პორტალი:ახალი ამბები/2010 სექტემბერი 2

მიმდინარე მოვლენები 2 სექტემბერი, 2010 (2010-09-02) (ხუთშაბათი)

სტიქია ჩინეთში. ტროპიკული შტორმი თავს ტაივანსა და ჩინეთის სამხრეთ სანაპიროს დაატყდა. ინტენსიური წვიმისა და ქარის შედეგად, რამდენიმე რეგიონში ძლიერი მეწყერი ჩამოწვა. ტერიტორიიდან მოსახლეობის მასობრივი ევაკუაცია მიმდინარეობს. საკუთარი სახლი უკვე 140 000–ზე მეტმა ადამიანმა დატოვა. ამ სეზონზე ტროპიკული შტორმი ტაივანში ხშირია. გასულ წელს სტიქიას 50 ადამიანი ემსხვერპლა. (პირველი არხი) თურქეთში მიმდინარე მსოფლიო ჩემპიონატზე კალათბურთში ამერიკელებმა ირანს 37–ქულიანი სხვაობით 88:51 მოუგეს და ჯგუფში ლიდერობა განიმტკიცეს. ლიტვის ეროვნულმა ნაკრებმა, ფრანგი კალათბურთელები 69:55 დაამარცხეს. ამავე ჯგუფში ესპანეთმა ლიბანს 34 ქულის სხვაობით მოუგო. თურქეთისა და პუერტო-რიკოს მატჩში კი მასპინძლებთან მხოლოდ ორქულიანი უპირატესობა დაფიქსირდა. თურქეთმა 79:77 გაიმარჯვა და ზედიზედ მეოთხე მატჩი მოიგო. გერმანიის ეროვნული ნაკრები კი ანგოლსთან დამატებით დროში დამარცხდა. აფრიკელებმა ევროპელებს თითქმის ყველა კომპონენტში აჯობეს, 92:88 გაიმარჯვეს და ჯგუფიდან გასვლის შანსი შეინარჩუნეს. დღეს კალათბურთელთა მსოფლიო ჩემპიონატზე კიდევ 12 შეხვედრა გაიმართება. (პირველი არხი)