შინაარსზე გადასვლა

ნიკა ეგაძე

მასალა ვიკიპედიიდან — თავისუფალი ენციკლოპედია
ნიკა ეგაძე
პირადი ინფორმაცია
დაბ. სახელი ნიკა ეგაძე
ეროვნება ქართველი
დაბ. თარიღი 2 აპრილი, 2002 (2002-04-02) (23 წლის)
დაბ. ადგილი თბილისი, საქართველო
სიმაღლე 179 სმ
სპორტი
ქვეყანა საქართველოს დროშა საქართველო
სპორტი ფიგურული ციგურაობა
მწვრთნელი ეთერი თუთბერიძე
დანილ გლეიხენგაუზი
სერგეი დუდაკოვი
მედლები
ევროპის ჩემპიონატი
ოქრო შეფილდი 2026 ერთეულები
საქართველოს ჩემპიონატი
ოქრო თბილისი 2024 ერთეულები

ნიკა ეგაძე (დ. 2 აპრილი, 2002, თბილისი, საქართველო) — ქართველი ფიგურული მოციგურავე. 2026 წლის ევროპის ჩემპიონი.[1] 2025 წლის საფრანგეთის გრან-პრის ბრინჯაოს მედალოსანი. ციგურაობის საერთაშორისო ფედერაციის ჩელენჯერის სერიის სამგზის ოქროს მედალოსანი. ახალგაზრდულ დონეზე, 2017 წლის ევროპის ახალგაზრდული ჩემპიონატის ბრინჯაოს მედალოსანი და 2020 წლის მსოფლიოს ახალგაზრდული ჩემპიონატის ფინალური განყოფილების მონაწილე.

ნიკა ეგაძე 2002 წლის 2 აპრილს, საქართველოს დედაქალაქ თბილისში დაიბადა.[2] მისი მამა იუველირი, ხოლო დედა მათემატიკოსია. მას ასევე ჰყავს უმცროსი ძმა.[3]

ეგაძემ სრიალი 2011 წელს, ცხრა წლის ასაკში დაიწყო. მისი პირველი ფიგურული ციგურაობის მწვრთნელი მარინა ჯაიანი იყო.[3][4]

ეგაძის დებიუტი, ლეა ჩოფიკაშვილის მწვრთნელობით, ბათუმში გამართულ 2016-17 წლების ციგურაობის საერთაშორისო ფედერაციის ახალგაზრდულ გრან-პრიზე შედგა. 2016 წლის საფრანგეთის ახალგაზრდულ გრან-პრიზე გამოსვლა მე-14 ადგილზე დაასრულა. შემდგომში მან 2016 წლის Ice Star-ზე ბრინჯაო, ხოლო 2016 წლის სანტა-კლაუსის თასზე ვერცხლის მედალი მოიპოვა.[5]

მომდევნო სეზონიდან ეგაძე რუსეთის დედაქალაქ მოსკოვში გადავიდა და ეთერი თუთბერიძესთან და სერგეი დუდაკოვთან დაიწყო ვარჯიში.[6]

რესურსები ინტერნეტში

[რედაქტირება | წყაროს რედაქტირება]