ოტი
| ოტი ინგლ. Oti, ფრანგ. Oti, ფრანგ. Pendjari | |
|---|---|
 | |
| ქვეყანა |
 ბენინი ბურკინა-ფასო განა.svg){kind=small} ტოგო |
| სათავე |
მდინარეების კუნდესა და ტიკუს შენაერთი 10°39′08″ ჩ. გ. 1°28′51″ დ. გ. / 10.65222° ჩ. გ. 1.48083° დ. გ. |
| შესართავი |
ვოლტის წყალსაცავი 8°20′40″ ჩ. გ. 0°14′01″ დ. გ. / 8.34444° ჩ. გ. 0.23361° დ. გ. |
| სიგრძე | 900 კმ |
| აუზის ფართობი | 72 900 კმ² |
 | |
    — სათავე,  — შესართავი | |
 ოტი ვიკისაწყობში | |
ოტი (ტოგოს და განის ტერიტორიებზე ფრანგ. Oti, ინგლ. Oti) და პენჯარი (ბენინის, ბურკინა-ფასოს და ტოგოს ტერიტორიებზე ფრანგ. Pendjari) — მდინარე დასავლეთ აფრიკაში. მდინარე მიედინება ბენინის, ბურკინა-ფასოს, განის და ტოგოს ტერიტორიებზე.
სათავეს იღებს მდინარეების კუნდესა და ტიკუს შეერთების ადგილიდან ატაკორის მთებში, ბენინში. მდინარე თავდაპირველად მიედინება ჩრდილოეთისაკენ, შემდეგ უხვევს სამხრეთ-დასავლეთისაკენ. სასაზღვრო სამკუთხედ „ბენინი-ბურკინა ფასო-ტოგოს“ რაიონში პენჯარი კვეთს ბენინსა და ბურკინა-ფასოს შორის არსებულ სახელმწიფო საზღვარს. შემდეგ ის ჩრდილოეთ ტოგოს გავლით მიედინება სამხრეთ-დასავლეთის მიმართულებით და აღმოჩნდება განის ტერიტორიაზე. აქედან მდინარე პირდაპირ სამხრეთისაკენ მიედინება, ტოგო-განის სახელმწიფო საზღვრის გასწვრივ მონაცვლეობით ხან განის და ხანაც ტოგოს ტერიტორიებზე. ჩაედინება განის ტერიტორიაზე არსებულ ვოლტის წყალსაცავში.
მდინარის სიგრძე შეადგენს 900 კმ-ს და მიეკუთვნება ვოლტის აუზს. საკუთრივ მდინარე ოტის (პენჯარის) წყალშემკრები აუზის ფართობი შეადგენს 72 900 კმ²-ს. მისი შენაკადებია მდინარეები კურტიაგუ, არლი, დუდოდო, სინგუ, უკე (ვალე) და სხვა.
1998—1999 წლების წვიმიან სეზონში (ოქტომბრიდან მარტის ჩათვლით) ჩრდილოეთ ტოგოს ტერიტორიაზე ძლიერი თავსხმა წვიმების გამო მდინარე ოტი (ტოგოში ეწოდება პენჯარი) ადიდდა, რის შედეგადაც ზარალი განიცადა ათიათასობით ადამიანმა.