პოლონეთის ავსტრიული ანექსია

პოლონეთის დაყოფა

გალიციას ტერიტორიული ცვლილებები, 1772-1918

ავსტრიის ნაწილი აღნიშნავს პოლონეთ-ლიტვის თანამეგობრობის ტერიტორიას, რომელსაც მეთვრამეტე საუკუნეში, პოლონეთის დაყოფის დროს ავსტრიის იმპერია დაეუფლა.

ისტორია

ავსტრიის იმპერიამ (XIX საუკუნის მეორე ნახევრიდან ცნობილი როგორც ავსტრია-უნგრეთის იმპერია) მიითვისა პოლონეთის მიწები, მისი პირველი (1772) და მესამე (1795) დაყოფების დროს.

ავსტრიის ნაწილის მნიშვნელოვან ისტორიულ მოვლენებია:

• ვარშავის საჰერცოგოს ჩამოყალიბება (1807), მისი გაფართოება პოლონეთ-ავსტრიის ომის შემდეგ (1809) და ვენის კონგრესზე მისი გაუქმება (1815).
• კრაკოვის თავისუფალი ქალაქის ჩამოყალიბება და აჯანყების შემდეგ მისი გაუქმება (1846).
• პირველ მსოფლიო ომში, ავსტრიულ-უნგრულ არმიაში პოლონური ლეგიონის ჩამოყალიბება (1914).

ადმინისტრაციული დაყოფა

ავსტრიის იმპერიამ ყოფილი თანამეგობრობის ტერიტორიები შემდეგნაირად დაყო:

• გალისიის და ლოდომერიის სამეფო - (1772-1918) წლები.
• დასავლეთ გალისია - (1795-1809) წლები.
• თავისუფალი ქალაქი კრაკოვი - (1815-1846) წლები.

ავსტრიული ნაწილის უდიდესი ქალაქები იყო კრაკოვი და ლვოვი.

საზოგადოება

თავიდან ავსტრიის მთავრობა მის ახალ პოლონურ ნაწილს არანაირ ანგარიშს არ უწევდა. თუმცა XX საუკუნის დასაწყისში, დანარჩენ ორ ნაწილთან შედარებით (რუსეთის ნაწილი და პრუსიის ნაწილი) ავსტრიის ნაწილს ყველაზე მეტი ავტონომია ჰქონდა. ადგილობრივ მთავრობას ჰქონდა შედარებით დიდი უფლებები, პოლონური ენა იყო აღიარებული ოფიციალურ ენად რეგიონში. პოლონური გამოიყენებოდა სკოლებსა და ორგანიზაციებში. პოლონურ პარტიებს შეეძლოთ მონაწილეობა მიეღოთ ავსტრო-უნგრულ პოლიტიკაში.

იხილეთ აგრეთვე

• პოლონეთის დაყოფა

ლიტერატურა

• ნორმან დეივისი: God's Playground, გვ. 102-119: GALICIA: ავსტრიის ნაწილი (1773-1918)