პორტალი:მთავარი გვერდი (მობილური)

მასალა ვიკიპედიიდან — თავისუფალი ენციკლოპედია
Jump to navigation Jump to search

Bluebg.png

HSDagensdatum.svg
17 ნოემბერი 2019 - ამ დღეს...
ელისაბედ I
  • 1558 : ელისაბედ I (სურათზე) ინგლისის მონარქი გახდა.
  • 1839 : ჯუზეპე ვერდის პირველი ოპერა „ობერტოს“ პრემიერა გაიმართა მილანში.
  • 1869 : ეგვიპტეში სუეცის არხის გახსნის საზეიმო ცერემონია მოეწყო.
  • 1903 : რუსეთის სოციალ-დემოკრატიული მუშათა პარტია ბოლშევიკებად (უმრავლესობა) და მენშევიკებად (უმცირესობა) დაიშალა.
  • 1970 : მთვარეზე დაეშვა საბჭოთა ლუნოხოდ-1 — პირველი დისტანციურად მართვადი რობოტი, რომელიც სხვა პლანეტის ზედაპირზე დაეშვა.
  • 1970 : დუგლას ენგელბარტმა დააპატენტა პირველი კომპიუტერული თაგუნა.
  • 1989 : პრაღის სტუდენტთა დემონსტრაციის დარბევით ჩეხოსლოვაკიაში ხავერდოვანი რევოლუცია დაიწყო.
  • Bluebg.png

    HSutvald2.svg
    რჩეული სტატია
    კალვინ კულიჯი
    ჯონ კალვინ კულიჯ უმცროსი (ინგლ. John Calvin Coolidge Jr.; დ. 4 ივლისი, 1872 — გ. 5 იანვარი, 1933) — ამერიკელი პოლიტიკოსი, აშშ-ის 30-ე პრეზიდენტი, მასაჩუსეტსის გუბერნატორი. გუბერნატორობისას 1919 წლის ბოსტონის პოლიციელების გაფიცვასთან დაკავშირებით მიღებულმა ზომებმა კულიჯს მტკიცე და შეუპოვარი ადამიანის რეპუტაცია და პოპულარობა მოუტანა. 1920 წელს იგი ვიცე-პრეზიდენტად აირჩიეს, ხოლო 1923 წელს, პრეზიდენტ უორენ ჰარდინგის გარდაცვალების შემდეგ იგი პრეზიდენტი გახდა და 1924 წელს არჩევნებშიც გაიმარჯვა. კულიჯმა თავისი პრეზიდენტობის დროს მოახერხა თეთრი სახლის მიმართ საზოგადოების ნდობა დაებრუნებინა, რომელიც ჰარდინგის ადმინისტრაციის დროს მომხდარი სკანდალების გამო დაიკარგა. თანამდებობის დატოვებისას კულიჯის პრეზიდენტობას საზოგადოებაში ძირითადად დადებითად აფასებდნენ. კულიჯის ბიოგრაფი წერს: „იგი განასახიერებდა საშუალო კლასის მოლოდინსა და განწყობილებას; მას შეეძლო მათი აზრის გამოხატვა და მგზნებარე სურვილების გადმოცემა. ის, რომ იგი წარმოადგენდა საშუალო კლასის გრძნობებს, არის მისი ძალის ყველაზე დამარწმუნებელი მტკიცებულება“. კულიჯი გარდაიცვალა 1933 წლის 5 იანვარს 60 წლის ასაკში. კულიჯის რეპუტაციამ განიცადა „რენესანსი“ რეიგანის ადმინისტრაციის დროს, თუმცა, დღეს მისი მოღვაწეობის შეფასებები განსხვავდება: 30-ე პრეზიდენტის ეპოქას და ქმედებებს დიდად აფასებენ „მცირე მთავრობისა“ და „Laissez-faire“-ის (ეკონომიკაში სახელმწიფოს ჩაურევლობის პრინციპი) მხარდამჭერები, ხოლო ძლიერი, ცენტრალური ხელისუფლების მხარდამჭერებისთვის იგი ნაკლებადაა მოსაწონი. ამავე დროს, ორივე მხარე დიდად აფასებს იმას, რომ კულიჯი მხარს უჭერდა რასობრივ თანასწორობას. 1903 წელს, კულიჯმა გაიცნო გრეის ანა გუდიუ. ისინი დაქორწინდნენ 1905 წლის 4 ოქტომბერს გრეისის სახლის მისაღებ ოთახში. კულიჯებს ეყოლათ ორი შვილი: ჯონი და კალვინ უმცროსი. კალვინ უმცროსი 16 წლის ასაკში, სისხლის მოწამვლის შედეგად გარდაიცვალა, ხოლო უფროსმა შვილმა, ჯონიმ, მნიშვნელოვანი წვლილი შეიტანა „კულიჯის ფონდის“ დაარსებასა და პრეზიდენტ კალვინ კულიჯის სახელმწიფო ისტორიული ძეგლის შექმნაში.

    Bluebg.png

    HSAktuell.svg
    სიახლეები
    ევო მორალესი
  • მოლდოვის პრემიერ-მინისტრი მაია სანდუ გადადგა და მის შემცვლელად იონ კიკუ დაინიშნა.
  • საპროტესტო აქციების გამო, ბოლივიის პრეზიდენტი ევო მორალესი (სურათზე) გადადგა, პრეზიდენტის მოვალეობას სენატორი ხეანინე ანიესი ასრულებს.
  • არგენტინის პრეზიდენტად პერონისტი ალბერტო ფერნანდესი აირჩიეს.
  • მარგარეტ ეტვუდი და ბერნარდინ ევარისტო 2019 წლის ბუკერის პრემიის ლაურეატები გახდნენ.
  • აბჰიჯიტ ბანერჯი (აშშ), ესტერ დიუფლო (საფრანგეთი/აშშ) და მაიკლ კრემერი (აშშ) ეკონომიკის დარგში ნობელის პრემიის ლაურეატები გახდნენ.
  • კაის საიდი ტუნისის პრეზიდენტად აირჩიეს.
  • Bluebg.png

    HSVissteduatt.svg
    იცით თუ არა...
    ვიკიპედიის ახალი მასალებიდან:
    მოზამბიკის დროშა