ნიკოლოზ ჩაჩიკაშვილი

ნიკოლოზ ჩაჩიკაშვილი (გ. 1810) — ქართველი მწიგნობარი.

ბიოგრაფია

მოღვაწეობდა XVIII -XIX საუკუნეში. გადაწერილი აქვს უმეტესად სასულიერო შინაარსის წიგნები: კურთხევანი, 1758 წლისა (ხელნაწერთა ინსტიტუტი, A- 1465), თვეთა მეტყველება 1802 წლისა (A-1321); კურთხევანი 1760 წლისა (A-465); აგრეთვე საერო შინაარსის წიგნები: მსოფლიო ისტორია 1769 წლისა (A-657), წიგნი ისტორია-ზნეობრივი არაკების კრებული, 1793 წლისა (A-1168). 1774-1779 წლებში შეადგინა და თავისი ხელით გადაწერა სადევგმირო და სამიჯნურო თხზულებების (შაჰნამე, ბაამიანი, ყარამანიანი, ბარამიანი, ბარამგურიანი, ჩარდარვიშიანი, თამარიანი და სხვ.) დიდი კრებული (A-858, 860, 999) წერდა მხედრულად და ნუსხურად. იმ დროისათვის ცნობილი გადამწერები იყვნენ მისი ვაჟებიც: კორნილიე ანუ კორნილიოსი და თომა.

იყო კათოლიკე, რის გამოც დევნიდნენ.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 88.
• ჭიჭინაძე ზ, ქართველ კათოლიკენი ყველა ასპარესზედ და ზოგი რამ წერილები დასავლეთ საქართველოზე, ტფილისი: არ. ქუთათელაძის სტამბა, 1905. — გვ. 13.

რესურსები ინტერნეტში

• ნიკოლოზ ჩაჩიკაშვილი — საქართველოს ბიოგრაფიული ლექსიკონი