ოქროს საათი (ფოტოგრაფია)
ოქროს საათი ფოტოგრაფიაში — დღის პერიოდი მზის ამოსვლის შემდეგ ან მზის ჩასვლამდე. ამ დროს მზის სხივები რბილ და თბილ ტონალობას ქმნის.
აღნიშნულ მონაკვეთს პროფესიული წრეები ხშირად მოიხსენიებენ „ჯადოსნურ საათად“, ვინაიდან ამ პერიოდში ცისა და ხელოვნური განათების ინტენსივობა ერთმანეთთან ჰარმონიზდება — ქუჩის ნათურების, სარეკლამო ნიშნების, ავტომობილების ფარებისა და შენობების ფანჯრებიდან გამომავალი სინათლე თანხვედრაში მოდის ცის ბუნებრივ განათებასთან[1][2].
მეორე ფენომენს „ლურჯი საათი“ ეწოდება იმ პერიოდს, რომელიც დგება მცირე ხნით ადრე მზის ამოსვლამდე ან ცოტა ხნით მზის ჩასვლის შემდეგ. ამ დროს მზე ჰორიზონტის ქვემოთ იმყოფება, რის გამოც ცაზე მხოლოდ გაფანტული და არაპირდაპირი სინათლეა ხილული, რომელიც ცისფერი ელფერით გამოირჩევა. ასეთ პირობებში მკვეთრი ჩრდილები თითქმის არ გვხვდება, რადგან მზე იმ მომენტისთვის ან ჯერ არ ამოსულა, ან უკვე ჩასულია.
ტერმინი „საათი“ სიმბოლურად გამოიყენება, რადგან ფენომენის ხანგრძლივობა დამოკიდებულია გეოგრაფიულ განედსა და წელიწადის დროზე. განათების კუთხე, ანუ მზის სიმაღლე ჰორიზონტიდან, ამ პერიოდის ხანგრძლივობას განსაზღვრავს[3].
„ოქროს საათის“ დროს კონტრასტის შემცირება და დიფუზური შუქი ქმნის რბილ ჩრდილებს და ამცირებს გადამეტებულ განათებას. ლანდშაფტურ ფოტოგრაფიაში თბილი ტონები ხელს უწყობს ფერადოვნების გამოკვეთას[4], რის გამოც იგი ხშირად განიხილება როგორც დღის საუკეთესო დრო ფოტოგრაფიისთვის[5].
სქოლიო
[რედაქტირება | წყაროს რედაქტირება]- ↑ Steven Ascher, The Filmmaker’s Handbook, 5th edition, 2019, p. 428.
- ↑ Blain Brown, Cinematography: Theory and Practice, 3rd edition, 2016, p. 283.
- ↑ Bermingham 2003, 214
- ↑ Golden Hour Photography: A Landscape Photographer’s Guide
- ↑ 35 Best Sunset Photography Tips and Ideas