ომრი კასპი

მასალა ვიკიპედიიდან — თავისუფალი ენციკლოპედია
Jump to navigation Jump to search
ომრი კასპი

ომრი კასპი კინგსთან ერთად 2009 წელს
№ 7 – მაკაბი თელ-ავივი
მსუბუქი ფორვარდი/მძიმე ფორვარდი
პირადი ინფორმაცია
დაიბადა 22 ივნისი, 1988 (1988-06-22) (31 წლის)
ხოლონი, ისრაელი
ეროვნება ისრაელი
სიმაღლე 206 სმ სმ
წონა 102 კგ კგ
კარიერა
NBA-ის დრაფტი 2009 / რაუნდი: 1 / არჩევა: 23-ე
არჩეული საკრამენტო კინგსი
პროფესიონალური კარიერა 2005–დღემდე
ლიგა ისრაელის საკალათბურთო პრემიერლიგა
ევროლიგა
კარიერის ისტორია
2005 - 2009 მაკაბი თელ-ავივი
2006 - 2007   აპოელ გალილ ელიონი
2009 - 2011 საკრამენტო კინგსი
2011 - 2013 კლივლენდ კავალიერსი
2013 - 2014 ჰიუსტონ როკეტსი
2014 - 2017 საკრამენტო კინგსი
2017 ნიუ-ორლეან პელიკანსი
2017 მინესოტა ტიმბერვულვზი
2017 - 2018 გოლდენ-სტეიტ უორიორსი
2018 - 2019 მემფის გრიზლისი
2019 - მაკაბი თელ-ავივი
კარიერული მიღწევები და ჯოლდოები

ომრი მოსე კასპი (ებრ. עומרי משה כספי; დ. 22 ივნისი, 1988, ხოლონი, ისრაელი) — პროფესიონალი კალათბურთის მოთამაშე ისრაელიდან. ამჟამად კლუბ მაკაბი თელ-ავივისთან ერთად ასპარეზობს ისრაელის საკალათბურთო პრემიერლიგასა და ევროლიგაში. თამაშობს მსუბუქი ფორვარდის პოზიციაზე, თუმცა შეუძლია მძიმე ფორვარდის პოზიციაზე თამაშიც.

ომრი კასპი 2009 წლის NBA-ის დრაფტზე 23-ე პიკად საკრამენტო კინგსმა აირჩია; ამით იგი გახდა პირველი ისრაელი, რომელიც NBA-ის დრაფტის პირველ რაუნდში აირჩიეს. 2009 წელს კინგსთან ერთად NBA-ში დებიუტის შემდეგ, იგი გახდა პირველი მოთამაშე ისრაელიდან, რომელმაც NBA-ში ითამაშა.[1] როგორც ახალბედა, კასპი აირჩიეს NBA-ის ახალბედების გამოწვევების მონაწილედ. 2011 წელს შეუერთდა კლივლენდ კავალიერსს, ხოლო 2013 წლის ივლისში კონტრაქტი ჰიუსტონ როკეტსთან გააფორმა.[2] 2014 წლის ივლისში, სამი გუნდის გაცვლის შემდეგ, კასპი ნოუ-ორლეან პელიკანსში მოხვდა, თუმცა იგი მალევე გაუშვეს. 2014-15 წლების სეზონის დაწყებამდე იგი საკრამენტო კინგსში დაბრუნდა. 2017 წლის თებერვალში ომრი კასპი დემარკუს კაზენსთან ერთად პელიკანსში გაუშვეს (გაცვალეს); offseason-ის განმავლობაში იგი გოლდენ-სტეიტ უორიორსს შეუერთდა. აპრილში მიღებული ტრამვის შემდეგ, 2018 წლის ივლისში მან კონტრაქტი მემფის გრიზლისთან გააფორმა.

ადრეული ცხოვრება[რედაქტირება | წყაროს რედაქტირება]

ომრი კასპი დაიბადა 1988 წლის 22 ივნისს, ებრაელების ოჯახში,[3][4][5] ხოლონში, ისრაელში. აღიზარდა ქალაქ იავნეში.[6] არის შიმონის და ალინას ვაჟი; ჰყავს უფროსი ძმა, ეიტანი, და უმცროსი და ავივი. მისი ორივე მშობელი არის ისრაელში დაბადებული, წარმოშობით სეფარდები (მაროკოელი ებრაელები).[7] ზრდასრულა ომრი კასპმა ბაბუის პატივსაცემად საკუთარ სახელს (შუაში) მოშე (მოსე) დაუმატა.[8]

როგორც ბავში, კასპი „ელითზურ იავნესა“ და „მაკაბი რიშონ ლეზიონისთვის“ სხვადასხვა ახალგაზრდულ პროგრამაში იღებდა მონაწილეობას. 13 წლის ასაკში იგი შეუერთდა მაკაბი თელ-ავივის ახალგაზრდულ გუნდს და მასთან ერთად, 2005 წელს გახდა ეროვნული ახალგაზრდული ჩემპიონატის გამარჯვებული.

პროფესიონალური კარიერა[რედაქტირება | წყაროს რედაქტირება]

NBA[რედაქტირება | წყაროს რედაქტირება]

საკრამენტო კინგსი (2009-2011)[რედაქტირება | წყაროს რედაქტირება]

2009 წლის 25 ივნისს, 2009 წლის NBA-ის დრაფტზე ომრი კასპი 23-ე პიკად საკრამენტო კინგსმა აირჩია;[9] ამით იგი გახდა პირველი მოთამაშე ისრაელიდან, რომელიც NBA-ის დრაფტის პირველ წრეში მოხვდა. 2009 წლის 10 ივლისს, მან რამდენიმეწლიანი კონტრაქტი გააფორმა კინგსთან.[10]

2009 წლის 28 ოქტომბერს, ოკლაჰომა-სიტი თანდერის წინააღმდეგ გამართულ შეხვედრაში შედგა კასპის დებიუტი NBA-ში; აღნიშნულ შეხვედრაში კასპიმ 15 ქულა მოიპოვა.[11] 2009 წლის 16 დეკემბერს იგი პირველად მოხვდა გუნდის სასტარტო შემადგენლობაში. აღნიშნულ თამაშში, ვაშინგტონ უიზარდსს მან 23 ქულა ჩაუგდო.

2010 წლის 1 იანვარს, ლოს-ანჯელეს ლეიკერსის წინააღმდეგ, ანგარიშით 109-108, წაგებულ შეხვედრაში კასპიმ კარიერის საუკეთესო მაჩვენებელი 23 ქულა (6 მოხსნასთან, 1 ჩაჭრასა და 3 შედეგიან გადაცემასთან ერთად) მოიპოვა. ამავე წლის 2 იანვარს დალას მავერიქსთან წაგებულ შეხვედრაში (99-91) მან მოხსნებში კარიერის საუკეთესო მაჩვენებელი, 11 მოხსნა, დააფიქსირა. 5 იანვარს მან კვლავ გააუმჯობესა კარიერის საუკეთესო მაჩვენებელი ქულებში: ფინიქს სანსის წინააღმდეგ მან 24 ქულა დააგროვაა (7 მოხსნასთან და 1 შედეგიან გადაცემასთან ერთად; ბურთის დაკარბის გარეშე); აღნიშნულ თამაშში კინგსი 113-109 დამარცხდა.

2010-2011 წლების სეზონში კასპიმ საკრამენტოს 71 თამაშში მიიღო მონაწილეობა (27 ძირითადი შემადგენლობიდან). იგი საშუალოდ 8.6 ქულას (მოედნიდან 41.2%, 3-ქულიანიდან 37.3%), 4.3 მოხსნასა და 1.0 შედეგიან გადაცემას 24.1 წუთში ასრულებდა. საკრამენტოში გატარებულ მეორე სეზონში იგი საშუალოდ 24.6 წუთს თამაშობდა და აგროვებდა 9.5 ქულას (43.1%), 4.4 მოხსნასა და 1.1 შედეგიან გადაცემას.[12]

კლივლენდ კავალიერსი (2011-2013)[რედაქტირება | წყაროს რედაქტირება]

2011 წლის 30 ივნისს, საკრამენტო კინგსმა ომრი კასპი 2012 წლის პირველი რაუნდის დაცულ პიკთან ერთად კლივლენდ კავალიერსს ჯეიჯეი ჰიკსონში გაუცვალა.[12]

ჰიუსტონ როკეტსი (2013-2014)[რედაქტირება | წყაროს რედაქტირება]

კასპი როკეტსთან ერთად 2013 წლის ოქტომბერში

2013 წლის 16 ივლისს კასპიმ ჰიუსტონ როკეტსთან მრავალწლიანი კონტრაქტი გააფორმა.[2] 2013 წლის 1 ნოემბერს, ისტორიაში პირველად, ისრაელის ორი მოთამაშე NBA-ში ერთმანეთს დაუპირისპირდა (იგულისხმება დალას მავერიქსში მოთამაშე გალ მეკელი). ომრი კასპი და გალ მეკელი ერთმანეთის თანაგუნდელები იყვნენ ისრაელის 16-წლამდელთა, 18-წლამდელთა, 20-წლამდელთა ნაკრებებსა და მაკაბი თელ-ავივის ახალგაზრდულ გუნდში.[13][14]

2014 წლის 15 ივლისს როკეტსმა კასპი სამგუნდიან გაცვლაში ჩართო; იგი ნიუ-ორლეან პელიკანსში მოხვდა; გაცვალში მესამე გუნდი ვაშინგტონ უიზარდსი იყო.[15] 2014 წლის 23 ივლისს კასპიმ პელიკანსი დატოვა.[16]

კინგსში დაბრუნება (2014-2017)[რედაქტირება | წყაროს რედაქტირება]

2014 წლის 18 სექტემბერს კასპიმ, ყოფილ გუნდთან, საკრამენტო კინგსთან გააფორმა კონტრაქტი.[17] 2015 წლის 7 აპრილს მინესოტა ტიმბერვულვზის წინააღმდეგ, ანგარიშით 116-111 მოგებულ შეხვედრაში კასპიმ კარიერის საუკეთესო მაჩვენებელი, 31 ქულა (60%) დააგროვა.[18]

2015 წლის 14 ივლისს, კასპიმ კინგსთან თავიდან გააფორმა კონტრაქტი.[19] 2015 წლის 28 დეკემბერს, უარიორსთან წაგებულ შეხვედრაში მან კარიერის ახალი უაღლესი მაჩვენებელი, 36 ქულა დააფიქსირა. თამაშში ჩაგდებული 9 სამქულიანით მან მაიკ ბიბის რეკორდი (იგულისხმება გუნდის რეკორდი) დაამხო.[20][21]

3-ქულინის 44.8% სიზუსტით სროლის გამო, იგი ყველა-ვარსკვლავის 3-ქულიანების შეჯიბრში მონაწილეობის ერთ-ერთ კანდიდატად განიხილებოდა.[22]

კარიერა ეროვნულ ნაკრებში[რედაქტირება | წყაროს რედაქტირება]

ომრი კასპი თამაშობს ისრაელის ეროვნულ საკალათბურთო ნაკრებში; 2015 წლის ევროპასკეტზე იყო ნაკრების კაპიტანი.

პირადი ცხოვრება[რედაქტირება | წყაროს რედაქტირება]

2012 წელს კასპიმ საკუთარ სახელს (შუაში) ოფიციალურად დაამატა ბაბუას სახელი მოშე (მოსე).

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Casspi scores 15 in dream NBA debut“, JPost.com, October 29, 2009. წაკითხვის თარიღი: April 27, 2010. 
  2. 2.0 2.1 Rockets Sign Omri Casspi
  3. Stoudemire to explore his 'Hebrew roots'“, ESPN.com, July 30, 2010. წაკითხვის თარიღი: June 30, 2011. 
  4. Mural of NBA player Casspi defaced again“, USAToday.com, September 17, 2010. წაკითხვის თარიღი: June 30, 2011. 
  5. Bloom, Nate. (January 21, 2010) Jews (and Mel) on the big screen, Winter sports roundup. Jweekly.com. წაკითხვის თარიღი: May 30, 2010.
  6. Tracy, Marc. “Omri Casspi Is Ready For Primetime“, TabletMag.com, July 20, 2009. წაკითხვის თარიღი: June 30, 2011. 
  7. His sister: Omri Caspi not only aiming high Hebrew. nrg.co.il (May 8, 2009). წაკითხვის თარიღი: May 8, 2009.
  8. https://www.ynet.co.il/articles/0,7340,L-4262066,00.html
  9. Sagi, Yehoshua. “Basketball / The first Israeli in the NBA / And now, the real journey for Kings' Casspi begins“, Haaretz.com, October 28, 2009. წაკითხვის თარიღი: June 30, 2011. 
  10. Sacramento Kings sign 2009 first round draft pick Omri Casspi
  11. Thunder get roaring, grab opener over Kings. NBA.com (October 28, 2009). წაკითხვის თარიღი: May 30, 2010.
  12. 12.0 12.1 Cavaliers Acquire Casspi and Future First Round Pick from Sacramento in Exchange For Hickson“, NBA.com, June 30, 2011. წაკითხვის თარიღი: June 30, 2011. 
  13. Casspi and Mekel both shine in first-ever Israeli NBA face-off
  14. Historic meeting for Gal Mekel and Omri Casspi
  15. Pelicans Complete Three-Team Trade with Rockets and Wizards. NBA.com (July 15, 2014). წაკითხვის თარიღი: July 16, 2014.
  16. Pelicans Waive Omri Casspi
  17. Kings Sign Omri Casspi“, NBA.com, September 18, 2014. წაკითხვის თარიღი: September 18, 2014. 
  18. Kings hold off Timberwolves behind Casspi“, NBA.com, April 7, 2015. წაკითხვის თარიღი: April 7, 2015. 
  19. Kings Sign Omri Casspi and Luc Mbah A Moute“, NBA.com, July 14, 2015. წაკითხვის თარიღი: July 14, 2015. 
  20. Curry's triple-double leads Warriors past Kings 122-103
  21. Omri Casspi stared down Steph Curry in a 3-point battle and won“, foxsports.com, December 29, 2015. წაკითხვის თარიღი: April 9, 2018. 
  22. Ferrari-King, Giancarlo. “NBA Players with All-Day Jumpers Who Should Be in the 3-Point Contest“, bleacherreport.com, February 4, 2016. წაკითხვის თარიღი: April 9, 2018.