ჟიჟიცკოე

მასალა ვიკიპედიიდან — თავისუფალი ენციკლოპედია
Jump to navigation Jump to search
ჟიჟიცკოე
ტბა ჟიჟიცკოე
ტბა ჟიჟიცკოე
კოორდინატები: 56°13′53″ ჩ. გ. 31°15′05″ ა. გ. / 56.23139° ჩ. გ. 31.25139° ა. გ. / 56.23139; 31.25139
მდებარეობა რუსეთის დროშა რუსეთი
ტერიტორიული ერთეული ფსკოვის ოლქი
სიმაღლე ზღვის დონიდან 166,3 
ფართობი 57,3 კმ²
საშუალო სიღრმე 3,2 
მაქსიმალური სიღრმე 7,8 
აუზის ფართობი 386 კმ²
ჟიჟიცკოე — ფსკოვის ოლქი
ჟიჟიცკოე
Commons-logo.svg მედიაფაილები ვიკისაწყობში

ჟიჟიცკოე (რუს. Жижицкое) — ტბა რუსეთში, კუნიის რაიონში, ფსკოვის ოლქის სამხრეთ-აღმოსავლეთ ნაწილში.

ზედაპირის ფართობი 57,3 კმ², საშუალო სიღრმე 3,2 მ, მაქსიმალური სიღრმე 7,8 მ.[1] ჩუდ-ფსკოვის ტბის კომპლექსის შემდეგ მეორე წყალსატევია ამ ოლქში. გამდინარეა. ტბის ნაპირები დამრეცია და დაბალი, ნაწილობრივ — დაჭაობებული. ტბაში 28 კუნძულია, რომელთა საერთო ფართობია 1,34 კმ². ფსკერი უსწორმასწოროა, ცენტრში — ლამია, დალამული ქვიშა, ცალკეული ქვები, ლიტორალში — ქვიშა, ქვიშა კენჭთან ერთად, ქვები, დალამული ქვიშა.[1]

ჟაქტოს გამდინარე ტბითა და მდინარე ჟიჟიცით უერთდება მდინარე დასავლეთის დვინას.[2] იქთიოლოგიური ტიპის თვალსაზრისით კაპარჭინა-ფარგა-ცქიმურასებრია. მდიდარია თევზით. გვხვდება: ფარგა, კაპარჭინა, წერი, ნაფოტა, ქორჭილა, ბლიკა, ტბის ცქიმურა, თეთრულა, ჩვეულებრივი ჩიქვი, ფარფლწითელა, ლოქო, ლოქორია, ღლაბუტა, ლურჯი კაპარჭინა, კარჩხანა, ჭერეხი, ჩვეულებრივი ციმორი, ჩვეულებრივი ხლაკუნა, გველანა, Leuciscus leuciscus, Leucaspius delineatus, იდი, ჩვეულებრივი გველთევზა, სალამურა, Alburnoides bipunctatus, ქაშაპი, ჩვეულებრივი ქვაქვეშია.[1]

ტბის ჩრდილო-დასავლეთ ნაწილში მდებარე ნახევარკუნძულზე მდებარეობს ძველი ქალაქის — ჟიჟეცის დიდი ქალაქი. ტბის მიხედვით სახელი ეწოდა ძველი წელთაღრიცხვის III ათასწლეულის შუა ხანების ჟიჟიცკოეს არქეოლოგიურ კულტურას (გვიანდელი ნეოლითი). 1245 წელს ჟიჟიცკოეს ტბის სიახლოვეს ალექსანდრე ნეველმა გაანადგურა ლიტვის ჯარის ნაწილი.

სქოლიო[რედაქტირება | წყაროს რედაქტირება]