ნიკოფსი

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ნიკოფსია)
ნავიგაციაზე გადასვლა ძიებაზე გადასვლა
ნიკოფსია ანტიკური ხანისა და შუა საუკუნეების აფხაზეთის მხარეების რუკაზე.

ნიკოფსი, ნიკოფსია (ბერძ. Nikofsis) — ისტორიული ციხე ქალაქი შავი ზღვის პირას, ქალაქ ტუაფსეს (კრასნოდარის მხარე, რუსეთი) ჩრდილო-დასავლეთით 47 კმ-ზე ნანგრევები შემორჩენილია დაახლოებით 30 მ სიმაღლის კლდეზე. პირველად მოხსენიებულია V საუკუნის ანონიმ ავტორთან. მემატიანე ფლავიუს არიანეს (II საუკუნე) ცნობით, აქ უფრო ადრეც ყოფილა ქალაქი ძვ. ლაზიკეს სახელწოდებით. VI-VIII საუკუნეებში ნიკოფში საეპისკოპოსო კათედრალი იყო. VIII საუკუნის ბოლოს ნიკოფსი ეგრის-აფხაზეთის სამეფოს შემადგენლობაში შევიდა. XIV-XVI საუკუნეებში იტალიურ გეოგრაფიის რუკებზე აღნიშნულია „სანიას“ სახელწოდებით. XVI საუკუნიდან თანდათან გამოეთიშა საქართველოს პოლიტიკისა და კულტურის გავლენას. გვიანდელ ფეოდალურ ხანაში იგი უკვე ნაქალაქარია.

ლიტერატურა[რედაქტირება | წყაროს რედაქტირება]

  • ბერაძე თ., ქართული საბჭოთა ენციკლოპედია, ტ. 7, თბ., 1984. — გვ. 435.
  • Куфтин Б. А., Материалы к археологии Колхиды, т. 1, Тб., 1949.