ოსასუნა (საფეხბურთო კლუბი)
 | ||||
| სრული სახელი | Club Atlético Osasuna | |||
|---|---|---|---|---|
| მეტსახელი | წითლები (ბასკ. Gorritxoak), (ესპ. Rojillos) | |||
| დაარსდა | 25 ოქტომბერი, 1920 | |||
| სტადიონი |
რეინო-დე-ნავარა პამპლონა, ნავარა (ტევადობა: 19,800 მაყურებელი) | |||
| პრეზიდენტი |
 ლუის საბალსა | |||
| მწვრთნელი |
 პეტარ ვასილიევიჩი | |||
| კაპიტანი |
მიგელ ფლანიო | |||
| ლიგა | სეგუნდა დივიზიონი | |||
| 2016-17 | პრიმერა დივიზიონი, მე-19 ადგილი (დაქვეითდა) | |||
| საიტი | ოფიციალური საიტი | |||
| ||||
„ოსასუნა“ (ესპ. და ბასკ. Club Atlético Osasuna) — ესპანური საფეხბურთო კლუბი. დაარსდა 1920 წელს, ნავარას ავტონომიური გაერთიანების ქალაქ პამპლონაში. ასპარეზობს ესპანეთის პრიმერა დივიზიონში, რომელშიც აღზევდა 2016 წელს, სეგუნდა დივიზიონში დაიკავა 6-ლი ადგილი. საშინაო მატჩებს ატარებს სტადიონ რეინო-დე-ნავარაზე. საშინაო ფორმა შედგება წითელი მაისურის, მუქი ლურჯი შორტის და შავი გეტრებისგან.
ისტორია[რედაქტირება | წყაროს რედაქტირება]
დაარსდა 1920 წელს. სეგუნდა დივიზიონს შეუერთდა 1932 წელს, 3 სეზონის შემდეგ კი პრიმერა დივიზიონში აღზევდა.
უეფა-ს თასზე პირველად მონაწილეობა მიიღო 1985-86 წლების სეზონში, მას შემდეგ, რაც ჩემპიონატში დაიკავა მე-6 ადგილი (1984-85). უეფა-ს თასის 1990-91 წლების გათამაშებაში შეძლო მე-3 ეტაპამდე გასვლა. პრიმერა დივიზიონში 6 წლიანი ასპარეზობის შემდეგ, 1993-94 წლების სეზონში დაიკავა ბოლო ადგილი ჩემპიონატში და დაქვეითდა დონით მეორე ჩემპპიონატში. 2004-05 წლების სეზონში შეძლო ესპანეთის თასის ფინალში გასვლა, დამატებით დროში დამარცხდა „ბეტისთან“.[1]
2005 წლის 27 ნოემბერს, „ოსასუნამ“ ჩაატარა მე-1000 მატჩი პრიმერა დივიზიონში. 2005-06 წლების სეზონში კლუბმა დაიკავა მე-4 ადგილი ჩემპიონატში და დააფიქსირა საუკეთესო შედეგი ისტორიაში. ეს შედეგი დრამატული იყო იმით, რომ ჩემპიონატის დასრულების ბოლო დღემდე, „ოსასუნას“ და „სევილიას“ ჰქონდათ თანაბარი ქულები. საბოლოოდ მე-4 ადგილოსანის ბედი ურთიერთშეხვედრების სტატისტიკამ გადაწყვიტა, რომელშიც უპირატესობა „ოსასუნასკენ“ იყო. კლუბმა მოიპოვა ჩემპიონთა ლიგის მომავალ სეზონში ასპარეზობის უფლება, სადაც ვერ შეძლო ჯგუფურ ეტაპზე გასვლა. მე-3 საკვალიფიკაციო ეტაპზე დამარცხდა გერანულ „ჰამბურგთან“. ეს იყო „ოსასუნას“ მე-5 გამოსვლა უეფა-ს ტურნირზე.
2006-07 წლების უეფა-ს თასის გათამაშებაში, კლუბი განთესილი იყო ჯგუფი D-ში, სადაც მისი მეტოქეები იყვნენ: „პარმა“, „ლენსი“, „ოდენსე“ და „ჰერენვენი“. ჯგუფში მე-2 ადგილის დაკავების შემდეგ, 1/32 ეტაპზე „ოსასუნა“ „ბორდოს“ დაუპირისპირდა, რომელიც უეფა-ს ჩემპიონთა ლიგაზე წაგების გამო დაქვეითდა ევროპის ლიგაზე. 2 მატჩის ჯამში ესპანურმა კლუბმა 1-0 იმარჯვა, პირველი მატჩი საფრანგეთში 0-0 დასრულდა, ხოლო პამპლონაში გამართულ მატჩში, დამატებით დროში, ირანელი ჯავად ნეკუნამის გატანილი გოლით „ოსასუნამ“ მოიგო.
შემდეგ ეტაპზე მოწინააღმდეგე „რეინჯერსი“ იყო. შოტლანდიაში მატჩი 1-1 დასრულდა, ხოლო შინ „ოსასუნამ“ 1-0 გაიმარჯვა. 1/4 ეტაპზე მეტოქე გერმანული ლევერკუზენის „ბაიერი“ იყო, რომელსაც ესპანურმა კლუბმა ორივე მატჩი მოუგო (ჯერ გასვლაზე 0-3, შემდეგ შინ 1-0). ნახევარფინალში „ოსასუნას“ მეტოქედ უეფა-ს თასის 2005-06 წლების სეზონის გამარჯვებული, ასევე ესპანური კლუბი „სევილია“ ერგო. შინ 1-0 გამარჯვების შემდეგ, გასვლაზე 0-2 დამარცხდა და ტურნირს გამოეთიშა.
მომავალ 2 სეზონში „ოსასუნა“ ჩემპიონატში დარჩენისთვის იბრძოდა. 2008-09 წლების სეზონში, კლუბმა დაქვეითება ბოლო ტურში აიცილა, სადაც „რეალ მადრიდის“ (ჩემპიონობისთვის ბრძოლა „რეალს“ დასრულებული ჰქონდა) დამარცხება შეძლო. მატჩში ანგარიში „რეალმა“ გახსნა, თუმცა მატჩი საბოლოოდ 2-1 დასრულდა. გადამწყვეტი გოლი „რეალ მადრიდის“ აკადემიის აღზრდილმა, ხუანფრანმა გაიტანა.[2][3]
ამ სეზონის შემდეგ „ოსასუნა“ წარმატებულად ასპარეზობდა, მაგრამ 2013-14 წლების სეზონში დაიკავა მე-18 ადგილი და დაქვეითდა სეგუნდა დივიზიონში. მთავარი მწვრთნელის შეცვლის შედეგად კლუბმა გამოასწორა მდგომარეობა. 2015-16 წლების სეზონის ბოლო ტურში მოუგო „ოვიედოს“ (0-5), დაიკავა მე-6 ადგილი და აღსაზევებელ პლეი-ოფში თამაშის უფლება მოიპოვა. პლეი-ოფის ნახევარფინალში შეძლო ტარაგონას „ხინმასტიკის“ დამარცხება, ხოლო ფინალში მოუგო „ჟირონას“. შედეგად „ოსასუნა“ დაბრუნდა პრიმერა დივიზიონში, მაგრამ მომავალ სეზონში ისევ დონით მეორე ჩემპიონატში დაქვეითდა.
მომავალ სეზონში, სეგუნდა დივიზიონში დაიკავა მე-6 ადგილი და გაიმარჯვა პრიმერა დივიზიონში აღსაზევებელ პლეი-ოფში.
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Spain Cup Tournaments 2004/05; at RSSSF
- ↑ Osasuna 2–1 Real Madrid დაარქივებული 2012-10-26 საიტზე Wayback Machine. ; ESPN Soccernet, 31 May 2009
- ↑ ინფორმაცია მატჩის შესახებ Soccerway-ზე, ოსასუნა 2:1 რეალ მადრიდი