შინაარსზე გადასვლა

ნოა ოკაფორი

სტატიის შეუმოწმებელი ვერსია
მასალა ვიკიპედიიდან — თავისუფალი ენციკლოპედია
ნოა ოკაფორი
ოკაფორი რედ ბულ ზალცბურგის შემადგენლობაში, 2022 წელი
პირადი მონაცემები
სრული
სახელი		 ნოა არინზეჩუკვუ ოკაფორი
დაბადების
თარიღი		 2000-05-24
დაბადების
ადგილი		 ბინინგენი, შვეიცარია
სიმაღლე 1.85 მ
სათამაშო
პოზიცია		 თავდამსხმელი
საკლუბო ინფორმაცია
მიმდინარე
კლუბი		 ნაპოლი (ქირით მილანიდან)
ნომერი 9
ახალგაზრდული კარიერა
2008–2009 FC Arisdorf
2009–2018 ბაზელი
პროფესიონალური კარიერა*
წლები გუნდი მატჩი (გოლი)
2018–2020 ბაზელი 39 (3)
2020–2023 რედ ბულ ზალცბურგი 71 (25)
2023– მილანი 39 (7)
2025– → ნაპოლი (ქირით) 4 (0)
ეროვნული ნაკრები‡
2014–2015 შვეიცარია U15 3 (0)
2016–2017 შვეიცარია U17 7 (3)
2017–2018 შვეიცარია U18 1 (0)
2018–2019 შვეიცარია U19 7 (1)
2019– შვეიცარია 24 (2)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 2025-03-16
‡ ეროვნული ნაკრების მატჩი და გოლი ბოლოს განახლდა: 2024-11-18

ნოა არინზეჩუკვუ ოკაფორი (დ. 24 მაისი 2000) არის შვეიცარიის პროფესიონალი ფეხბურთელი, რომელიც თამაშობს იტალიის კლუბ ნაპოლში, მილანიდან იჯარით და წარმოადგენს შვეიცარიის ეროვნულ საფეხბურთო ნაკრებს.

კლუბის კარიერა

[რედაქტირება | წყაროს რედაქტირება]

ბაზელი

[რედაქტირება | წყაროს რედაქტირება]

ოკაფორმა თავისი პირველი ახალგაზრდული ფეხბურთი ადგილობრივ გუნდ FC Arisdorf-ში ითამაშა. 2009 წელს იგი გადავიდა ბაზელის ახალგაზრდულ გუნდში და გააგრძელა მათი ახალგაზრდული აკადემიის ყველა ეტაპზე. იგი პირველი გუნდის შემადგენლობაში 2018–2019 წლების სეზონში გადაინაცვლა, ხოლო 31 იანვარს 2018 წელს, ოკაფორმა თავისი პირველი პროფესიონალური კონტრაქტი გააფორმა კლუბთან რაფაელ ვიკის ხელმძღვანელობით.[1] მან პირველად ითამაშა მათი პირველი გუნდის შემადგენლობაში 19 მაისს 2018 წელს ლუცერნთან საშინაო მატჩში. მწვრთნელმა ის შეანაცვლა დაშავებული მოჰამედ ელიუნუსი-ის ნაცვლად 34-ე წუთზე და შეხვედრა 2–2 დასრულდა.[2] ოკაფორმა თავისი პირველი გოლი გაიტანა კლუბის შემადგენლობაში 2018–2019 წლების სეზონის მეორე რაუნდში, 28 ივლისს 2018 წელს, 1–1 გასვლითი ფრის დროს ჟამასთან.[3]

მარსელ კოლერი ხელმძღვანელობით, ბაზელმა მოიგო შვეიცარიის თასი 2018–2019 წლების სეზონში. პირველი რაუნდში ბაზელმა დაამარცხა მონტლინგენი 3–0, მეორე რაუნდში ეხალენს რეიონი 7–2 და მერვედფინალში ვინტერტური 1–0. მეოთხედ ფინალში სიონი დაამარცხა 4–2 დამატებითი დროის შემდეგ, ხოლო ნახევარფინალში ციურიხი 3–1. ყველა ეს მატჩი გამართა ბაზელმა სტუმრად. ფინალი გაიმართა 19 მაისი 2019 წელს სტად დე სუის ვანკდორფ ბერნში თუნის წინააღმდეგ. თავდამსხმელმა ალბიან აიეთიმ გაიტანა პირველი გოლი, ხოლო ფაბიან ფრიმ მეორე გოლი ბაზელისთვის, შემდეგ დეჟან სორგიჩიმ გაიტანა გოლი თუნისათვის, მაგრამ საბოლოო ანგარიში 2–1 ბაზელისთვის დაფიქსირდა.[4] ოკაფორმა ითამაშა ოთხ თასის მატჩში და გაიტანა გოლი ნახევარფინალში, ციურიხის წინააღმდეგ.

2017-2020 წლებში ოკაფორმა ბაზელის შემადგენლობაში ითამაშა სულ 72 მატჩში და გაიტანა 9 გოლი. აქედან 39 მატჩი შედიოდა შვეიცარიის სუპერლიგაში, 7 თასში, 8 UEFA საკონტინენტთაშორის ჩემპიონატებში (ჩემპიონთა ლიგა და ევროპა ლიგა) და 18 მეგობრული მატჩი. მან სამი გოლი გაიტანა შიდა ლიგაში, ორი თასში, ორი ევროპის საკონტინენტთაშორის შეჯიბრებაში და კიდევ ორი გოლი გაიტანა ტესტ-შეხვედრებში.[5]

რედ ბულ სალზბურგი

[რედაქტირება | წყაროს რედაქტირება]
ოკაფორი 2022 წელს

31 იანვარს 2020 წელს, ოკაფორმა ხელი მოაწერა კონტრაქტს რედ ბულ სალზბურგთან.[6]

8 დეკემბერს 2021 წელს, ოკაფორმა ერთადერთი გოლი გაიტანა მატჩში, როცა სალზბურგმა დაამარცხა სევილია ჩემპიონთა ლიგის ჯგუფური ეტაპის ბოლო მატჩში. ეს გამარჯვება ნიშნავს, რომ ზალცბურგი გავიდა მეთექვსმეტედფინალში და გახდა პირველი ავსტრიული კლუბი, რომელმაც ჩემპიონთა ლიგის პლეი-ოფში გააღწია.[7][8]

7 სექტემბერს 2022 წელს, ჩემპიონთა ლიგის ჯგუფური ეტაპის მატჩში მილანის წინააღმდეგ, ოკაფორმა ულამაზესი გოლი გაიტანა, რის შედეგადაც მატჩი 1–1 დასრულდა. მან დაამარცხა მილანის მცველი პიერ კალულუ და მეკარე მაიკ მენიო "გურკერლის" ტექნიკური დარტყმით, ბურთი მარცხენა ქვედა კუთხეში შეაგდო, რამაც გამოიწვია დიდებული ზეიმი სტადიონზე.[9][10][11]

მილანი

[რედაქტირება | წყაროს რედაქტირება]

22 ივლისი 2023 წელს, ნოა ოკაფორმა გააფორმა კონტრაქტი იტალიური სერია A-ს კლუბ მილანთან, რომელიც ძალაშია 30 ივნისი 2028 წლამდე.[12] ოკაფორმა სერია A-ში მილანის შემადგენლობაში დებიუტი შეასრულა 21 აგვისტო 2023 წელს ბოლონიასთან შეხვედრაში.[13] 2023 წლის 27 სექტემბერის მატჩში ოკაფორმა გაიტანა თავისი პირველი გოლი მილანისთვის კალიარის წინააღმდეგ გამართულ შეხვედრაში, რომელიც სარდინიაში გაიმართა და მილანმა მასში 3–1 გაიმარჯვა.[14][15] სამი დღის შემდეგ, 2023 წლის 30 სექტემბერს, ოკაფორმა გაიტანა მეორე გოლი ლაციოს წინააღმდეგ 2–0 მოგებულ შეხვედრაში.[16] მისი სეზონის მესამე გოლი გავიდა 2023 წლის 17 დეკემბერს, როდესაც მონცას წინააღმდეგ გატანილი გოლით მილანმა 3–0 იმარჯვა.[17] 2024 წლის 20 იანვარს, ოკაფორი შეცვლაზე შევიდა და უდინეზეს წინააღმდეგ შეხვედრაში დამატებით წუთებზე გამარჯვების მომტანი გოლი გაიტანა. ეს მილანისთვის პირველი გამარჯვება იყო უდინეზეს სტადიონზე 2020 წლის შემდეგ.[18][19]

2024 წლის 17 აგვისტოს, ნოა ოკაფორმა გაიტანა პირველი გოლი 2024–25 სეზონში, საწყის შეხვედრაში, რომელიც დასრულდა 2–2 ფრე ტორინოსთან.[20] 2025 წლის იანვარიში, ოკაფორის იჯარით გადასვლა ბუნდესლიგის კლუბ ლაიფციგში გაუქმდა, მას შემდეგ რაც ჩაიჭრა სამედიცინო შემოწმებაზე კუნთოვანი ტრავმის გამო.[21]

იჯარა ნაპოლიში

[რედაქტირება | წყაროს რედაქტირება]

2025 წლის 3 თებერვალს, ოკაფორი შეუერთდა სერია A-ს კლუბ ნაპოლის იჯარის წესით 2024–25 სეზონის ბოლომდე, შემდგომში გამოსყიდვის უფლებით.[22]

საერთაშორისო კარიერა

[რედაქტირება | წყაროს რედაქტირება]

ოკაფორმა ითამაშა საერთაშორისო შეხვედრები შვეიცარიის 15-წლამდელთა და 17-წლამდელთა ნაკრებებში. მან პირველი მატჩი ჩაატარა 2018 წლის 9 მაისის, 18-წლამდელთა ნაკრების შემადგენლობაში, იტალიის 18-წლამდელთა ნაკრებთან შეხვედრაში, რომელიც დასრულდა 1–1 ფრედ.

ნოა ოკაფორმა დებიუტი შეასრულა შვეიცარიის ეროვნული ნაკრების შემადგენლობაში 2019 წლის 9 ივნისის, უეფას ერთა ლიგის მესამე ადგილისთვის მატჩში, ინგლისის ნაკრებთან. იგი მოედანზე გამოვიდა დამატებითი დროის 113-ე წუთზე ჰარის სეფეროვიჩის ნაცვლად.[23]

თავისი პირველი გოლი შვეიცარიის ნაკრებში ოკაფორმა გაიტანა 2021 წლის 15 ნოემბერის, ბულგარეთის წინააღმდეგ გამართულ 2022 წლის მსოფლიო ჩემპიონატის საკვალიფიკაციო მატჩში. აღნიშნულ გამარჯვებამ შვეიცარიას ავტომატური კვალიფიკაცია მოუტანა ტურნირზე.[24][25]

პირადი ცხოვრება

[რედაქტირება | წყაროს რედაქტირება]

ნოა ოკაფორი დაიბადა ბინინგენში, შვეიცარიაში. მისი მამა წარმოშობით ნიგერიელი იგბო, ხოლო დედა — შვეიცარიელი.[26] ოკაფორის უმცროსი ძმები — ელაიჯა და ისაია — ასევე ფეხბურთელები არიან: ელაიჯა თამაშობს ლუგანოს მეორე გუნდში, ხოლო ისაია — ციურიხის 21-წლამდელთა შემადგენლობაში.


სქოლიო

[რედაქტირება | წყაროს რედაქტირება]
  1. ↑ Der FCB verlängert mit Noah Okafor bis 2020 de (31 იანვარი 2018). ციტირების თარიღი: 2022-11-16
  2. ↑ FC Basel - FC Luzern 2:2 (1:1) (19 მაისი 2018). ციტირების თარიღი: 2022-11-16
  3. ↑ Kein Sieger zwischen Xamax und Basel de (28 ივლისი 2018). ციტირების თარიღი: 2022-11-16
  4. ↑ Verein "Basler Fussballarchiv". FC Basel - FC Thun 2:1 (1:0). Verein "Basler Fussballarchiv". ციტირების თარიღი: 2022-11-16
  5. ↑ Verein "Basler Fussballarchiv". (2020)Noah Okafor - FCB statistic. Verein "Basler Fussballarchiv". ციტირების თარიღი: 2022-11-16
  6. ↑ FC Red Bull Salzburg - Welcome to Salzburg Noah Okafor de. ციტირების თარიღი: 26 თებერვალი 2020
  7. ↑ Salzburg-Sevilla (8 დეკემბერი 2021). ციტირების თარიღი: 8 დეკემბერი 2021
  8. ↑ Okafor strike sees Salzburg to historic win over Sevilla (8 დეკემბერი 2021). ციტირების თარიღი: 8 დეკემბერი 2021
  9. ↑ UEFA.com. Salzburg-Milan: UEFA Champions League 2022/23 Group stage en. ციტირების თარიღი: 2023-07-21
  10. ↑ „Milan held to 1-1 draw at Salzburg in Champions League opener“. Reuters (ინგლისური). 2022-09-06. ციტირების თარიღი: 2023-07-21.
  11. ↑ AC Milan come from behind to earn draw in Salzburg as Italians get off to slow start in Champions League en (2022-09-06). ციტირების თარიღი: 2023-07-21
  12. ↑ OFFICIAL STATEMENT: NOAH OKAFOR en. მილანი (2023-07-22). ციტირების თარიღი: 2023-07-22
  13. ↑ Bologna 0-2 AC Milan (Aug 21, 2023) Final Score en (21 August 2023). ციტირების თარიღი: 2023-10-01
  14. ↑ Cagliari 1-3 AC Milan, Serie A TIM 2023/2024: the match report en (27 September 2023). ციტირების თარიღი: 2023-10-01
  15. ↑ Cagliari 1-3 AC Milan - Serie A result as Ruben Loftus-Cheek, Fikayo Tomori and Noah Okafor earn the Rossoneri a comeback win in Sardinia en (27 September 2023). ციტირების თარიღი: 2023-10-01
  16. ↑ Pulisic scores as AC Milan beat Lazio to keep pace with Inter. ციტირების თარიღი: 21 January 2024
  17. ↑ AC MILAN 3-0 MONZA: HOSTS CLAIM EASY WIN TO KEEP INTERNAZIONALE AND JUVENTUS IN SIGHTS IN SERIE A. ციტირების თარიღი: 21 January 2024
  18. ↑ Udinese 2-3 AC MILAN: ALLEGED RACIST ABUSE OF MIKE MAIGNAN MARS DRAMATIC COMEBACK WIN FOR ROSSONERI.
  19. ↑ Fisher, Oliver. A milestone up for the grabs: all key stats ahead of Udinese vs. Milan. ციტირების თარიღი: 21 January 2024
  20. ↑ Late comeback earns a point. AC Milan (17 August 2024).
  21. ↑ Leihe geplatzt: Okafor wechselt nicht nach Leipzig de. Kicker (14 January 2025).
  22. ↑ Okafor completes Napoli move. SSC Napoli (3 February 2025).
  23. ↑ Switzerland v England game report. UEFA (9 June 2019).
  24. ↑ Noah Okafor sends Switzerland into World Cup heaven (15 November 2021). ციტირების თარიღი: 24 November 2021
  25. ↑ Switzerland beat Bulgaria to snatch group c top spot from Italy to qualify automatically for World Cup (15 November 2021). ციტირების თარიღი: 24 November 2021
  26. ↑ Basel's Nigerian Midfielder Noah Okafor Notches Two Assists vs CSKA :: All Nigeria Soccer - The Complete Nigerian Football Portal.
მოძიებულია „https://ka.wikipedia.org/w/index.php?title=ნოა_ოკაფორი&oldid=4910593“-დან