ნგურდოტოს კრატერი
ნგურდოტო — კრატერი ტანზანიის ჩრდილოეთით. მდებარეობს არუშის ეროვნული პარკის სამხრეთ-აღმოსავლეთ ნაწილში. წარმოადგენს ვრცელ კალდერას, რომლის სიღრმე 100 მ, ხოლო დიამეტრი 3,6 კმ-ია.
ცნობილია როგორც პატარა ნგორონგორო. ტურისტებისთვის კრატერის ხილვა შესაძლებელი არ არის, თუმცა ზოგიერთ მონაკვეთზე არის სადაკვირვებო წერტილები, საიდანაც იშლება ხედი თვით კრატერის შიგნითა ნაწილზე და მწვერვალ კილიმანჯაროზე. გარშემორტყმულია ხშირი ტყით, განვითარებულია ჭაობები. გვხვდება დიდი რაოდენობით კამეჩები, კოლობუსები და სხვ.[1]
სქოლიო[რედაქტირება | წყაროს რედაქტირება]
- ↑ ტბა მომელა - ნგურდოტოს კრატერი დაარქივებული 2012-07-22 საიტზე Wayback Machine. (ინგლისური)