რადია პერლმანი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
რადია პერლმანი
Radia Perlman.png
დაბ. თარიღი 18 დეკემბერი, 1951(1951-12-18)[1] [2] [3] [4] (70 წლის)
დაბ. ადგილი Portsmouth[5] [1]
მოქალაქეობა Flag of the United States.svg აშშ[6] [1] [7]
საქმიანობა ინფორმატიკა
მუშაობის ადგილი Digital Equipment Corporation, მასაჩუსეტსის ტექნოლოგიის ინსტიტუტი, BBN Technologies, Sun Microsystems და Dell EMC
ალმა-მატერი მასაჩუსეტსის ტექნოლოგიის ინსტიტუტი
ჯილდოები Anita Borg Institute Women of Vision Awards[8] , SIGCOMM-ის ჯილდო[9] , ეროვნულ გამომგონებელთა დიდების დარბაზი[10] , ინტერნეტის დიდების დარბაზი[11] და ACM-ის წევრი[12]

რადია ჯოი პერლმანი (ინგლ. Radia Joy Perlman; დ. 18 დეკემბერი, 1951, პორტსმუტი, ვირჯინია, [აშშ]) — ამერიკელი პროგრამისტი და ქსელური ინჟინერი, ჰარვარდის უნივერსიტეტისა და ვაშინგტონის შტატის უნივერსიტეტის პროფესორი.

რადია პერლმანი ცნობილია, როგორც „ინტერნეტის დედა“[13], რადგან მისმა შექმნილმა STP პროტოკოლმა („Spanning Tree Protocol“) შესაძლებელი გახადა Ethernet ტექნოლოგიის გამოყენებით მასობრივი ქსელები გაჩენილიყო. მან დიდი წვლილი შეიტანა ასევე სხვა მრავალი ქსელის სტანდარტიზაციისა და პროექტირების სფეროში, როგორიცაა მაგ. არხის მდგომარეობის მარშუტიზაციის პროტოკოლი. პერლმანს ეკუთვნის 100-ზე მეტი დაშიფვრასა და მარშრუტიზაციასთან დაკავშირებული პატენტი.

პერლმანი 2015 წელს აირჩიეს ეროვნული საინჟინრო აკადემიის წევრად ინტერნეტ-მარშრუტიზაციისა და ხიდებით შეერთების პროტოკოლების შექმნაში შეტანილი წვლილისთვის.[14] მისი შექმნილია შედარებით ახალი პროტოკოლი — TRILL.

ბიოგრაფია[რედაქტირება | წყაროს რედაქტირება]

რადია პერლმანი დაიბადა 1951 წლის 18 დეკემბერს, პორტსმუტში (ვირჯინია). სწავლობდა მასაჩუსეტსის ტექნოლოგიურ ინსტიტუტში, სადაც ხელოვნური ინტელექტის ლაბორატორიაში, LOGO Lab-ის ფარგლებში, შეიმუშავა მაღალი დონის პროგრამირების ენის — LOGO-ს საბავშვო ვერსია სახელწოდებით „TORTIS“. 1974-1976 წლებში გამოკვლევების ჩატარებისას პატარა ბავშვები (ყველაზე უმცროსი 3,5 წლის იყო) აპროგრამებდნენ სასწავლო რობოტს, რომელსაც „Turtle“ (კუ) უწოდეს. პერლმანი გახდა პიონერი მცირე ასაკის ბავშვებისთვის პროგრამირების შესწავლაში.

მიღებული აქვს მათემატიკოსის ბაკალავრისა და მაგისტრის ხარისხი, 1988 წელს გახდა კომპიუტერულ მეცნიერებათა ფილოსოფიის დოქტორი მასაჩუსეტსის უნივერსიტეტში.

1980 წელს მუშაობა დაიწყო კომპიუტერულ კომპანიაში „DEC“. 1985 წელს შექმნა შემაერთებელი ხის ასაგები გამანაწილებელი პროტოკოლი (STP). იგი დაფუძნებულია მისსავე შექმნილ ალგორითმზე. მისი მთავარი ფუნქცია Ethernet თავისუფალი ქსელის ტოპოლოგიაში კვანძების აღმოფხვრაა. როცა ქსელში ერთი ან მეტი ქსელური ხიდია გადაჭარბებული შეერთებებით, STP ავტომატურად ბლოკავს იმ შეერთებას, რომელიც მოცემულ მომენტში კომუტატორების მთლიანი შეერთებისთვის ზედმეტია.

1993 წლიდან მუშაობდა კორპორაცია Novell-ში, 1997 წლიდან — „Sun Microsystems“-ში, სადაც იყო საპატიო თანამშრომელი, ტექნოლოგიური სიახლეების გამომგონებელი გლობალური ქსელების სფეროში.

2010 წლის 1 მარტიდან კორპორაცია „Intel“-ის ლაბორატორიებში ქსელებისა და უსაფრთხოების სფეროს კვლევების პროგრამების ხელმძღვანელია. არის ქსელების სახელმძღვანელოების ავტორი და ქსელური უსაფრთხოების სახელმძღვანელოს თანაავტორი. ამჟამად მუშაობს კორპორაციაში Dell EMC

ჯილდოები და აღიარება[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]


სქოლიო[რედაქტირება | წყაროს რედაქტირება]