ნინო ვეფხვაძე

ნინო რევაზის ასული ვეფხვაძე (დ. 6 დეკემბერი, 1956, თბილისი) — ქართველი ექიმი-რადიოლოგი, პრევენციული მედიცინის სპეციალისტი. მედიცინის მეცნიერებათა დოქტორი (1995), პროფესორი (1999).

დაამთავრა თბილისის სახელმწიფო სამედიცინო ინსტიტუტი (1979). 1986-1987 წლებში იყო თბილისის ენდოკრინოლოგიური დისპანსერის რადიოიზოტოპური დიაგნოსტიკის ლაბორატორიის გამგე, 1996-2007 წლებში — თსსუ-ის პრევენციული მედიცინის კათედრის გამგე, საზოგადოებრივი ჯანდაცვის კათედრის პროფესორი, 2007-2009 წლებში — თსსუ-ის პრევენციული მედიცინის დეპარტამენტის, ხოლო 2009 წლიდან — თსსუ-ის ჰიგიენისა და სამედიცინო ეკოლოგიის დეპარტამენტის ხელმძღვანელი, სრული პროფესორი. ვეფხვაძის კვლევის ძირითადი მიმართულებებია გარემოს რადიაციული ფონების, რადიონუკლიდების მიგრაციისა და ონკოლოგიურ დაავადებათა ეპიდემიოლოგიის საკითხები. მან თანაავტორებთან ერთად შეადგინა საქართველოს რადიაციული რუკა.

ლიტერატურა

• ენციკლოპედია „საქართველო“, ტ. 3, თბ., 2014. — გვ. 261.