ვლადიმერ პუტინი

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან პუტინი, ვლადიმირ)
გადასვლა: ნავიგაცია, ძიება
ვლადიმერ პუტინი
Влади́мир Пу́тин
ვლადიმერ პუტინიВлади́мир Пу́тин
რუსეთის მე-4 პრეზიდენტი
ამჟამინდელი თანამდებობა
დაიკავა 7 მაისი, 2012
წინამორბედი დიმიტრი მედვედევი

თანამდებობაზე ყოფნის დრო
7 მაისი, 2000 – 7 მაისი, 2008
მოვ. შემს.: 31 დეკემბერი 19997 მაისი 2000
პრემიერ-მინისტრი მიხეილ კასიანოვი
მიხეილ ფრადკოვი
ვიქტორ ზუბკოვი
წინამორბედი ბორის ელცინი
მემკვიდრე დიმიტრი მედვედევი

Flag of Russia.svg
რუსეთის მე-6 პრემიერ-მინისტრი
თანამდებობაზე ყოფნის დრო
8 აგვისტო, 1999 – 7 მაისი, 2000
პრეზიდენტი ბორის ელცინი
წინამორბედი სერგეი სტეპაშინი
მემკვიდრე მიხეილ კასიანოვი

Flag of Russia.svg
რუსეთის მე-10 პრემიერ-მინისტრი
თანამდებობაზე ყოფნის დრო
8 მაისი, 2008 – 7 მაისი, 2012
წინამორბედი ვიქტორ ზუბკოვი
მემკვიდრე დიმიტრი მედვედევი

დაბადებული 7 ოქტომბერი, 1952 (1952-10-07) (65 წლის)
ლენინგრადი, რუსეთის სფსრ
ეროვნება რუსი
მეუღლე ლუდმილა პუტინა
რელიგია მართლმადიდებელი
ხელმოწერა Putin signature.svg

ვლადიმერ პუტინი (რუს. Владимир Владимирович Путин; დ. 7 ოქტომბერი 1952, ლენინგრადი, რსფსრ, სსრკ) — რუსი პოლიტიკოსი და სახელმწიფო მოღვაწე, რუსეთის მეორე (2000-2008) და მეოთხე (2012-) პრეზიდენტი. 1999-2000 და 2008-2012 წლებში რუსეთის მთავრობის მდივანი, 1998-1999 წლებში იყო უსაფრთხოების ფედერალური სამსახურის დირექტორი, 1999 წელს იკავებდა რუსეთის ფედერაციის უსაფრთხოების საბჭოს მდივნის პოსტს.

ქვეყნის პირველი პირი გახდა 1999 წლის 31 დეკემბერს, როდესაც დროზე ადრე წასულმა ბორის ელცინმა ის პრეზიდენტის მოვალეობის შემსრულებლად დანიშნა. პირველად პრეზიდენტად აირჩიეს 2000 წლის 26 მარტს, მეორედ 2004 წელს, მესამედ — 2012 წელს.

1975 წელს დაამთავრა ლენინგრადის სახელმწიფო უნივერსიტეტის იურიდიული ფაკულტეტი. 1977 წლიდან მუშაობდა ლენინგრადის სსრკ-ის სახელმწიფო უშიშროების კომიტეტის კონტრდაზვერვაში. 1985-1990 წლებში მუშაობდა სსრკ-ს საგარეო დაზვერვის რეზიდენტურაში. მუშაობდა გერმანიის დემოკრატიულ რესპუბლიკის ქალაქ დრეზდენში, როგორც სსრკ-გდრ-ის მეგობრობის სახლის დირექტორი.

1990 წლის ივნისში დაბრუნდა ლენინგრადში, სადაც გახდა ლენინგრაფის სახელმწიფო უნივერსიტეტის პრორექტორის თანაშემწე საერთაშორისო საკითხებში. იმავე წელს დაიწყო პოლიტიკური კარიერა ლენინგრადის საქალაქო კავშირის თავმჯდომარის ანატოლი სობჩაკის ხელმძღვანელობით. 1991 წლის ივნისში ანატოლი სობჩაკის სანქტ-პეტერბურგის მერად არჩევის შემდეგ, პუტინი გახდა მერიის კომიტეტის თავმჯდომარე საგარეო საკითხებში. 1991 წლის 20 აგვისტოს პოდპოლკოვნიკის რანგით განთავისუფლდა სსრკ-ის სახელმწიფო უშიშროების კომიტეტიდან. 1996 წელს მუშაობა დაიწყო მოსკოვში როგორც რუსეთის ფედერაციის პრეზიდენტის საქმეთა მმართველის მოადგილემ. 1999 წლის აგვისტოში რუსეთის ხელისუფლების მდივნად დაინიშნა.

არის სპორტის ოსტატი ძიუდოში და სამბოში. 1975 წელს გახდა ლენინგრადის ჩემპიონი ძიუდოში. არის ეკონომიკის მეცნიერებათა კანდიდატი (1997). თავისუფლად ფლობს გერმანულ ენას.

ბიოგრაფია (1999 წლამდე)[რედაქტირება | წყაროს რედაქტირება]

მისივე პასუხის თანახმად მოსახლეობის აღწერის დროს, ეროვნებით რუსი არის.

ვლადიმერ პუტინის მამა იყო ვლადიმირ სპირიდონის ძე პუტინი (1911-1999). მონაწილეობდა მეორე მსოფლიო ომში, წითელ არმიაში იყო 1941 წლიდან. 1941 წლის 17 ნოემბერს, ნევკის მოედნის დაცვის დროს დაიჭრა მარცხენა წვივში. მიღებული აქვს შემდეგი ორდენები: „სამხედრო დამსახურებებისთვის“; „ლენინგრადის დაცვისთვის“; „გერმანიის დამარცხებისთვის“. ომის შემდეგ ეგოროვის სახელობის ქარხანაში ოსტატად მუშაობდა. 1985 წელს მიიღო „დიდი სამამულო ომის 1-ხარისხის ორდენი“. დედა, მარია შემოლოვა (1911-1998) ასევე ქარხანაში მუშაობდა. გადაიტანა ლენინგრადის ბლოკადა. დაჯილდოვებულია „ლენინგრადის დაცვის“ ორდენით.

ბაბუა, სპირიდონ პუტინი იყო ცნობილი მზარეული, რომელიც პარტიის უმაღლესი ჩინოვნიკებისთვისაც ამზადებდა (მათ შორის იყვნენ ლენინი და სტალინი).

ბავშვობა და ახალგაზრდობა[რედაქტირება | წყაროს რედაქტირება]

დაიბადა 1952 წლის 7 ოქტომბერს ქალაქ ლენინგრადში. იყო მესამე შვილი ოჯახში. მისი ორი ძმა მის დაბადებამდე დაირუპა. ვიქტორი დაიღუპა დიფტერიით ლენინგრადის ბლოკადის დროს, 1942 წელს. ყველაზე უფროსი, ალბერტი, ომამდე დაიღუპა.

პუტინთა ოჯახი ცხოვრობდა კომუნალურ ბინაში ყველანაირი პირობების გარეშე. ისინი ცხოვრობდნენ ბასკოვის შესახვევში (სახლი 12). ამ ბინაში პუტინი კგბ-ში მუშაობის დაწყებამდე ცხოვრობდა. პრეზიდენტობის დროს პუტინმა განაცხადა, რომ ბავშვობიდან იტაცებდა საბჭოთა ფილმები დაზვერვაზე და სულ უნდოდა ემუშავა სახელმწიფო უსაფრთხოების ორგანოებში. მადლობას უხდიდა საბჭოთა ხელისუფლებას შესაძლებლობებისთვის, რომლებსაც იგი ახალგაზრდებს აძლევდა.

1960-1965 წლებში პუტინი სწავლობდა რვაწლიან სკოლაში. 1965 წლის შემდეგ გადავიდა საშუალო სკოლაში, რომელიც 1970 წელს დაამთავრა.

1970-1975 წლებში სწავლობდა ლენინგრადის სახელმწიფო უნივერსიტეტში, იურიდიულ ფაკულტეტზე. უნივერსიტეტში ყოფნის დროს გაწევრიანდა კომუნისტურ პარტიაში. პარტია პუტინს არ დაუტოვებია. სწავლის დროს მან ასევე გაიცნო ანატოლი სობჩაკი, რომელიც იმ დროს უნივერსიტეტის დოცენტი იყო.

სამსახური კგბ-ში[რედაქტირება | წყაროს რედაქტირება]

1975 წელს დაასრულა ლგუ-ს იურიდიული ფაკულტეტი. ამის შემდეგ მოხვდა კგბ-ში. 1975 წელს ასევე დაასრულა ოპერატიული გუნდის მომზადების კურსები და გახდა უმცროსი ოფიცერი (იუსტიციის უფროსი ლეიტენანტი).

1977 წლიდან მუშაობდა კგბ-ს კონტრდაზვერვაში. 1979 წელს დაასრულა კგბ-ს უმაღლესი სკოლის კურსები მოსკოვში და ლენინგრადში დაბრუნდა.

1985-1990 წლებში მუშაობდა გდრ-ში. იქ მუშაობის დროს ჩინით პოდპოლკოვნიკამდე იქნა ამაღლებული. 1990 წლის მასობრივი დემონსტრაციების დროს არ მისცა მომიტინგეებს კგბ-ს შენობის დანგრევის საშუალება.

გერმანიიდან დაბრუნების შემდეგ, მისივე სიტყვებით, უარი თქვა ცენტრში გადასვლაზე.

ლენინგრადის მერიაში სამუშაოდ გადასვლის შემდეგ პუტინმა ორჯერ დაწერა კგბ-დან განთავისუფლების რაპორტი. 1991 წლის 20 აგვისტოს რაპორტი დააკმაყოფილეს.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: