რაჰიბ მამედოვი
| რაჰიბ მამედოვი | |
|---|---|
| ეროვნება | აზერბაიჯანელი |
| დაბადების თარიღი | 25 აგვისტო, 1967 |
| დაბადების ადგილი | მაჰრიზლი, აღდამი, აზერბაიჯანის სსრ |
| გარდაცვალების თარიღი | 2 თებერვალი, 1987 (19 წლის) |
| გარდაცვალების ადგილი | ხობი, საქართველოს სსრ |
| კუთვნილება |
 სსრკ-ის შეიარაღებული ძალები |
| ჯილდოები | წითელი ვარსკვლავის ორდენი |
რაჰიბ მამედოვი (აზერ. Rahib Gülmalı oğlu Məmmədov; 25 აგვისტო, 1967, მაჰრიზლი, აღდამი, აზერბაიჯანის სსრ – 2 თებერვალი, 1987, ხობი, საქართველოს სსრ) — აზერბაიჯანელი ჯარისკაცი, წითელი ვარსკვლავის ორდენის კავალერი.
ბიოგრაფია
[რედაქტირება | წყაროს რედაქტირება]რაჰიბ მამედოვი დაიბადა 1967 წლის 25 აგვისტოს, აღდამის რაიონის სოფელ მაჰრიზლიში. 1984 წელს დაამთავრა სოფელ მაჰრიზლის საშუალო სკოლა, რის შემდეგაც ჩააბარა ქალაქ აღდამში მდებარე სოფლის მეურნეობის ელექტრიფიკაციისა და მექანიზაციის ტექნიკუმში. ტექნიკუმში ერთწლიანი სწავლების შემდეგ, 1985 წლის ნოემბერში სამხედრო სამსახურში გაიწვიეს. სამხედრო სამსახურს ის საქართველოში, ხელვაჩაურში მდებარე სამხედრო ნაწილში გადიოდა.[1]
სტიქია და სიკვდილი
[რედაქტირება | წყაროს რედაქტირება]რაჰიბ მამედოვი, 20 წლის ასაკში, 1987 წელს სამხედრო სამსახურში ყოფნისას, ხობის რაიონის ჭალადიდის თემში მომხდარი ბუნებრივი სტიქიის (წყალდიდობა) დროს, 28 ადგილობრივის გადარჩენისას დაიღუპა. სიკვდილის შემდეგ, მას საბჭოთა კავშირის უმაღლესი საბჭოს გადაწყვეტილების საფუძველზე, 1987 წლის 22 ივლისს წითელი ვარსკვლავის ორდენით დააჯილდოვეს.
მამადოვმა წყალდიდობის დროს ჭალადიდში 28 ადგილობრივის სიცოცხლე იხსნა.[2]
ხსოვნა
[რედაქტირება | წყაროს რედაქტირება]- საშუალო სკოლაში, სადაც მამედოვი სწავლობდა, მისი სახელობის მუზეუმი შეიქმნა.
- ხობის მუნიციპალიტეტის სოფელ ჭალადიდში მამედოვის ძეგლია აღმართული. ძეგლს 2012 წელს რესტავრაცია ჩაუტარდა. ძეგლზე ინგლისურ და ქართული ენებზე დატანილია შემდეგი ტექსტი:
|
„რაჰიბ მამმადოვმა 1987 წელს, ხობის რაიონის სოფელ ჭალადიდში, სტიქიის სამაშველო ღონისძიებების დროს, გადაარჩინა 28 ადგილობრივი მცხოვრები და გმირულად დაიღუპა. გარდაცვალების შემდგომ დაჯილდოვდა მაღალი სახელმწიფო ჯილდოთი.“
|
- 1997 წელს, რაჰიბ მამედოვის ხსოვნას მიეძღვნა გარდაბანში ჩატარებული საერთაშორისო ბოქსის ტურნირი.
სქოლიო
[რედაქტირება | წყაროს რედაქტირება]- ↑ 24news.ge. (20.10.2023) სოფელ ჭალადიდში რაჰიბ მამედოვის ძეგლი გაიხსნა, რომელმაც 28 ადამიანი გადაარჩინა (ფოტო). ციტირების თარიღი: 22.12.2024.
- ↑ წალადიდში რაჰიბ მამადოვის ძეგლი გაიხსნა (20.10.2023). ციტირების თარიღი: 22.12.2024.
- ↑ Prezident İlham Əliyev Bakının Əhmədli yaşayış massivindəki Rahib Məmmədov küçəsində yenidən qurulan parkda yaradılmış şəraitlə tanış olub (19.10.2013). ციტირების თარიღი: 22.12.2024.