დაიბადა ოსპიტალეტში, ბარსელონის პროვინციაში, კატალონიაში. კარიერა დაიწყო „ბარსელონის“ ახალგაზრდულ გუნდებში, მაგრამ 2005 წელს დატოვა გუნდი. შემდეგ გადავიდა კლუბ „კორნელიაში“. ორი წლის შემდეგ გადავიდა „ვალენსიაში“. 2007-08 წლების სეზონში სარეზერო გუნდს დაეხმარა მეოთხე დივიზიონიდან აღზევებაში და იჯარით გადავიდა ტარაგონის „ხიმნასტიკში“,[1] სადაც ის ძირითადი შემადგენლობის ფეხბურთელად იქცა და 24 მატჩი დაიწყო სასტარტო შემადგენლობაში.
„ვალენსიაში“ დაბრუნების შემდეგ, პრიმერა დივიზიონში მისი დებიუტი შედგა 2009 წლის 13 სექტემბერს, „ვალიადოლიდის“ წინააღმდეგ, სადაც მისმა გუნდმა მოიგო, ანგარიშით 4-2.[2] 2012 წელს შეუერთდა კატალონიის „ბარსელონას“.
