პიკასოს მუზეუმი (ბარსელონა)

პიკასოს მუზეუმი
	კატ. Museu Picasso
	; პიკასოს მუზეუმის აბრა
	41°23′06″ ჩ. გ. 2°10′51″ ა. გ. / 41.3852194° ჩ. გ. 2.1808889° ა. გ.
დაარსდა	9 მარტი, 1963
ქვეყანა	ესპანეთი
მდებარეობა	სიუტატ-ველა
დირექტორი	ემანუელ ჟიონი
ოფიციალური საიტი	[[http://www.museupicasso.bcn.cat/en/ ბმული] [http://www.museupicasso.bcn.cat/en/ ბმული]]

პიკასოს მუზეუმი (კატ. Museu Picasso) — ხელოვნების მუზეუმი ქალაქ ბარსელონაში. მუზეუმში წარმოდგენილია პიკასოს 4 000-ზე^[3] მეტი ნამუშევარი.

ისტორია

პაბლო პიკასომ ბავშვობა და ახალგაზრდობა ბარსელონაში გაატარა. მისი ცხოვრების დიდი ნაწილი ამ ქალაქთან იყო დაკავშირებული. პიკასოს თავისი პირველი ნამუშევრები სწორედ ამ ქალაქმა შთააგონა. მუზეუმი 1963 წლის 9 მარტს, პიკასოს ახლო მეგობრისა და მდივნის, ხაიმე საბარტესის მიერ, მხატვრის სიცოცხლეშივე, დაარსდა. მუზეუმმა პირველად საბარტესის პერსონალურ კოლექციას უმასპინძლა^[4].

არქიტექტურა

მუზეუმს ბარსელონას გოტიკურ კვარტალში ხუთი შენობა უკავია. შენობები XIII -XV საუკუნეებით თარიღდება: აგილარის სასახლე (Palau Aguilar), ბარონ კასტელეტის სასახლე (Palau del Baró de Castellet), მექას სასახლე (Palau Meca), მაურის სახლი (Casa Mauri) და ფინესტრესის სასახლე (Palau Finestres)^[5].