსუალობა და მათი ერთი და იმავე სქესის პირთა ქორწინება, თუმცა ამ რელიგიის ბევრი წარმომადგენელი არ იზიარებს ამ მიდგომას. ასევე არსებობს უძველესი რელიგიური ტექსტები, როგორიცაა ვედები, სადაც ვხვდებით მესამე სქესს როგორც ჰიჯრას, რომელიც არც ქალია და არც კაცი, თუმცა ეს მესამე სქესი უმეტესად უარყოფითად არის ძველ ტექსტებში წარმოდგენილი.

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]