ოტო შტრანდმანი

ოტო აუგუსტ შტრანდმანი (ესტ. Otto August Strandman; დ. 30 ნოემბერი, 1875, ვანდუ — გ. 5 თებერვალი, 1941, კადრინა) — ესტონელი პოლიტიკოსი. ესტონეთის პრემიერ-მინისტრი 1919 წელს და 1929-1931 წლებში.

კარიერა

1918 — იუსტიციის მინისტრი.
1918—1919 — ესტონეთის დროებითი მთავრობის სოფლის მეურნეობის მინისტრი. 1918 წელს დააპატიმრეს გერმანულმა საოკუპაციო რაზმებმა.
1919 წლის 9 მაისიდან 8 ნოემბრამდე — პრემიერ-მინისტრი და სამხედრო მინისტრი.
1920 —1921 — საგარეო საქმეთა მინისტრი.
1921 — რიიგიკოგუს თავმჯდომარე. პირველი, მეორე, მესამე, მეოთხე და მეხუთე მოწვევის პარლამენტის წევრი.
1924 — საგარეო საქმეთა და შემდეგ ფინანსთა მინისტრი.
1927 —1929 —ესტონეთის ელჩი პოლონეთში, ჩეხოსლოვაკიაში და რუმინეთში.
1929—1931 — ესტონეთის მთავრობის მეთაური.
1933 —1939 — ესტონეთის ელჩი საფრანგეთში, ბელგიაში, ესპანეთში და ვატიკანში.

1941 წელს მიიღო ცნობა, რომ გამოჩნდა ნკვდ-ს ძალები, რაც იმას ნიშნავდა გარდაუვალი იყო დაპატიმრება, შემდეგ კი თავი მოიკლა.