რაფაელ ჩიმიშკიანი

მასალა ვიკიპედიიდან — თავისუფალი ენციკლოპედია
Jump to navigation Jump to search

რაფაელ ჩიმიშკიანი (დ. 23 მარტი 1929, თბილისი, საქართველოს სსრ, სსრკ) — საბჭოთა ძალოსანი (50, 60 კგ). სპორტის დამსახურებული ოსტატი (1952). 1952 წლის ჰელსინკის ოლიმპიური თამაშების ჩემპიონი, მსოფლიოს ორგზის ჩემპიონი (1954, 1955) და ორგზის მეორე პრიზიორი (1950, 1953), ევროპის ექვსგზის ჩემპიონი (1950-1951, 1954-1957) და მეორე პრიზიორი (1953), მსოფლიო უნივერსიადების ჩემპიონი (1951). სსრკ ათგზის ჩემპიონი (1949, 1951, 1954, 1955, 1960 — პირად შეჯიბრებაში, 1948-1952 — გუნდურ ჩათვლაში). ხუთგზის მეორე (1950, 1952, 1953, 1957, 1958) და მესამე (1956) პრიზიორი, სსრკ ხალხთა I სპარტაკიადის მესამე პრიზიორი (1956). საერთაშორისო კატეგორიის მსაჯი. ღირსებისა და ვახტანგ გორგასლის II ხარისხის ორდენის კავალერი, თბილისის საპატიო მოქალაქე. 2012 წელს მიიღო სპორტის რაინდის წოდება.

ოლიმპიური ჩემპიონის ტიტული ჰელსინკში (ფინეთი) მსოფლიო რეკორდით მოიგო: სამჭიდის ჯამში 337,5 კგ დაძლია. დასახელებულია საქართველოს XX საუკუნის საუკეთესო ძალოსნად. 1952–1957 წლებში 10-ჯერ დაამყარა მსოფლიო რეკორდი: სამჭიდში 5-ჯერ, ატაცში — 3-ჯერ, აკვრაში — 2-ჯერ. 1955 წლის ივნისში, მოსკოვში საბჭოთა კავშირის და ამერიკის შეერთებული შტატების საუკეთესო ძალოსანთა ნაკრები გუნდების შეხვედრა გაიმართა. თავის წონით კატეგორიაში (60კგ) 340 კგ დაძლია და მეტოქე დაამარცხა. რაფაელ ჩიმიშკიანი არის ძალოსნობაში საერთაშორისო კატეგორიის მსაჯი. 2003 წელს თბილისის საპატიო მოქალაქის წოდება მიენიჭა. 2011 წელს, სერიაში „ქართველი ოლიმპიური ჩემპიონები“ (პროექტის ავტორი და მთავარი რედაქტორი ელგუჯა ბერიშვილი) გამოიცა დავით ჭელიძის წიგნი „რაფაელ ჩიმიშკიანი“.

ძირითადი შედეგები[რედაქტირება | წყაროს რედაქტირება]

წელი ტურნირი მასპინძელი წონითი
კატეგორია
ადგილი
1950 ევროპის ჩემპიონატი პარიზი, საფრანგეთი -56 კგ 1st
1950 მსოფლიო ჩემპიონატი პარიზი, საფრანგეთი -56 კგ 2nd
1952 ევროპის ჩემპიონატი ჰელსინკი, ფინეთი -60 კგ 1st
1952 ზაფხულის XV ოლიმპიური თამაშები ჰელსინკი, ფინეთი -60 კგ 1st
1953 ევროპის ჩემპიონატი სტოკჰოლმი, შვეცია -60 კგ 2nd
1953 მსოფლიო ჩემპიონატი სტოკჰოლმი, შვეცია -60 კგ 2nd
1954 ევროპის ჩემპიონატი ვენა, ავსტრია -60 კგ 1st
1954 მსოფლიო ჩემპიონატი ვენა, ავსტრია -60 კგ 1st
1955 ევროპის ჩემპიონატი მიუნხენი, გფრ -60 კგ 1st
1955 მსოფლიო ჩემპიონატი მიუნხენი, გფრ -60 კგ 1st
1956 ევროპის ჩემპიონატი ჰელსინკი, ფინეთი -60 კგ 1st
1957 ევროპის ჩემპიონატი კატოვიცე, პოლონეთი -60 კგ 1st

ლიტერატურა[რედაქტირება | წყაროს რედაქტირება]

  • თავისუფლების დღიურები, 2008 : რადიო „თავისუფლების“ პროექტი, გვ.208, თბ., 2009;
  • ელგუჯა ბერიშვილი, ქართული სპორტის ოქროს წიგნი, გვ. 222, თბ.: პალიტრა L, 2013.

რესურსები ინტერნეტში[რედაქტირება | წყაროს რედაქტირება]