ნიკოლოზ I-ის ძეგლი
| ნიკოლოზ I-ის ძეგლი Памятник Николаю I | |
|---|---|
 | |
| მდებარეობა | სანქტ-პეტერბურგი, რუსეთი |
| არქიტექტორი | ოგიუსტ მონფერანი |
| მოქანდაკე | პეტრე კლოდტი |
| მასალა | ბრინჯაო |
| სიმაღლე | 6 მეტრი |
| დაწყების თარიღი | 1856 |
| დასრულების თარიღი | 1859 |
| მიძღვნილია | ნიკოლოზ I |
 რუსეთის კულტურული მემკვიდრეობის ძეგლი | |
ნიკოლოზ I-ის ძეგლი (რუს. Памятник Николаю I) — რუსეთის იმპერატორ ნიკოლოზ I-ის ძეგლი. მდებარეობს ისააკის მოედანზე, მარიის სასახლისა და ისააკის ტაძარს შორის. ძეგლის მშენებლობა დაიწყეს 1856 წელს იმპერატორის გარდაცვალების შემდეგ არქიტექტორ ოგიუსტ მონფერანის პროექტის მიხედვით და გახსნეს 1859 წლის 7 ივლისს.
აღწერა[რედაქტირება | წყაროს რედაქტირება]
ძეგლი წარმოადგენს ნიკოლოზ I-ის ექვსმეტრიან გამოსახულებას, რომელიც არის პეტრე კლოდტის ნამუშევარი და დგას კვარცხლბეკზე. იმპერატორი გამოსახულია სააღლუმე ფორმაში ცხენზე ამხედრებული.
ძეგლის კვარცხლბეკზე მუშაობდა ოგიუსტ მონფერანი და იგი დამზადებულია შოკშის კვარციტისა[1] და თეთრი იტალიური მარმარილოსაგან. ცოკოლი შესრულებულია ნაცრისფერი გრანიტისაგან[2].
ძეგლის კვარცხლბეკზე გამოსახულია ოთხი ალეგორიული ქალის ფიგურა, რომელზეც მუშაობდა რობერტ ზალემანი. ისინი განასახირებენ „ძალას“, „სიბრძნეს“, „სამართლიანობასა“ და „რწმენას“. ქალტა ფიგურების თავები გამოსახავს იმპერატრიცა ალექსანდრა ფიოდირეს ასულს და ნიკოლოზ I-ის სამ ქალიშვილს, მარიას, ალექსანდრასა და ოლღას.
ძეგლის ოთხი ბარელიეფი, რომელიც განთავსებულია კვარცხლბეკის კედლებზე, მოგვითხობს ნიკოლოზ I-ის მმართველობის მნიშნელოვან ამბებზე.
ძეგლის აღმართვა დაჯდა 753 ათასი რუბლი ვერცხლით . მის ჩამოსხმაზე დაიხარჯა 1 300 ფუთი მეტალი. ძეგლის პირველი ჩამოსხმა წარუმატებელი იყო, რადგან ფორმა დაკარგა.
თავისი დროისათვის ძეგლი ითვლებდა საინჟინრო სასწაულად: ეს იყო ევროპაში პირველი ძეგლი ცხენთან ერთად, რომელიც იდგა ორ წერტილზე (ცხენის ორ უკანა ფეხზე). პირველად აღნიშული მეთოდი გამოიყენეს პრეზიდენტ ენდრიუ ჯექსონის ძეგლის აღმართვისას ვაშინგტონში თეთრი სახლის წინ.
ძეგლი საბჭოთა პერიოდში[რედაქტირება | წყაროს რედაქტირება]
1917 წლის მარტში თებერვლის რევოლუციიდან ძალიან მალევე პუბლიცისტმა, დეკაბრისტების ხსოვნის საზოგადოების თავჯდომარემ ლონგინ პანტელეევმა განაცხადა, რომ ძეგლ ახალი ხელისუფლებისათვის შეუფერებელია და წამოაყენა წინადადება მის კვარცხლბეკზე დაემონტაჟებინათ 1825 წლის 14 დეკემბრის აჯანყების მონაწილეთა ძეგლი[3].
ოქტომბრის რევოლუციის შემდეგ არაერთხელ დადგა საკითხი ძეგლის დანგრევის შესახებ, მაგრამ თავისი უნიკალური არქიტექტურის გამო (ძეგლის ორ საყრდენზე დგომა) იგი აღიარეს საინჟინრო შედევრად და არ დაუნგრევიათ თვით საბჭოთა ხელისუფლების პერიოდშიც კი. 1930-იან წლებში მხოლოდ ძეგლის გარშემო მდებარე პატარა ღობის დემონტაჟი მოახდინეს. 1992 წელს ღობე აღადგინეს.
რესურსები ინტერნეტში[რედაქტირება | წყაროს რედაქტირება]
- Памятник Николаю I на сайте электронной энциклопедии Санкт-Петербурга დაარქივებული 2020-01-26 საიტზე Wayback Machine.
სქოლიო[რედაქტირება | წყაროს რედაქტირება]
- ↑ Карелия официальная. დაარქივებულია ორიგინალიდან — 2017-07-01. ციტირების თარიღი: 2018-11-27.
- ↑ E. Моллер. Общественная жизнь в Петербурге // Русское слово. — 1859. — № 7. — С. 153—154.
- ↑ Пантелеев Л. Ф. Памятник декабристам // Дело народа 1917, № 13 (30 марта). — С. 1