პიაცა დელა-მინერვა

პიაცა დელა-მინერვა
ქვეყანა	იტალია
მდებარეობა და ფუნქცია
მდებარეობა	იტალია

პიაცა დელა მინერვა ― მოედანი რომში, იტალიაში, პანთეონის მახლობლად. მისი სახელი მომდინარეობს პომპეუსის მიერ ამ ადგილას აშენებული ტაძრიდან, რომელიც მინერვას ქანდაკებას ეძღვნებოდა. ეს ქანდაკება ამჟამად ვატიკანის მუზეუმებშია დაცული.

მდებარეობა

მოედნის ცენტრში მდებარეობს სანტა მარია სოპრა მინერვას ეკლესია, რომელსაც მე-8 საუკუნის წყაროებში „წმინდა მარია ინ მინერვიო“-ს სახელით მოიხსენიებენ. ფასადის მარჯვნივ, კედელზე, ამოტვიფრულია წარწერები, რომლებიც 1422-1598 წლებში მდინარე ტიბრის ადიდებას აღწერს. მოედანი რომში ყველაზე დაბალ სივრცეზე მდებარეობდა და ამიტომ ყოველთვის პირველი ზარალდებოდა წყალდიდობის დროს.

აქ ასევე დგას დომინიკელთა მონასტერი (ან კასა პროფესა), რომელიც მე-13 საუკუნეში დაარსდა. დროთა განმავლობაში ეს მონასტერი გაფართოვდა ვია დელ სემინარიომდე და სან მაკუტოს ეკლესიამდე, იმ ადგილებამდე, რომლებსაც ადრე სამი რომაული ტაძარი - ზემოხსენებული მინერვიუმი, იზეუმი და სერაპეუმი იკავებდა.

რესურსები ინტერნეტში

• "Roma segreta" დაარქივებული 2009-03-12 საიტზე Wayback Machine.
• High-resolution 360° Panoramas and Images of Piazza della Minerva| Art Atlas
• პიაცა დელა-მინერვა, ტურისტული მეგზური ვიკივოიაჟზე
• ვიკისაწყობში არის გვერდი თემაზე: პიაცა დელა-მინერვა