პეტრე სუშკინი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
პეტრე სუშკინი
რუს. Пётр Петрович Сушкин
1920-SushkinPP.jpg
დაბ. თარიღი 27 იანვარი (8 თებერვალი), 1868[1]
დაბ. ადგილი ტულა, ტულის გუბერნია, რუსეთის იმპერია
გარდ. თარიღი 17 სექტემბერი, 1928(1928-09-17) (60 წლის)
გარდ. ადგილი კისლოვოდსკი, ჩრდილოეთ კავკასიის მხარე, სსრკ
დასაფლავებულია სმოლენსკის ლუთერანული სასაფლაო
მოქალაქეობა რუსეთის იმპერია
რსფსრ
Flag of the Soviet Union (1923-1955).svg სსრკ
საქმიანობა ზოოგეოგრაფია, ორნითოლოგია, შედარებითი ანატომია და პალეონტოლოგია
მუშაობის ადგილი ხარკოვის უნივერსიტეტი და მოსკოვის სახელმწიფო უნივერსიტეტი
ალმა-მატერი მოსკოვის უნივერსიტეტის ფიზიკა-მათემატიკის ფაკულტეტი და მოსკოვის საიმპერატორო უნივერსიტეტი
განთქმული მოსწავლეები ბორის შტეგმანი, ბორის ვინოგრადოვი, ლეონიდ პორტენკო, იური ორლოვი, ივანე ეფრემოვი და ვადიმ ვლადიკოვი
სამეცნიერო ხარისხი საბუნებისმეტყველო მეცნიერებათა დოქტორი

პეტრე პეტრეს ძე სუშკინი (დ. 27 იანვარი (8 თებერვალი), 1868, ტულა – გ. 17 სექტემბერი, 1928, კისლოვოდსკი) — რუსი ზოოლოგი, სსრკ მეცნიერებათა აკადემიის აკადემიკოსი (1923). მიხეილ მენზბირის მოსწავლე. 1889 წელს დაასრულა მოსკოვის უნივერსიტეტი. ხარკოვისა (1910-დან) და ტავრიკის (1919-დან) უნივერსიტეტების პროფესორი; 1921 წლიდან მუშაობდა სსრკ მეცნიერებათა აკადემიის გეოლოგიურ და ზოოლოგიურ მუზეუმებში; 1927 წლიდან იყო ფიზიკა-მათემატიკის მეცნიერებათა განყოფილების აკადემიკოს-მდივანი. ძირითადი შრომები მიუძღვნა ორნითოლოგიას, ზოოგეოგრაფიას, შედარებით ანატომიასა და პალეონტოლოგიას. მრავალრიცხოვანი ექსპედიციების (ბაშკირეთში, ყაზახეთში, სამხრეთ ციმბირის მთებში და სხვ.) შედეგად მდიდარი მასალები შეაგროვა ფრინველთა სისტემატიკის, ბიოლოგიის, გეოგრაფიული გავრცელების შესახებ; მის ზოოგეოგრაფიულ განზოგადებებსა და, განსაკუთრებით, მინუსინსკის ქვაბულსა და ალთაიზე მიძღვნილ შრომებს დიდი მნიშვნელობა ჰქონდა ციმბირის ფაუნის ისტორიის გაგებაში. დეტალურად შეიმუშავა მტაცებელი ფრინველებისა და მთიულასებრთა ოჯახის სისტემატიკა. პალეონტოლოგიური შრომები ძირითადად მიუძღვნა ხმელეთის ხერხემლიანთა ისტორიას, მათი უძველესი წარმომადგენლების შესწავლას (სტეგოცეფალები და თერიოდონტები).[2]

სქოლიო[რედაქტირება | წყაროს რედაქტირება]

  1. Большая советская энциклопедия: [в 30 т.] / под ред. А. М. Прохорова — 3-е изд. — Москва: Советская энциклопедия, 1969.
  2. Сушкин Пётр Петрович // Большая российская энциклопедия. т. 31. — М., 2016. — стр. 480.