შინაარსზე გადასვლა

ორესის მთები

მასალა ვიკიპედიიდან — თავისუფალი ენციკლოპედია
ორესის მთები
კოორდინატები: 35°19′ ჩ. გ. 6°38′ ა. გ. / 35.317° ჩ. გ. 6.633° ა. გ. / 35.317; 6.633
ქვეყანა ალჟირის დროშა ალჟირი
ტუნისის დროშა ტუნისი
უმაღლესი წერტილი ჯებელ-შელია
სიმაღლე 2328 
ორესის მთები — ალჟირი
ორესის მთები

ორესის მთები (არაბ. جبال الأوراس) — ქედი ჩრდილოეთ აფრიკაში, ალჟირსა და ტუნისში. საჰარის ატლასის აღმოსავლეთი გაგრძელება. მაქსიმალური სიმაღლე 2328 მ (მთა ჯებელ-შელია).[1]

აგებულია მეტამორფული და დანალექი ქანებით. მთისძირში 1000 მ-ზე მეტი სიღრმის სინკლინია. დამახასიათებელია სწორი და გრძელი თხემი, რომელიც მიემართება ჯერ სამხრეთ-დასავლეთიდან ჩრდილო-აღმოსავლეთისაკენ, ხოლო შემდეგ მკვეთრად აღმოსავლეთისაკენ.[2]

დანაწევრებულია ღრმა ხეობებით, რომლებიც მრავალი ნაყოფიერი უადითაა წარმოდგენილი, რომელთა შორის გამოიყოფა საჰარისკენ მიქცეული ელ-აბიოდი და ელ-აბდი.[3]

ორესის მთების ჩრდილო-დასავლეთი გაგრძელებაა დაახლოებით იგივე სიმაღლის ბელეზმის ქედი, რომელიც განფენილია თელ-ატლასისა და საჰარის ატლასის შეერთების ადგილზე.[4]

ორესის მთების ზედა კალთები შემოსილია ფიჭვის, კედარისა და მუხის ტყეებით, ხოლო ქვედა კალთები ქსეროფიტული მცენარეულობით. ქალაქ ბათნის სიახლოვეს, ელ-კანტარის უღელტეხილზე გადადის რკინიგზა და გზატკეცილი. ქედის ფარგლებში შემორჩენილია მრავალი ძველრომაული ნანგრევები. დასახლებულია ბერბერებით, კერძოდ შაუიას ხალხით და არაბი მომთაბარეებით.[3]

სქოლიო[რედაქტირება | წყაროს რედაქტირება]

  1. Guy Arnold. Political and Economic Encyclopaedia of Africa, Longman Current Affairs, 1993
  2. Augustin Bernard, Afrique septentrionale et occidentale, Paris, 1939
  3. 3.0 3.1 Aurès mountains, Algeria | Encyclopedia Britannica
  4. Belezma Biosphere Reserve, Algeria — UNESCO