ნიუ-იორკის მე-20 საარჩევნო ოლქის სპეციალური არჩევნები (2009)

მასალა ვიკიპედიიდან — თავისუფალი ენციკლოპედია
Jump to navigation Jump to search
ნიუ-ორკის მე-20 საარჩევნო ოლქის სპეციალური არჩევნები 2009
ნიუ-იორკის დროშა
2008 ←
31 მარტი 2009 (2009-03-31)
→ 2010

  ScottMurphy2009CampaignStop.jpg Tedisco Headshot.jpeg
ნომინანტი სკოტ მერფი ჯიმ ტედისკო
პარტია დემოკრატიული რესპუბლიკური
მოსახლეობის ხმები 80 833 80 107
პროცენტულობა 50.23% 49.77%

New York District 20 109th US Congress.png

ოლქის ტერიტორია

წარმომადგენელი არჩევნებამდე

კირსტენ ჯილიბრენდი
დემოკრატიული

არჩეული წარმომადგენელი

სკოტ მერფი
დემოკრატიული

ნიუ-იორკის მე-20 საარჩევნო ოლქის სპეციალური არჩევნები ჩატარდა 2009 წლის 31 მარტს, რათა შეევსო კონგრესში ოლქის წარმომადგენლის ვაკანტური ადგილი, მას შემდეგ რაც წინა წარმომადგენელი, კირსტენ ჯილიბრენდი დაინიშნა აშშ-ის სენატორად ნიუ-იორკის შტატიდან. ჯილიბრენდმა ჩაანაცვლა ჰილარი კლინტონი, რომელმაც ახლადარჩეული პრეზიდენტის, ბარაკ ობამას კაბინეტში სახელმწიფო დეპარტამენტი ჩაიბარა. ოლქის წარმოდგენისთვის ორი ძირითადი კანდიდატი იბრძოდა: ბიზნესმენი დემოკრატი სკოტ მერფი და ნიუ-იორკის შტატის ასამბლეის უმცირესობის ლიდერი, რესპუბლიკელი ჯიმ ტედისკო. თავიდან, არჩევნებში მონაწილეობას იღებდა ლიბერტარიანული პარტიის კანდიდატი ერის სანდუელიც, თუმცა, საბოლოო ჯამში, ბიულეტენში მისი სახელი აღარ იყო.

ნიუ-იორკის მეოცე საარჩევნო ოლქი ისტორიულად საკმაოდ კონსერვატიული იყო და ამიტომაც, თავდაპირველად, გამოკითხვებში ტედისკო ლიდერობდა, თუმცა უკვე 2009 წლის თებერვლისთვის ექსპერტები ორივე კანდიდატის გამარჯვების შესაძლებლობას თანაბრად მიიჩნევდნენ. რესპუბლიკურ პარტიაში მიიჩნევდნენ, რომ ეს არჩევნები იყო რეფერენდუმი პრეზიდენტ ობამას ეკონომიკურ პოლიტიკასთან დაკავშირებით და ამიტომაც, ტედისკოს კამპანიას დაახმარეს საკმაოდ დიდი თანხა და არაერთი ცნობილი სახე, მათ შორის წარმომადგენელთა პალატის ყოფილი სპიკერი და 1994 წლის „რესპუბლიკური რევოლუციის“ შემოქმედი ნიუტ გინგრიჩი, წარმომადგენელთა პალატის უმცირესობის ლიდერი და მომავალი სპიკერი ჯონ ბეინერი და ნიუ-იორკის ყოფილი გუბერნატორი ჯორჯ პატაკი. დემოკრატებმა, თავის მხრივ, მერფის მხარდასაჭერად კირსტენ ჯილიბრენდი, ვიცე-პრეზიდენტი ჯო ბაიდენი და პრეზიდენტი ბარაკ ობამა გამოიყვანეს ასპარეზზე.

კამპანიის ერთ-ერთი უმნიშვნელოვანესი საკითხი იყო ორივე კანდიდატის აზრი ობამას ეკონომიკურ პოლიტიკასთან, განსაკუთრებით კი ეკონომიკის მასტიმულირებელ გეგმასთან დაკავშირებით. მერფი გეგმის მხარდამჭერი იყო, ხოლო ტედისკო კამპანიის ბოლო ეტაპამდე საკუთარ აზრს არ აფიქსირებდა, თუმცა, საბოლოო ჯამში, გეგმის წინააღმდეგ გამოვიდა. ტედისკოს აზრით, მერფის გეგმისადმი მხარდაჭერამ განაპირობა ამერიკული საერთაშორისო ჯგუფის (ინგლ. American International Group, AIG) ბონუსებთან დაკავშირებული სკანდალი. ტედისკო აგრეთვე ხშირად უსვამდა ხაზს, რომ მერფის 90-იან წლებში დაარსებულ კომპანიებზე გადასახადები საერთოდ არ გადაუხდია. მერფი, თავის მხრივ, ხშირად იმეორებდა, რომ ტედისკოს საცხოვრებელი ადგილი ოლქში სულ არ მდებარეობდა.

არჩევნები იმდენად დაძაბული იყო, რომ ადრე მიცემული ხმების დათვლის შემდეგ, ორივე კანდიდატს 77,225 ხმა ჰქონდა. არჩევნების ბედი გადაწყვიტა „Absentee ballot“[კომ. 1]-ებმა, რომლებსაც 13 აპრილამდე იღებდნენ. თავდაპირველად, ტედისკო წინ იყო, თუმცა, 10 აპრილისთვის მერფი გაიჭრა წინ და უკვე 23 აპრილისთვის მას 401 ხმით მეტი ჰქონდა. მეორე დღეს, ტედისკომ მარცხი აღიარა, ხოლო 29 აპრილს მერფიმ უკვე ფიცი დადო და მოვალეობების შესრულებას შეუდგა. მერფის წარმატების მიზეზად ასახელებენ მის მხარდაწერას ობამასადმი და 2008 წლის არჩევნებში დემოკრატების ტრიუმფალურ ტალღას.

სიტუაცია არჩევნებამდე[რედაქტირება | წყაროს რედაქტირება]

2009 წლისთვის, მეოცე საარჩევნო ოლქში გაერთიანებული იყო კოლუმბიის, დათჩესის, დელავერის, ესექსის, გრინის, ოთსეგოს, რენსელაერის, სარატოგას, უორენისა და ვაშინგტონის რაიონები ან მათი ნაწილი.[1] გამომდინარე მოსახლეობის კონსერვატიული განწყობილებებიდან, ოლქს კონგრესში ძირითადად რესპუბლიკელები წარმოადგენდნენ(2002 წელს, ჯონ სუინიმ, იმ დროისთვის მოქმედმა კონგრესმენმა განაცხადა, რომ „რესპუბლიკელს ამ ოლქში დამარცხება არ შეუძლია[2]“), თუმცა, 2006 წლის შუალედურ არჩევნებზე, როცა დემოკრატებმა კონგრესის ორივე პალატის კონტროლი მოიპოვეს, მოქმედი კონგრესმენი სუინი კონსერვატორმა დემოკრატმა კირსტენ ჯილიბრენდმა დაამარცხა.[3] 2008 წლის ნოემბრისთვის, ოლქში რესპუბლიკური პარტიის რეგისტრირებული წევრები და მხარდამჭერები დემოკრატებს 70,632-ით ჭარბობდნენ; თუმცა, 2002 წელს, როცა ოლქის ტერიტორია პირველად მოხაზეს, რესპუბლიკელების უპირატესობა უფრო დიდი, 93,337 ადამიანი იყო.[4][5] 2004 წლის საპრეზიდენტო არჩევნებში რესპუბლიკელმა ჯორჯ უოკერ ბუშმა დემოკრატი ჯონ კერი 8 პროცენტის სხვაობით დაამარცხა,[6] თუმცა, უკვე 2008 წელს დემოკრატმა ბარაკ ობამამ რესპუბლიკელ ჯონ მაკ-კეინზე 3 პროცენტის სხვაობით იმარჯვა (დაახლოებით 330 000 ხმიდან, ობამამ 10 000-ით მეტი მოიპოვა),[7] ხოლო ჯილიბრენდის უპირატესობა ოპონენტისადმი 2008-ში კიდევ უფრო დიდი იყო და 24 პროცენტი შეადგინა. [3]

პრეზიდენტად არჩევის შემდეგ, ბარაკ ობამას ერთ-ერთი პირველი გადაწყვეტილება იყო დემოკრატთა პრაიმერში მისი უმთავრესი კონკურენტი, სენატორი ნიუ-იორკის შტატიდან და ყოფილი პირველი ლედი ჰილარი კლინტონი სახელმწიფო მდივნის თანამდებობზე წარედგინა. სახელმწიფო მდივნად გახდომისთვის, კლინტონს სენატორის პოსტის დატოვება მოუწია.[8] 2009 წლის იანვარში, კონგრესში ნიუ-იორკის მეოცე ოლქის წარმომადგენლის პოსტი ვაკანტური გახდა მას შემდეგ, რაც გუბერნატორმა დეივიდ პიტერსონმა ჯილიბრენდი სენატორად კლინტონის მაგივრად დანიშნა.[3] 2009 წლის 23 თებერვალს, იმავე პიტერსონმა გამოაცხადა, რომ სპეციალური არჩევნები 2009 წლის 31 მარტს ჩატარდებოდა;[9] აღსანისნავია, რომ შტატის კანონმდებლობის თანახმად, პიტერსონს შეეძლო, არჩევნები 2010 წლის ივლისამდე არ დაენიშნა.[10] „Rothenberg Political Report“-მა, ისევე როგორც „Cook Political Report“-მა ორივე კანდიდატის შანსები თანაბრად შეაფასა.[11][12]

კანდიდატები[რედაქტირება | წყაროს რედაქტირება]

პარტიების კანდიდატთა შერჩევისთვის გამოიყენებოდა ტიპური პრაიმერისგან განსხვავებული სისტემა: კანდიდატებს ირჩევდა პარტიის რაიონული კომიტეტი, რომლის არჩევნის მნიშვნელობა დამოკიდებული იყო იმაზე, თუ რამდენი დარეგისტრირებული რესპუბლიკელი ან დემოკრატი ამომრჩეველი ცხოვრობდა რაიონში.[13]

რესპუბლიკური პარტია[რედაქტირება | წყაროს რედაქტირება]

კანდიდატობისთვის იბრძოდენ ნიუ-იორკის შტატის სენატის წევრი ბეთი ლიტლი და ჯონ ფასო, შტატის ასამბლეაში უმცირესობის ყოფილი ლიდერი და 2006 წელს გუბერნატორობის კანდიდატი.[14] აგრეთვე დადიოდა ხმები, რომ კენჭს იყრიდა ქალაქ ნიუ-იორკის მერის, მილიარდერ მაიკლ ბლუმბერგის ყოფილი თანაშემწე რიჩარდ ვაგერი და შტატის სენატის წევრი სტიფენ სალანდი.[15][16] ალექსანდრე „სენდი“ ტრედუელმა, შტატის ყოფილმა სახელმწიფო მდივანმა და 2008 წელს კონგრესის წევრობის კანდიდატმა გამოაცხადა, რომ ბრძოლაში ჩართვას არ აპირებდა.[17] 24 იანვარს, შტატის ასამბლეის უმცირესობის მოქმედმა ლიდერმა ჯიმ ტედისკომ მხარდაჭერა მიიღო სარატოგის რაიონის რესპუბლიკური პარტიის თავმჯდომარისგან,[18] ხოლო გრინის რაიონმა მხარი დაუჭირა ფასოს.[19]

საბოლოო გამარჯვებული 2009 წლის 27 იანვარს გამოვლინდა და ეს ჯიმ ტედისკო აღმოჩნდა.[20] ასამბლეაში იგი წარმოადგენდა 110-ე ოლქს, რომელიც მოიცავდა სარატოგას რაიონის დიდი ნაწილს.[21] ტედისკოს საცხოვრებელი ადგილი უშუალოდ მე-20 ოლქში არ მდებარეობდა, თუმცა, მის ტერიტორიაზე ის უძრავ ქონებას ფლობდა და გარდა ამისა, მისი წინა, 110-ე ოლქი საზღვრებში 20-ს დიდად ემთხვეოდა. კამპანიის დროს ტედესკოს საცხოვრებელი ადგილის საკითხს მაინც დიდი ყურადღება დაეთმო.[22]

დემოკრატიული პარტია[რედაქტირება | წყაროს რედაქტირება]

31 იანვარს, „The Post-Star“-მა დაწერა, რომ დემოკრატიული პარტიის შესაძლო კანდიდატთა სიაში ექვსი ადამიანიღა იყო დარჩენილი. 1 თებერვალს, პარტიის რაიონული განყოფილებების თავმჯდომარეები ექვსივეს ალბანიში შეხვდნენ და საბოლოო ჯამში, ნიუ-იორკის შტატის ზემო ნაწილის ბიზნესმენთა ასოციაციის პრეზიდენტი,[23] სკოტ მერფი აირჩიეს.[24][25][26] ცნობილია, რომ კანდიდატობის სურვილი აგრეთვე ჰქონდათ სარატოგის რაიონის დემპარტიის თავმჯდომარეს, ლარი ბულმანს,[15] „New York Rangers“-ის ყოფილ მოთამაშეს მაიკ რიხტერს,[15] ქალაქ ქოქსაქის საზედამხედველო საბჭოს წევრ ალექს ბეტკესა[27] და ტრეისი ბრუქსს.[16]

სხვა პარტიები[რედაქტირება | წყაროს რედაქტირება]

ნიუ-იორკის შტატის კანონმდებლობის მიხედვით, ბიულეტენში შეიძლება ერთი და იმავე ადამიანი სხვადასხვა პარტიის კანდიდატი იყოს.[28][29] ნიუ-იორკის კონსერვატიულმა პარტიამ თავის კანდიდატად ჯიმ ტედისკო 9 თებერვალს დაასახელა,[30] ხოლო 17 თებერვალს მშრომელ ოჯახთა პარტიამ მხარი მერფის დაუჭირა.[31][32] 1 მარტს, მე-20 ოლქში რესპუბლიკურისა და დემოკრატიულის შემდეგ ყველაზე გავლენიანმა[33] დამოუკიდებლობის პარტიამ მხარი მერფის დაუჭირა.[34] ეს იყო პირველი შემთხვევა, როცა პარტიამ ამ ოლქში მხარი დემოკრატს დაუჭირა.[35]

ლიბერტარიანული პარტიის კანდიდატი ნიუ-იორკის განყოფილების თავმჯდომარე ერიკ სანდუელი იყო. თუმცა, 25 მარტს იგი ბიულეტენიდან ამოიღეს, რადგანაც მის მიერ შეგროვებული 6,730 ხელმოწერიდან 3,786 ხარვეზით იყო.[36] შტატის კანონმდებლობის მიხედვით, კონგრესის არჩევნებში მონაწილე უპარტიო კანდიდატებმა ბიულეტენში მოსახვედრად მინიმუმ 3,500 უხარვეზო ხელმოწერა უნდა შეაგროვონ.[37] სანდუელის 6000 ხელმოწერასთან დაკავშირებით პრეტენზია გამოთქვა სატაროგას რაიონის ორმა მცხოვრებმა; სანდუელმა მის წინააღმდეგ კამპანიის წარმართვაში ტედისკო დაადანაშაულა.[38] ხარვეზიანად მიჩნეული ხელმწერების უმრავლესობის პრობლემა იყო ის, რომ ადამიანები, რომლებმაც ხელი მოაწერეს, თავიანთ მისამართად წერდნენ ადგილს, სადაც ფოსტას იღებდნენ და არა ადგილს, სადაც იმ პერიოდისთვის რეალურად ცხოვრობდნენ. „Absentee Ballot“-ები, რომლებიც სანდუელის მხარდასაჭერად გაგზავნეს, ანულირებული იყო.[36] 27 მარტს, სანდუელმა გამოაცხადა რომ არჩევნებში ხმას მერფის მისცემდა და მხარდაჭერებს მოუწოდა, ასევე გაეკეთებინათ.[39]

საარჩევნო კამპანია[რედაქტირება | წყაროს რედაქტირება]

საარჩევნო შტაბები ოთხ დებატზე შეთანხმდნენ.[40] პირველი ჩატარდა 2 მარტს ტედისკოსა და მერფის შორის.[41][42] მეორე, რომლის სპონსორებიც WHMT და „Times Union“ იყვნენ, 19 მარტს ჩატარდა და მასში მონაწილებოა მერფიმ და ლიბერტარიანელმა სანდუელმა მიიღეს.[40][43][44] ტედისკო ამ დროს ამომრჩევლებთან შეხვედრა ჩაატარა და დებატებს არ დაესწრო, რის მიზეზადაც დაასახელა, რომ ფორმატი არ შეეფერებოდა იმას, რაზეც თავდაპირველად შეთანხმდნენ.[45] მესამე დებატი 23 მარტს,[46][47] ხოლო საბოლოო 26 მარტს შედგა.[48][49]

ორივე პარტიის სტრატეგოსები მიიჩნევდნენ, რომ არჩევნების შედეგი იქნებოდა „პრეზიდენტ ობამას ეკონომიკური პოლიტიკის რეფერენდუმი“. რესპუბლიკური ნაციონალური კომიტეტის თავმჯდომარემ, მაიკლ სტილმა განაცხადა, რომ ეს არჩევნები იყო პირველი იმ სამი „უმნიშვნელოვანესი არჩევნებიდან“, რომელიც რესპუბლიკელებს უნდა მოეგოთ.[50] რესპუბლიკელთა ხელმძღვანელობისთვის არჩევნები მართლაც მნიშვნელოვანი იყო და ტედისკოს კამპანიისთვის სახსრების მოძიებაში ეხმარებოდნენ მაიკლ სტილი, ნიუ-იორკის ყოფილი გუბერნატორი ჯორჯ პატაკი, წარმომადგენელთა პალატის უმცირესობის ლიდერი ჯონ ბეინერი და წარმომადგენელთა პალატის ყოფილი სპიკერი ნიუტ გინგრიჩი. სტილი ოლქს ორჯერაც კი ეწვია.[51] მერფის სახსრების მოძიებაში სენატორი ჩაკ შუმერი დაეხმარა, ხოლო კირსტენ ჯილიბრენდი მის სასარგებლოდ აგიტაციაში იყო ჩართული.[51] არჩევნებამდე ერთი კვირით ადრე, ბარაკ ობამამ წერილი მისწერა მხარდამჭერებს და მოუწოდა,[52] მერფისთვის მიეცათ ხმა და მის კამპანიას დახმარებოდნენ.[53] 25 მარტს, გამოვიდა რადიორეკლამა, სადაც მხარდაჭერა მერფის ვიცე-პრეზიდენტმა ჯო ბაიდენმა აღუთქვა. იმავე დღეს, დემოკრატიული ნაციონალური კომიტეტის თავმჯდომარემ, ტიმ კეინმა პარტიის 500 უმსხვილეს შემომწირველს მისწერა და მერფის დახმარება სთხოვა.[54]

სკოტ მერფი და სენატორი კირსტენ ჯილიბრენდი. 29 მარტი, 2009.[55]

რესპუბლიკურმა ნაციონალურმა კომიტეტმა ტედისკოს კამპანიაზე 100 000 აშშ დოლარი დახარჯა,[56] ხოლო დემოკრატთა საკონგრესო კამპანიის კომიტეტმა მერფის კამპანიისთვის 150 000 დოლარი გაიღო.[57] მომსახურების სფეროს საერთაშორისო პროფკავშირმა მერფის 315 000 შესწირა,[58] ხოლო ნიუ-იორკის შტატის მასწავლებელთა გაერთიანებამ წევრებს მისი მხარდაჭერისკენ მოუწოდა. ცხოვრების უფლების ეროვნულმა ორგანიზაციამ, რესპუბლიკელთა ნდობის ეროვნულმა ორგანიზაციამ და ნიუ-იორკის შტატის ცეცხლსასროლი იარაღის ორგანიზაციამ ტედისკოს მხარდასაჭერი რეკლამები და წერილები დააფინანსა.[59]

ორივე კანდიდატი ცდილობდა ოპონენტის ნაკლზე გაემახვილებინა ყურადღება. რესპუბლიკელები ხშირად იხსენებდნენ, რომ მერფიმ 1990-იან წლებში, პროგრამული უზრუნველყოფის მიმართულებით დაარსებული კომპანიის გადასახადების გადახდა ვერ მოახერხა და ადარებდნენ მას ობამას ადმინისტრაციის სამ მაღალჩინოსანს, რომელთაგანაც არც ერთს გადასახადები არ გადაუხდია.[60] ტედისკო აგრეთვე აღნიშნავდა, რომ მერფი ხშირად არჩევნებზე სულაც არ დადიოდა.[61] ეს მოხდა მას შემდეგ, რაც რესპუბლიკელთა ნაციონალურმა საკონგრესო კომიტეტმა გამოაცხადა, რომ მერფის პოზიცია არ დაუფიქსირებია 2000 წლის საპრეზიდენტო არჩევნებში და 2000-03 წლებში შვიდ სხვადასხვა პრაიმერსა თუ არჩევნებში.[62] მალევე, ტედისკომ გამოაცხადა, რომ მისი შტაბი თავად იზრუნებდა სარეკლამო კამპანიაზე და ამის უფლებამოსილებას საკოგრესო კომიტეტისგან გადმოიბირებდა. მიზეზი გახდა ის, რომ საზოგადოებრივი აზრის გამოკითხვაში ტედისკო პოზიციებს კარგავდა და პრობლემას კომიტეტის სარეკლამო საქმიანობაში ხედავდა.[63]

კამპანიის პირველ თვეებში, მერფი ხშირად აკრიტიკებდა ტედისკოს იმის გამო, რომ უკანასკნელი თავდაპირველად უარს ამბობდა, დაეფიქსირებინა პოზიცია ბარაკ ობამას ეკონომიკურ პოლიტიკასთან დაკავშირებით.[61] როდესაც 16 მარტს ტედისკომ გამოაცხადა, რომ ეწინააღმდეგებოდა ობამას „ამერიკის აღორძინებისა და რეინვესტირების“ პროექტს, მერფიმ დაწერა: „უბრალოდ სამარცხვინოა, რომ ასამბლეის წევრ ტედისკოს თვეზე მეტი დასჭირდა, რათა ბოლოს და ბოლოს ეღიარებინა, რომ ხმას „არას“ მისცემდა“.[64] მერფის კამპანია აგრეთვე ცდილობდა, ტედისკო კარიერისტ პოლიტიკოსად გაესაღებინა.[65]

მარტის შუა პერიოდში, გამოაშკარავდა, რომ ეკონომიკის სტიმულირების პროგრამით გათვლილი სასხრები, რომელიც სახელმწიფო ბიუჯეტიდან მიდიოდა და ეკონომიკური კრიზისის შედეგად დაზარალებული კომპანიების დახმარებას ისახავდა მიზნად, ზოგიერთი კომპანიის ტოპ-მენეჯმენტისთვის დიდ ბონუსებსაც ითვალისწინებდა.[66] 19 მარტს, ტედისკო აშშ-ის ფინანსთა მინისტრის, ტიმოთი გეიტნერის გადადგომის თხოვნით გამოვიდა,[67] ხოლო მერფიმ განაცხადა, რომ სტიმულირების პროგრამა აუცილებელი იყო სამუშაო ადგილების შესაქმნელად.[68]

მედიასაშუალებების მხარდაჭერა[რედაქტირება | წყაროს რედაქტირება]

  • 2009 წლის 22 მარტს ქალაქ კინგსტონში მდებარე გაზეთმა „Daily Freeman“-მა გამოაცხადა: „სპეციალური არჩევნები მე-20 საარჩევნო ოლქში არის რეფერენდუმი ობამას სტიმულირების პროგრამასთან დაკავშირებით“ და მერფის გამოუცხადა მხარდაჭერა, რადგანაც იგი ამ შემთხვევაში ობამას მომხრე იყო.[69]
  • 2009 წლის 22 მარტს „Poughkeepsie Journal“-მა გამოთქვა სურვილი, „ნებისმიერ პოლიტიკურ ინსტიტუტში ყოფილიყო გულწრფელი, დისიდენტური აზროვნების ხალხი, რომელიც უმრავლესობას გზიდან აცდენის საშუალებას არ მისცემს“ და მხარი ტედისკოს დაუჭირა.[70]
  • 2009 წლის 26 მარტს გლენ ფოლზში მდებარე „The Chronicle“-მა ფავორიტად ტედისკო დაასახელა და მას „არა იდეალური, თუმცა უკეთესი კანდიდატი“ უწოდა.[71]
  • 2009 წლის 26 მარტს „The New York Post“-მა ტედისკოს დაუჭირა მხარი და უწოდა მას „ბევრად უფრო უკეთესი არჩევანი ძირითადად კონსერვატიული ოლქისთვის“.[72]
  • 2009 წლის 26 მარტს საკუთრების გადასახადის შემცირებისა და „STAR“-ის პროგრამის ტედისკოს მიერ მხარდაჭერის გამო, „The Times Union“ გვერდით დაუდგა მერფის, „კანდიდატს, რომელიც ბატონ ობამასთან იმუშავებს დასახული მიზნების მისაღწევად“.[73]
  • 2009 წლის 29 მარტს „The Post-Star“-მა აღნიშნა, რომ „კონგრესში საჭირო იყო გამოცდილი და ეფექტიანი წევრი“ და მხარი ტედისკოს დაუჭირა.[74]
  • 2009 წლის 29 მარტს „The Saratogian“-მა, მოხიბლულმა მისი „საჯარო სამსახურით, გამოცდილებითა და პოლიტიკური ფილოსოფიით“ ტედისკოს დაუჭირა მხარი.[75]
  • 2009 წლის 29 მარტს „Troy Record“-მა დაწერა, რომ „ტედისკოს ისტორია გვიჩვენებს, რომ ვაშინგტონში იგი კონტროლისა და ბალანსის მომტანი იქნება“ და მხარი მას დაუჭირა.[76]

საზოგადოებრივი აზრის გამოკითხვები[რედაქტირება | წყაროს რედაქტირება]

წყარო ჩატარების თარიღი სკოტ მერფი () ჯიმ ტედისკო () ერიკ სანდუელი (ლ)
Siena Research Institute[77] 25–26 მარტი[78] 47% 43% 2%
Siena Research Institute[79] 9–10 მარტი[80] 41% 45% 1%
Benenson Strategy Group[51] 24–25 თებერვალი[51] 37% 44% 4%
Siena Research Institute[81] 18–19 თებერვალი[82] 34% 46% არ არის
Public Opinion Strategies[83] 3–4 თებერვალი[83] 29% 50% არ არის

ჩატარდა ტედისკოსა და რესპუბლიკური ნაციონალური საკონგრესო კომიტეტის დაკვეთით
ჩატარდა დემოკრატიული საკონგრესო კამპანიების კომიტეტის დაკვეთით

2009 NY 20th District Congressional Race Polls.svg

არჩევნების დღე[რედაქტირება | წყაროს რედაქტირება]

ყველა უბნის თავდაპირველი დათვლის შემდეგ, მერფი დაახლოებით 150,000 დაფიქსირებული ხმიდან 60-ით იყო წინ.[84][85] მეორე დღეს, კოლუმბიის რაიონის საარჩევნო კომისიამ მონაცემები შეცვალა და მერფის უპირატესობა 25 ხმამდე შემცირდა.[86] კანდიდატებს შორის სხვაობა იმდენად მცირე იყო, რომ ერთ მომენტში შტატის საარჩევნო კომისიის მონაცემებით, მათ ხმათა თანაბარი რაოდენობა (77,225) ჰქონდათ.[87] 2 აპრილისთვის, ტედისკო 12 ხმით იყო წინ. 5 აპრილს, იგი გადადგა შტატის ასამბლეის უმცირესობის ლიდერის თანამდებობიდან, რათა კონგრესში გადასასვლელად დაეწყო მომზადება.,[88] ახალი ლიდერი ბრაიან კოლბი გახდა.[89] 7 აპრილისთვის, ტედისკო 97 ხმით იყო წინ.[90] ამდენად მცირე სხვაობა ნიშნავდა, რომ არჩევნების ბედს „Absentee ballot“-ები გადაწყვეტდა.[91]

ყველა ბიულეტენი, „Absentee ballot“-ები და ხმისმიცემის აპარატები სასამართლოს განჩინებითა და ადგილობრივი რესპუბლიკელების მოთხოვნით ცალკეული უბნებიდან ამოიღეს. სასამართლოს განჩინებით, „Absentee ballot“-ები დაითვალეს რაიონების ცენტრში და არა ცალკეულ უბნებში.[91] ამომრჩეველთათვის გაგზავნილი 10 000 „Absentee ballot“ უბნებმა უკან მიიღეს.[85] აშშ-ში „Absentee ballot“-ები 7 აპრილამდე უნდა მიეღოთ, ხოლო დედლაინი საზღვარგარეთ მყოფი ამერიკელებისთვის 13 აპრილამდე იყო.[92] ამ ხმების დათვლა დაიწყო 8 აპრილს, ნიუ იორკის შტატის უზენაესი სასამართლოს განჩინებითა და მერფის კამპანიის მოთხოვნით.[93]

ხმების დათვლისას, დაახლოებით 600-ის ლეგიტიმურობა ეჭვქვეშ დააყენეს,[94] მათ შორის იყო სენატორ კირსტენ ჯილიბრენდისაც.[95] 23 აპრილს, მერფი 401 ხმით გაიჭრა წინ,[96] ტედისკომ კი მარცხი მეორე დღეს აღიარა.[97] მერფიმ ფიცი 29 აპრილს დადო.[98] საბოლოო შედეგები მაისში გამოქვეყნდა – მერფის ხმა 80,833 ამომრჩეველმა (50.23%) მისცა, ხოლო ტედისკომ 80,107 (49.77%) ამომრჩევლის ნდობა დაიმსახურა..[99]

არაოფიციალური შედეგები
თარიღი სკოტ მერფი ჯიმ ტედისკო განსხვავება
3 აპრილი[87] 77,225 77,225 0
6 აპრილი[100] 76,817 76,914 97
7 აპრილი[101] 77,017 77,034 17
8 აპრილი[102] 77,018 77,035 17
9 აპრილი[103] 76,992 77,060 68
10 აპრილი[104] 77,773 77,727 46
13 აპრილი[105] 77,907 77,882 25
14 აპრილი[106] 77,982 77,935 47
15 აპრილი[107] 79,105 79,019 86
16 აპრილი[108] 79,452 79,274 178
17 აპრილი[109] 79,839 79,566 273
23 აპრილი[96] 80,368 79,967 401
ოფიციალური მონაცემები რაიონების მიხედვით[99]
რაიონი სკოტ მერფი ჯიმ ტედისკო
კოლუმბია 9,161 6,852
დელავერი 3,506 3,509
დათჩესი 10,019 9,304
ესექსი 1,375 1,101
გრინი 4,607 5,724
ოთსეგო 1,084 1,147
რენსელაერი 7,837 8,293
სარატოგა 26,290 31,066
უორენი 9,323 7,298
ვაშინგტონი 7,631 5,813
ნიუ-ორკის მე-20 საარჩევნო ოლქის სპეციალური არჩევნები[99]
პარტია კანდიდატი ხმები % ±
დემოკრატიული სკოტ მერფი 80,833 50.23
რესპუბლიკური ჯიმ ტედისკო 80,107 49.77

არჩევნების შემდეგ[რედაქტირება | წყაროს რედაქტირება]

მერფის გამარჯვებას მიაწერდნენ 2008 წელს ბარაკ ობამასა და დემოკრატების საარჩევნო წარმატებების ინერციულ ეფექტს,[110] ეკონომიკის სტიმულირების გეგმისადმი მის მხარდაჭერას[111] და ტედისკოს გაუგებარ პოზიციას ამავე გეგმასთან დაკავშირებით. რესპუბლიკელთა მარცხს აგრეთვე მიაწერდნენ იმას, რომ ტედისკო პარტიის კანდიდატი გახდა საარჩევნო პროცესის მანიპულაციის გზით.[112] „Wall Street Journal“-მა თავის სტატიაში დაწერა, რომ „ალბანის კარიერისტის“ რეპუტაციამ და დამაბნეველმა საარჩევნო რეკლამებმა ტედისკოს ხელი შეუშალა.[113] მისი მარცხის შემდეგ, დემოკრატებს გაუჩნდათ იმედი, რომ შემდეგ არჩევნებზე მოახერხებდნენ ასამბლეაში ტედისკოს ადგილის დაკავებასაც.[114]

ფიცის დადების შემდეგ, მერფიმ თავისი ადმინისტრაციის ხელმძღვანელად კამპანიის მენეჯერი ტოდ შულტე დანიშნა.[115] გუბერნატორ დეივიდ პატერსონის ერთ-ერთი დამხმარე, მეგი მაკ-კონი მან კომუნიკაციების დირექტორად აირჩია.[116] ოლქში თავის რწმუნებულად მერფიმ რესპუბლიკელი რობ შოლცი მიავლინა.[117] არჩევიდან ერთი თვის შემდეგ, მერფიმ ოფისები გახსნა ქალაქებში სარატოგაში, სპრინგზში და ჰადსონში.[118][119] მერფის მოღვაწეობა პალატაში მოკლე აღმოჩნდა: 2010 წლის შუალუდერ არჩევნებში იგი გადამდგარმა პოლკოვნიკმა, კრის გიბსონმა დაამარცხა.[120]

კომენტარები[რედაქტირება | წყაროს რედაქტირება]

  1. პირები, რომლებიც ვერ (ან არ) ახერხებენ არჩევნების დღეს თავიანთი პოზიციის დაფიქსირებას, ხმას არჩევნებამდე აძლევენ. ამ ხმების დათვლა ხდება არჩევნების დღეს დაფიქსირებული ხმების შემდეგ)

სქოლიო[რედაქტირება | წყაროს რედაქტირება]

  1. Congressional District 20 (PDF). National Atlas of the United States. დაარქივებულია ორიგინალიდან - September 4, 2014. წაკითხვის თარიღი: November 16, 2010.
  2. Romano, Andrew (November 3, 2010). "Murphy's Law: One Democrat's defeat explains how the party lost the House". Newsweek (The Newsweek Daily Beast Company). http://www.newsweek.com/2010/11/03/the-anatomy-of-one-democrat-s-loss.html#. წაკითხვის თარიღი: November 14, 2010.
  3. 3.0 3.1 3.2 Steinhauser, Paul. “Gillibrand's House seat could be GOP opportunity“, CNN, Turner Broadcasting System, January 23, 2009. წაკითხვის თარიღი: January 30, 2009. 
  4. NYSVoter Enrollment by Congressional District, Party Affiliation and Status (PDF). New York State Board of Elections (November 1, 2008). წაკითხვის თარიღი: April 5, 2009.
  5. Total Enrollment by Congressional District (PDF). New York State Board of Elections (January 28, 2004). წაკითხვის თარიღი: April 5, 2009.
  6. Barone, Michael. “Political Bloodlines of Kirsten Gillibrand, Senator From New York“, U.S. News & World Report, Kerry F. Dyer, January 26, 2009. წაკითხვის თარიღი: February 5, 2009. დაარქივებულია ორიგინალიდან - February 5, 2009. 
  7. L, James. (January 23, 2009) NY-20: Traditionally Red District Turned Blue in 2008. Swing State Project. დაარქივებულია ორიგინალიდან - February 2, 2009. წაკითხვის თარიღი: April 5, 2009.
  8. Obama's Former Rival Clinton Joins His Team“, December 2, 2008. წაკითხვის თარიღი: December 28, 2010. 
  9. Paterson, David A.. (February 23, 2009) Special Election Twentieth Congressional District Proclamation (PDF). State of New York Executive Chamber. დაარქივებულია ორიგინალიდან - March 24, 2009. წაკითხვის თარიღი: March 12, 2009.
  10. Seiler, Casey. “Paterson: No hard timeline for 20th special election“, Hearst Corporation, January 27, 2009. წაკითხვის თარიღი: January 30, 2009. 
  11. 2010 House Ratings. The Rothenberg Political Report. Stuart Rothenberg (February 25, 2009). წაკითხვის თარიღი: March 11, 2009.
  12. 2010 Competitive House Race Chart. The Cook Political Report (February 5, 2009). დაარქივებულია ორიგინალიდან - August 6, 2012. წაკითხვის თარიღი: March 11, 2009.
  13. Cadei, Emily. “New York Party Bosses to Choose Ballot Names“, CQ Politics, Congressional Quarterly, January 26, 2009. წაკითხვის თარიღი: February 11, 2009. დაარქივებულია ორიგინალიდან - November 14, 2010. 
  14. Betty Little Announces Plans To Replace Gillibrand“, Hearst Television, January 23, 2009. წაკითხვის თარიღი: January 30, 2009. დაარქივებულია ორიგინალიდან - July 18, 2011. 
  15. 15.0 15.1 15.2 Thompson, Maury. “Bulman, Richter may seek Gillibrand's seat“, Lee Publications, Inc., January 23, 2009. წაკითხვის თარიღი: October 29, 2010. 
  16. 16.0 16.1 Kurtz, Josh. “GOP Optimistic About Possible Gillibrand Special Election“, Roll Call, Economist Group, January 22, 2009. წაკითხვის თარიღი: January 30, 2009. 
  17. Gonzales, Nathan L.. “New York 20: Treadwell Not Running“, The Rothenberg Political Report, Stuart Rothenberg, January 24, 2009. წაკითხვის თარიღი: January 30, 2009. 
  18. Thompson, Maury. “Saratoga County GOP backs Tedisco“, The Post Star, Lee Publications, Inc., January 24, 2009. წაკითხვის თარიღი: January 30, 2009. 
  19. O'Brien, Tim. “Greene County GOP goes with Faso“, Hearst Corporation, January 24, 2009. წაკითხვის თარიღი: January 30, 2009. 
  20. Schick, Curtis. “GOP picks Tedisco to run on Republican ticket“, Time Warner Cable, January 28, 2009. წაკითხვის თარიღი: January 30, 2009. 
  21. District Map. New York State Assembly. დაარქივებულია ორიგინალიდან - November 1, 2013. წაკითხვის თარიღი: October 28, 2010.
  22. Karlin, Rick. “Gillibrand gaining steam“, Hearst Corporation, January 22, 2009. წაკითხვის თარიღი: October 28, 2010. 
  23. DeMare, Carol. “Democrats tap new face in 20th District“, Hearst Corporation, February 2, 2009, გვ. A1. წაკითხვის თარიღი: February 5, 2009. 
  24. Schick, Curtis. “Democrats choose Murphy for 20th district race“, Time Warner Cable, February 2, 2009. წაკითხვის თარიღი: February 5, 2009. 
  25. Thompson, Maury. “Democratic candidate list shrinks“, The Post Star, Lee Publications, Inc., January 31, 2009. წაკითხვის თარიღი: February 5, 2009. 
  26. Rep. Scott Murphy (D-NY 20th District). Congress.org. Economist Group. წაკითხვის თარიღი: October 28, 2010.
  27. Benjamin, Elizabeth. “20th CD Jockeying Begins“, Mortimer Zuckerman, January 23, 2009. წაკითხვის თარიღი: November 4, 2010. დაარქივებულია ორიგინალიდან - June 20, 2012. 
  28. Dudley, Barbara (2006). "An Old-time Remedy for our Electoral System: Fusion Voting" (PDF). Oregon's Future (Willamette University): 13–14. დაარქივებულია ორიგინალიდან March 16, 2012-ში. https://web.archive.org/web/20120316083222/http://www.willamette.edu/centers/publicpolicy/projects/oregonsfuture/PDFVol11no3/06Fall_Remedy.pdf. წაკითხვის თარიღი: October 30, 2010.
  29. Kornacki, Steve. “Mike Bloomberg: Independent, Except for All the Party Labels“, Jared Kushner, April 13, 2009. წაკითხვის თარიღი: October 30, 2010. დაარქივებულია ორიგინალიდან - June 16, 2011. 
  30. Spector, Joseph. “Tedisco Gets Conservative Nod“, Gannett Company, February 9, 2009. წაკითხვის თარიღი: October 29, 2010. 
  31. Vielkind, Jimmy. “Working Families Party Backs Murphy, But Independence Line Still In Play“, Jared Kushner, February 17, 2009. წაკითხვის თარიღი: October 29, 2010. დაარქივებულია ორიგინალიდან - June 16, 2011. 
  32. Working Families Party (February 17, 2009). „New York Working Families Backs Scott Murphy for Congress“. პრეს-რელიზი. http://www.workingfamiliesparty.org/2009/02/new-york-working-families-backs-scott-murphy-for-congress/. წაკითხვის თარიღი: October 29, 2010.
  33. Brown, Nathan. “State Independence Party backs Murphy“, AdirondackDailyEnterprise, June 17, 2010. წაკითხვის თარიღი: October 29, 2010. დაარქივებულია ორიგინალიდან - July 19, 2011. 
  34. Hornbeck, Leigh. “Murphy wins the Independence endorsement in 20th CD“, Hearst Corporation, March 1, 2009. წაკითხვის თარიღი: October 29, 2010. 
  35. Benjamin, Elizabeth. “Murphy Wins Indy Line Battle“, Mortimer Zuckerman, March 1, 2009. წაკითხვის თარიღი: October 29, 2010. დაარქივებულია ორიგინალიდან - June 16, 2012. 
  36. 36.0 36.1 Hornbeck, Leigh. “Libertarian removed from ballot“, Hearst Corporation, March 26, 2009, გვ. A3. წაკითხვის თარიღი: October 26, 2010. 
  37. N.Y. Elec. L. § 6-142(2)(e) (PDF). State of New York 2008 Election Law გვ. 176. New York State Board of Elections. წაკითხვის თარიღი: March 26, 2009.
  38. Liu, Irene Jay. “Sundwall endorses Murphy“, Hearst Corporation, March 27, 2009. 
  39. Sundwall, Eric. (March 27, 2009) Campaign Statement. sundwall4congress.org. დაარქივებულია ორიგინალიდან - May 3, 2009. წაკითხვის თარიღი: April 30, 2009.
  40. 40.0 40.1 Hornbeck, Leigh. “Scott Murphy will be at least one debate by himself: updated“, Hearst Corporation, March 3, 2009. წაკითხვის თარიღი: October 31, 2010. 
  41. Vielkind, Jimmy. “In First Debate, Murphy Presses Tedisco on Stimulus, of Course“, Jared Kushner, March 3, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  42. Vielkind, Jimmy. “Not Much Daylight Between Tedisco and Murphy in the First Debate“, Jared Kushner, March 3, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  43. Vielkind, Jimmy. “A Libertarian Wants the Tedisco Spot in a Congressional Debate“, Jared Kushner, March 4, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  44. Hornbeck, Leigh. “Sundwall and Murphy to debate, Tedisco doing his own thing“, Hearst Corporation, March 18, 2009. წაკითხვის თარიღი: October 31, 2010. 
  45. Vielkind, Jimmy. “Instead of the Murphy-Sundwall Debate, '3D' Tedisco Plans 'People's Town Hall'“, Jared Kushner, March 19, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  46. Vielkind, Jimmy. “At Forum, Murphy's Stimulus Is Tedisco's Pork“, Jared Kushner, March 4, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  47. Schick, Curtis. “Murphy and Tedisco debate as election date challenged“, Time Warner Cable, March 25, 2009. წაკითხვის თარიღი: October 31, 2010. 
  48. Schick, Curtis. “20th District candidates meet for final debate“, Time Warner Cable, March 27, 2009. წაკითხვის თარიღი: October 31, 2010. 
  49. Vielkind, Jimmy. “In the Last Debate, Murphy Echoes Obama, Tedisco Cites Experience“, Jared Kushner, March 4, 2009. წაკითხვის თარიღი: October 31, 2010. დაარქივებულია ორიგინალიდან - June 16, 2011. 
  50. Steele Focused on 3 Critical Races in Rebuilding GOP“, News Corporation, January 31, 2009. წაკითხვის თარიღი: April 30, 2009. 
  51. 51.0 51.1 51.2 51.3 Bresnahan, John. “Dem closing in key N.Y. House race“, Allbritton Communications, March 11, 2009. წაკითხვის თარიღი: March 12, 2009. 
  52. Spector, Joseph. “Obama For Murphy“, Gannett Company, March 25, 2009. წაკითხვის თარიღი: March 25, 2009. 
  53. Sam Stein. “Obama Flexes Political Muscle, Enters NY Congressional Race“, March 25, 2009. 
  54. Martin, Jonathan. “Biden cuts radio ad in New York race“, Allbritton Communications, March 25, 2009. წაკითხვის თარიღი: March 26, 2009. 
  55. Liu, Irene Jay. “Gillibrand campaigns for Murphy“, Hearst Corporation, March 28, 2009. წაკითხვის თარიღი: October 31, 2010. 
  56. Republican National Committee (March 12, 2009). „RNC Invests in Northeast“. პრეს-რელიზი. დაარქივებულია ორიგინალიდან July 11, 2011-ში. https://web.archive.org/web/20110711113344/http://oldgop.gop.com/News/NewsRead.aspx?GUID=fdc883b3-a131-4fe0-b189-ace050abc5bd. წაკითხვის თარიღი: March 12, 2009.
  57. SEIU spends $90K in NY-20“, Francine M. McMahon, March 12, 2009. წაკითხვის თარიღი: March 17, 2009. 
  58. Fund, John. “New York Has a Referendum on Obama“, Les Hinton, March 28, 2009. წაკითხვის თარიღი: May 15, 2009. 
  59. Harris, Alisa. “Going into overtime“, Nickolas S. Eicher, April 1, 2009. წაკითხვის თარიღი: October 29, 2010. 
  60. Kraushaar, Josh. “Murphy is GOP's next tax target“, Allbritton Communications, February 5, 2009. წაკითხვის თარიღი: February 5, 2009. 
  61. 61.0 61.1 Halbfinger, David M.. “Stimulus Is Early Focus in Race for Gillibrand's Seat“, Arthur Ochs Sulzberger, Jr., February 23, 2009. წაკითხვის თარიღი: February 24, 2009. 
  62. Zarnowski, Tatiana. “National GOP accuses Murphy of missing elections in 2000-03“, John E.N. Hume III, February 19, 2009. წაკითხვის თარიღი: February 24, 2009. 
  63. Thompson, Maury. “Tedisco shakes up campaign after drop in Siena poll“, Rick Emanuel, March 12, 2009. წაკითხვის თარიღი: November 1, 2010. 
  64. Vielkind, Jimmy. “Murphy: Tedisco's Delay Was 'Shameful'“, Jared Kushner, March 16, 2009. წაკითხვის თარიღი: October 29, 2010. 
  65. Vielkind, Jimmy. “Tedisco Blasts Murphy Over Ad“, Jared Kushner, March 11, 2009. წაკითხვის თარიღი: October 29, 2010. დაარქივებულია ორიგინალიდან - June 16, 2011. 
  66. Sidoti, Liz. “NY election seen as referendum on stimulus“, Associated Press, March 22, 2009. წაკითხვის თარიღი: April 30, 2009. 
  67. Benjamin, Elizabeth. “Tedisco Targets Geithner On AIG, Murphy Targets Tedisco On Stimulus“, Mortimer Zuckerman, March 19, 2009. წაკითხვის თარიღი: October 29, 2010. დაარქივებულია ორიგინალიდან - March 21, 2009. 
  68. Good, Chris. “Bonus Backlash: Dem Strategy“, Atlantic Media Company, March 20, 2009. წაკითხვის თარიღი: November 1, 2010. 
  69. Editorial: Murphy for Congress“, Journal Register Company, March 22, 2009. წაკითხვის თარიღი: March 31, 2009. 
  70. Editorial: Tedisco is best choice for Congress“, Gannett Company, March 22, 2009, გვ. A12. წაკითხვის თარიღი: October 26, 2009. დაარქივებულია ორიგინალიდან - November 4, 2012. 
  71. Frost, Mark. “Scoop: Tedisco for Congress“ (PDF), Lone Oak Publishing Co., Inc., March 26, 2009. წაკითხვის თარიღი: October 29, 2010. 
  72. Tedisco For The 20th“, Paul Carlucci, March 26, 2009. წაკითხვის თარიღი: October 29, 2010. დაარქივებულია ორიგინალიდან - October 20, 2012. 
  73. Editorial: Scott Murphy in the 20th“, Hearst Corporation, March 29, 2009, გვ. B4. წაკითხვის თარიღი: March 29, 2009. 
  74. Tedisco is the choice“, Lee Publications, Inc., March 29, 2009. წაკითხვის თარიღი: March 29, 2009. 
  75. Political Endorsement: Public service, experience“, Journal Register Company, March 29, 2009. წაკითხვის თარიღი: March 29, 2009. 
  76. Editorial: Tedisco gets our nod for congressional seat“, March 29, 2009. წაკითხვის თარიღი: April 5, 2009. 
  77. Liu, Irene Jay. “Murphy now leads by Tedisco 4 points“, Hearst Corporation, March 27, 2009. წაკითხვის თარიღი: March 27, 2009. 
  78. Siena Research Institute (March 27, 2009). „Siena New York 20th Congressional District Poll: Murphy Takes 4-Point Lead Over Tedisco in Final Week“ (PDF). პრეს-რელიზი. დაარქივებულია ორიგინალიდან April 7, 2009-ში. https://web.archive.org/web/20090407070642/http://staging.siena.edu/uploadedFiles/Home/Parents_and_Community/Community_Page/SRI/SNY_Poll/20th%20CD%20SNY%20Poll%203%20Release%20--%20FINAL.pdf. წაკითხვის თარიღი: March 27, 2009.
  79. Liu, Irene Jay. “Siena poll shows Murphy-Tedisco race tightening“, Hearst Corporation, March 13, 2009, გვ. A3. წაკითხვის თარიღი: October 26, 2010. 
  80. Siena Research Institute (March 12, 2009). „Siena New York 20th Congressional District Poll: Murphy Cuts Tedisco's Lead From 12 to 4 Points“ (PDF). პრეს-რელიზი. დაარქივებულია ორიგინალიდან March 20, 2009-ში. https://web.archive.org/web/20090320000927/http://www.siena.edu/uploadedFiles/Home/Parents_and_Community/Community_Page/SRI/SNY_Poll/20th%20CD%20SNY%20Poll%202%20Release%20--%20final_2.pdf. წაკითხვის თარიღი: March 12, 2009.
  81. Liu, Irene Jay. “Siena poll: Tedisco leads Murphy 46-34“, Hearst Corporation, 26 თებერვალი. წაკითხვის თარიღი: February 26, 2009. 
  82. Siena Research Institute (February 26, 2009). „Siena New York 20th Congressional District Poll: James Tedisco Has Early 46%-34% Lead Over Scott Murphy“ (PDF). პრეს-რელიზი. დაარქივებულია ორიგინალიდან March 24, 2009-ში. https://web.archive.org/web/20090324235335/http://staging.siena.edu/uploadedFiles/Home/Parents_and_Community/Community_Page/SRI/SNY_Poll/20th%20CD%20SNY%20Poll%20Release%20--%20Final.pdf. წაკითხვის თარიღი: February 26, 2009.
  83. 83.0 83.1 Kraushaar, Josh. “Republican holds early lead for Gillibrand seat“, Allbritton Communications, February 6, 2009. წაკითხვის თარიღი: February 26, 2009. 
  84. Bauman, Valerie. “Razor-thin NY House race goes to absentee count“, March 31, 2009. 
  85. 85.0 85.1 Richburg, Keith B.. “Absentee Ballots to Decide N.Y. House Race“, The Washington Post, Washington Post Company, April 1, 2009, გვ. A04. წაკითხვის თარიღი: April 1, 2009. 
  86. Liu, Irene Jay. “It's official: Murphy has 25 vote lead over Tedisco“, Hearst Corporation, April 1, 2009. წაკითხვის თარიღი: April 1, 2009. 
  87. 87.0 87.1 Unofficial Results for NY 20th Congressional District (PDF). New York State Board of Elections (April 3, 2009). წაკითხვის თარიღი: April 5, 2009.
  88. Vielkind, Jimmy. “Tedisco Says He's Giving Up Leadership To Focus On Recount, 'Transition'“, Jared Kushner, April 3, 2009. წაკითხვის თარიღი: November 28, 2010. დაარქივებულია ორიგინალიდან - June 16, 2011. 
  89. Vielkind, Jimmy. “Brian Kolb Is the New Tedisco“, Jared Kushner, April 6, 2009. წაკითხვის თარიღი: October 29, 2010. დაარქივებულია ორიგინალიდან - June 16, 2011. 
  90. Lee-Adrian, Jenny. “Tedisco takes 97-vote lead“, Gannett Company, April 7, 2009. წაკითხვის თარიღი: March 31, 2009. დაარქივებულია ორიგინალიდან - November 4, 2012. 
  91. 91.0 91.1 Black, Eric. “Coleman Franken Redux in New York?“, MinnPost.com, Joel Kramer, April 1, 2009. წაკითხვის თარიღი: April 1, 2009. 
  92. Halbfinger, David M.. “No Decision Soon in Upstate House Race“, New York Times, New York Times Co., April 1, 2009. წაკითხვის თარიღი: April 1, 2009. 
  93. Benjamin, Elizabeth. “Let the Counting Begin!“, Daily News, Mortimer Zuckerman, April 6, 2009. წაკითხვის თარიღი: April 7, 2009. დაარქივებულია ორიგინალიდან - April 12, 2009. 
  94. Kraushaar, Josh. “The battle over the absentee ballots“, Allbritton Communications, April 13, 2009. წაკითხვის თარიღი: November 28, 2010. 
  95. Kraushaar, Josh. “Tedisco challenges Gillibrand's absentee ballot“, Allbritton Communications, April 14, 2009. წაკითხვის თარიღი: November 28, 2010. 
  96. 96.0 96.1 Unofficial Combined Machine and Paper Results for NY 20th Congressional District (PDF). New York State Board of Elections (April 23, 2009). წაკითხვის თარიღი: April 23, 2009.
  97. Murphy Going to Congress“, Hearst Corporation], April 25, 2009, გვ. A1. წაკითხვის თარიღი: October 28, 2010. 
  98. Dlouhy, Jennifer A.. “Murphy sworn in surrounded by his 'very large family'“, Hearst Corporation, April 29, 2009. წაკითხვის თარიღი: April 29, 2009. 
  99. 99.0 99.1 99.2 Statement of Canvass: 20th Congressional District (PDF). New York State Board of Elections (May 2009). წაკითხვის თარიღი: May 15, 2009.
  100. Unofficial Combined Machine and Paper Results for NY20th Congressional District (PDF). New York State Board of Elections (April 6, 2009). წაკითხვის თარიღი: November 28, 2010.
  101. Unofficial Combined Machine and Paper Results for NY20th Congressional District (PDF). New York State Board of Elections (April 7, 2009). წაკითხვის თარიღი: November 28, 2010.
  102. Unofficial Combined Machine and Paper Results for NY20th Congressional District (PDF). New York State Board of Elections (April 8, 2009). წაკითხვის თარიღი: November 28, 2010.
  103. Unofficial Combined Machine and Paper Results for NY20th Congressional District (PDF). New York State Board of Elections (April 9, 2009). წაკითხვის თარიღი: November 28, 2010.
  104. Unofficial Combined Machine and Paper Results for NY20th Congressional District (PDF). New York State Board of Elections (April 10, 2009). წაკითხვის თარიღი: November 28, 2010.
  105. Unofficial Combined Machine and Paper Results for NY20th Congressional District (PDF). New York State Board of Elections (April 13, 2009). წაკითხვის თარიღი: November 28, 2010.
  106. Unofficial Combined Machine and Paper Results for NY20th Congressional District (PDF). New York State Board of Elections (April 14, 2009). წაკითხვის თარიღი: November 28, 2010.
  107. Unofficial Combined Machine and Paper Results for NY20th Congressional District (PDF). New York State Board of Elections (April 15, 2009). წაკითხვის თარიღი: November 28, 2010.
  108. Unofficial Combined Machine and Paper Results for NY20th Congressional District (PDF). New York State Board of Elections (April 16, 2009). წაკითხვის თარიღი: November 28, 2010.
  109. Unofficial Combined Machine and Paper Results for NY20th Congressional District (PDF). New York State Board of Elections (April 17, 2009). წაკითხვის თარიღი: November 28, 2010.
  110. Vielkind, Jimmy. “Riding the Republican wave“, Hearst Corporation, December 22, 2010. წაკითხვის თარიღი: December 27, 2010. 
  111. Halbfinger, David M.. “Upstate New York House Race Is Too Close to Call“, Arthur Ochs Sulzberger, Jr., March 31, 2009. წაკითხვის თარიღი: December 27, 2010. 
  112. Vielkind, Jimmy. “Post-Game: From a Back-Row Seat, Tedisco Mans Up“, Jared Kushner, April 27, 2009. წაკითხვის თარიღი: December 2, 2010. დაარქივებულია ორიგინალიდან - June 16, 2011. 
  113. Another GOP Defeat“, Les Hinton, April 28, 2009, გვ. A13. წაკითხვის თარიღი: December 2, 2010. 
  114. Freedlander, David. “Why Scott Murphy Matters“, The Capitol and Manhattan Media, May 22, 2009. წაკითხვის თარიღი: December 2, 2010. დაარქივებულია ორიგინალიდან - October 5, 2010. 
  115. Vielkind, Jimmy. “Schulte Stays With Murphy, Now Chief of Staff“, Jared Kushner, April 30, 2009. წაკითხვის თარიღი: December 2, 2010. დაარქივებულია ორიგინალიდან - June 16, 2011. 
  116. Vielkind, Jimmy. “Murphy Names McKeon Communications Director“, Jared Kushner, May 15, 2009. წაკითხვის თარიღი: December 2, 2010. დაარქივებულია ორიგინალიდან - October 29, 2011. 
  117. Hornbeck, Leigh. “Murphy goes to the other side for district director“, Hearst Corporation, May 5, 2009. წაკითხვის თარიღი: December 2, 2010. 
  118. Hornbeck, Leigh. “Murphy gets new digs in Hudson“, Jared Kushner, June 1, 2009. წაკითხვის თარიღი: December 3, 2010. 
  119. Bernstein, Andrew J.. “Murphy opens Saratoga Springs district office with forum“, Journal Register Company, May 2, 2009. წაკითხვის თარიღი: December 3, 2010. 
  120. Gibson beats Murphy, Tonko wins“, Hearst Corporation, November 2, 2010. წაკითხვის თარიღი: December 2, 2010.